Connect with us

ព័ត៌មានអន្ដរជាតិ

ថាក់ស៊ីន ចូលខ្លួន​ថ្ងៃ​ទី​ពីរ​នៃ​ការ​កាត់​ក្ដី​ទោសប្រមាថព្រះមហាក្សត្រក្នុង​ទីក្រុង​បាងកក

បានផុស

នៅ

យោងតាមការចេញផ្សាយរបស់សារព័ត៌មាន​ The Nation នៅថ្ងៃទី០២ ខែកក្កដានេះ អតីតនាយករដ្ឋមន្ត្រីថៃ លោក ថាក់ស៊ីន ស៊ីណាវ៉ាត្រ បានបង្ហាញខ្លួននៅតុលាការព្រហ្មទណ្ឌនៅ​ទីក្រុង​បាងកក សម្រាប់​ថ្ងៃទីពីរនៃសវនាការ​រឿងក្ដី​ប្រមាថព្រះមហាក្សត្រ និងច្បាប់ស្តីពីឧក្រិដ្ឋកម្មកុំព្យូទ័រ។

លោក ថាក់ស៊ីន ដើរចូលតុលាការ (រូបភាព៖ The Nation)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចោទប្រកាន់លោក ថាក់ស៊ីន កើតចេញពីបទសម្ភាសន៍កាលពីឆ្នាំ២០១៥ជាមួយប្រព័ន្ធផ្សព្វផ្សាយកូរ៉េខាងត្បូង។ កាល​ណោះ លោក ថាក់ស៊ីន ត្រូវបានចោទថាបានធ្វើសុន្ទរកថាប្រមាថរបបរាជានិយម។ លោកក៏ប្រឈមមុខនឹងការចោទប្រកាន់ក្រោមច្បាប់ឧក្រិដ្ឋកម្មកុំព្យូទ័រឆ្នាំ២០០៧ផងដែរ។ លោក ថាក់ស៊ីន បានបដិសេធរាល់ការចោទប្រកាន់ ហើយបច្ចុប្បន្នកំពុងនៅក្រៅឃុំ។

មេធាវីរបស់លោកគឺលោក Winyat Chartmontree បានបញ្ជាក់ថា សាក្សីតំណាងអយ្យការចំនួនបួននាក់ត្រូវបានគ្រោងទុកសម្រាប់បំភ្លឺក្ដី ប៉ុន្តែមិនបានបញ្ចេញឈ្មោះរបស់ពួកគេទេ។ សាក្សីរំពឹងថានឹងផ្តល់សក្ខីកម្មនៅសប្តាហ៍ក្រោយ។ លោក Winyat បានបន្ថែមថា លោក ថាក់ស៊ីន នឹងបន្តចូលរួម​គ្រប់​សវនាការ​ទាំងអស់រហូតដល់ករណីនេះបិទបញ្ចប់។

លោក Winyat Chartmontree មេធាវីរបស់លោក ថាក់ស៊ីន (រូបភាព៖ The Nation)

អ្នកគាំទ្រ រួមទាំងអតីតនាយករដ្ឋមន្ត្រីលោក Somchai Wongsawat និងកូនស្រីលោក ថាក់ ស៊ីន គឺ​លោកស្រី Pintongta ក៏មានវត្តមាននៅក្នុងតុលាការផងដែរ។ អតីតនាយករដ្ឋមន្ត្រី Somchai Wongsawat បានសម្តែងការគាំទ្រចំពោះការរក្សាភាពស្ងប់ស្ងាត់របស់លោក ថាក់ស៊ីន។ លោក Somchai ក៏បានធ្វើអត្ថាធិប្បាយលើការព្យួរទោសរបស់តុលាការធម្មនុញ្ញនាពេលថ្មីៗនេះរបស់លោកស្រី ផែថងថាន ស៊ីណាវ៉ាត្រ ដោយសរសើរលោកស្រីចំពោះការបម្រើប្រទេសដោយការយកចិត្តទុកដាក់ និងជំរុញឱ្យមានការគោរពចំពោះសេចក្តីសម្រេចរបស់តុលាការ៕

អតីតនាយករដ្ឋមន្ត្រីលោក Somchai Wongsawat (រូបភាព៖ The Nation)
លោក ថាក់ស៊ីន និង កូនស្រីPintongta (រូបភាព៖ The Nation)

អត្ថបទ៖ ប៊ុន សុភាព

Helistar Cambodia - Helicopter Charter Services
Sokimex Investment Group
Sokha Hotels

ព័ត៌មានពេញនិយម