អគ្គីភ័យ​លេប​ត្របាក់​ផ្ទះ​ឈើ​តម្លៃ​ជិត ៣ លាន​ដុល្លារ​ក្នុងថ្ងៃបុណ្យចូលឆ្នាំចិន នៅ​ខេត្ត​ Lop Buri ប្រទេសថៃ

អគ្គីភ័យបានបំផ្លាញផ្ទះឈើតម្លៃ ១០០​លានបាតដែលស្មើនឹងប្រមាណ ២៩៤៦០០០ ដុលារ ទាំងស្រុងនៅក្នុងខេត្ត Lop Buri ក្នុងឱកាសបុណ្យចូលឆ្នាំចិន។ នេះបើយោងតាមការចេញផ្សាយរបស់សារព័ត៌មានថៃ The Nation Thailand នៅថ្ងៃទី២៨ខែមករានេះ។

ប៉ូលិសបានរាយការណ៍ថា អគ្គីភ័យមួយបានឆាបឆេះ​ម៉ោង​៩​និង​៣០​នាទី​ព្រឹកថ្ងៃអង្គារ នៅផ្ទះពន្លាឈើបែបថៃមួយកន្លែងក្នុងសង្កាត់Mueang នៃខេត្ត Lop Buri ដោយបានឆាបឆេះយ៉ាងឆាប់រហ័យបំផ្លាញខ្ទេជ និងបណ្តាលឱ្យខូចខាតគិតជាទឹកប្រាក់ប្រមាណជា ១០០ លានបាត។ ក្រុម​ពន្លត់​អគ្គិភ័យជួយពន្លត់ឃ្លាំង​មួយ​នៅ​ក្បែរ​នោះ ប៉ុន្តែ​ផ្ទះ​ត្រូវ​បាន​ឆាបឆេះ​ទាំងស្រុង ។

រថយន្តពន្លត់អគ្គិភ័យសរុប២៣គ្រឿង ត្រូវបានបញ្ជូនទៅកាន់កន្លែងកើតហេតុ ប៉ុន្តែភ្លើងបានរាលដាលពេញផ្ទះហើយ ដែលសង់ពីឈើទាលមានតម្លៃថ្លៃ ហើយកំពុងគម្រាមទៅដល់ឃ្លាំងស្តុកឈើក្បែរនោះ។ ក្រុម​ពន្លត់​អគ្គិភ័យ​បាន​ធ្វើ​ការ​ប្រហែល​១​ម៉ោង​ទើប​អាច​គ្រប់គ្រង​បាន ។ ក្រុម​ពន្លត់​អគ្គិភ័យជួយពន្លត់ឃ្លាំង​មួយ​នៅ​ក្បែរ​នោះ ប៉ុន្តែ​ផ្ទះ​ត្រូវ​បាន​ឆាបឆេះ​ទាំងស្រុង ។

បើយោងតាមម្ចាស់ផ្ទះឈ្មោះលោកស្រី Chanphen Limsongphot បានប្រាប់ប៉ូលិសថា លោកស្រីបាននៅខាងក្រៅផ្ទះរៀបចំក្រដាស់សែនដូនតាក្នុងពិធីបុណ្យចូលឆ្នាំចិន នៅពេលដែលភ្លើងបានឆាបឆេះនៅជាន់ទី២ ហើយភ្លើងបានបន្តឆាបឆេះសំណង់ទាំងស្រុងតែ។ លោកស្រី Chanphen បាន​អះអាង​ថា ផ្ទះ​ឈើ​ឈើ​នេះ​ត្រូវ​បាន​សាងសង់​ឡើង​ក្នុង​តម្លៃ ១០០ លាន​បាត។ មកដល់ពេលនេះប៉ូលិស​កំពុងធ្វើការ​ស៊ើបអង្កេត​រក​មូលហេតុ​ពិតប្រាកដនៃ​ការ​ឆេះ​នេះនៅឡើយ៕

អត្ថបទ៖ ប៊ុន សុភាព