ឆៃ លីដាឡែន គាំទ្រការលើកឡើងលោក យូ ឌីស្កូ រឿងជំងឺតួឯកនៃអ្នកសិល្បៈមួយចំនួន

តារាចម្រៀងយ៉េៗចូលចិត្តស្លៀកពាក់ស៉ិចស៊ីអ្នកនាង ឆៃ លីដាឡែន បានបង្ហាញការគាំទ្រនិងលើកឡើងចំៗ ក្រោយមិត្តភ័ក្តិរួមជំនាន់សិល្ប: គឺលោក យូ ឌីស្កូ បានចេញមកនិយាយជុំវិញរឿងតារាស្រុកខ្មែរជំនាន់ក្រោយមួយចំនួនពេលល្បីកើតជំងឺតួឯក។

អ្នកនាង ឆៃ លីដាឡែន បញ្ចេញទស្សន:គាំទ្រនេះ គឺស្របពេលតារាសម្តែងប្រុសលោក យូ ឌីស្កូ បានលើកឡើងតាមរយ:កិច្ចសម្ភាសដល់អ្នកសារព័ត៌មានថា លោកសង្កេតឃើញបច្ចុប្បន្នមានអ្នកសិល្ប:ជំនាន់ក្រោយមួយចំនួនហាក់ដំឡើងឮកពារឆ្មើងឆ្មៃមិនគោរពឱ្យតម្លៃលើអ្នកសិល្ប:រៀមច្បង ឬតារាជើងចាស់ឡើយ ពោលគឺកើតជំងឺតួឯកតែម្តង។

ងាកមកចាប់អារម្មណ៍អ្នកនាង ឆៃ លីដាឡែន បានឱ្យដឹងថា នាងពិតគាំទ្រសម្តីលោក យូ ឌីស្កូ (Sco You) ព្រោះពាក្យនឹងគឺនាងធ្លាប់បាននិយាយយូរហើយ តែដោយសារសម័យនេះគេតម្លៃទៅលើ social media អ៊ីចឹងហើយអ្នកណាគេល្បីគឺអ្នកនឹងគឺជាតារា ។

តារាចម្រៀង ឆៃ លីដាឡែន បានបន្តទៀតថា “កាលជំនាន់មុនទំរាំខ្ញុំក្លាយជាតារាហើយមានគេស្គាល់ គឺខំប្រឹងស្កាត់តាំងពីបាត់ដំបងឡើងមមភ្នំពេញបែកកញ្ចក់ ឡានមិនដឹងម៉ានដង ខ្ញុំមានបងយូ ឌីស្កូ ជាសាក្សីបាន បងអើយបើក្មេងណាដើរបុកឬមើលមិនឃើញយើង ដើរបុកវិញហើយខ្ពើមធ្វើឃើញ ខ្ញុំអ៊ីចឹង”។

ទោះបីយ៉ាងណាលោក យូ ឌីស្កូ ក៏បានបញ្ជាក់ដែរថា “សម័យឥឡូវគ្រាន់តែអ្នកលេង Tik Tok ល្បីបន្តិចក៏ជា តារា អ្នកថតវីដេអូខ្លីៗបន្តិច ក៏ជាតារាឬអ្នកចូលចិត្តធ្វើបែកស្លុយឡប់ឆ្កួតៗក៏ជាតារា ប៉ុន្តែហេតុអ្វីបានជាផលិតករនិងផលិតកម្មមួយចំនួនចូលចិត្តឱ្យតម្លៃទៅខាងពួកគាត់ហ្នឹងខ្លាំងជាងអ្នកសិល្ប:ជើងចាស់ម្ល៉េះ។ ហេតុផលនេះហើយទើបធ្វើឲ្យអ្នកទាំងនោះមានអំនួតក្នុងខ្លួនថា គាត់ឡូយ គាត់អស្ចារ្យ មិនស្គាល់និងគោរពតារារៀមច្បងឡើយ”៕ ចាន់រ៉ា