ព័ត៌មានជាតិ

គ្រួសារក្រីក្រនិងជនងាយរងគ្រោះដោយជំងឺកូវីដ១៩អាចបើកប្រាក់ឧបត្ថម្ភរបស់រាជរដ្ឋាភិបាលសម្រាប់ជុំទី៤លើកទី៣ថ្ងៃនេះ

បានផុស

៥ years មុន

នៅ

ថ្ងៃព្រហស្បតិ៍ ២៥ មីនា ២០២១

ដោយ

នាយកដ្ឋានសុខុមាលភាពសង្គមនៃក្រសួងសង្គមកិច្ចអតីតយុទ្ធជន និងយុវនីតិសម្បទាបានប្រកាសដល់គ្រួសារក្រីក្រនិងងាយរងគ្រោះទូទាំងប្រទេសរួសរាន់អញ្ជើញមកពិនិត្យឈ្មោះតាមមូលដ្ឋាន ឃុំ សង្កាត់ ដែលរស់នៅស្នាក់អាស្រ័យរៀងៗខ្លួនដើម្បីទទួលកម្មវិធីឧបត្ថម្ភសាច់សម្រាប់ជុំទី៤ លើកទី៣ (ខែមីនា) ចាប់ពីថ្ងៃ ទី២៥ ខែមីនា ដល់ថ្ងៃទី២៤ ខែមេសា ឆ្នាំ២០២១ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការជូនដំណឹងរបស់នាយកដ្ឋានសុខុមាលសង្គម បានបញ្ចាក់នៅព្រឹកថ្ងៃទី២៥ មិនាថា ក្រោយពីទទួលបានគោលនយោបាយជាតិគាំពារសង្គម (២០១ ៦-២០២៥) រាជរដ្ឋាភិបាលបានផ្ទេរការអនុវត្តកម្មវិធីឧបត្ថម្ភសាច់ប្រាក់ជូនដល់គ្រួសារក្រីក្រ និងងាយរងគ្រោះពិសេសដែលទទួលផលប៉ះបាល់ដោយសារជម្ងឺរាតត្បាតកូវិដ១៩ សម្រាប់ជុំទី៤ លើកទី៣ ខែមិនាឆ្នាំ២០២១នេះចាប់ពីថ្ងៃទី២៥ ខែមីនា ដល់ថ្ងៃទី២៤ ខែមេសា ឆ្នាំ២០២១ តាមរយះក្រសួងសង្គមកិច្ចអតីតយុទ្ធជន និងយុវនីតិសម្បទាផ្តល់តាមទីតាំងប្រព័ន្ធវីងដែលនៅតាមមូលដ្ឋានរៀងៗខ្លួន ។

នាយកដ្ឋានសុខមាលភាពសង្គមបានធ្វើការអំពាវនាវបន្ថែមទៀតដល់បងប្អូនក្រីក្រនិងងាយរងគ្រោះទូទាំងប្រទេសមកពិនិត្យឈ្មោះតាមមូលដ្ឋាន ឃុំ សង្កាត់ ដែលរស់នៅស្នាក់អាស្រ័យរៀងៗខ្លួនឲ្យបានគ្រប់ៗគ្នាដើម្បីទទួលបានសាច់ប្រាក់ឧបត្តម្ភពីរាជរដ្ឋាភិបាលបន្តទៀត៕

អត្ថបទ ៖ វិមាន