ព័ត៌មានជាតិ
មកដល់ពេលនេះ មានខេត្តចំនួន ៣ នៅកម្ពុជាមានរោងចក្រផលិតស៊ីម៉ងត៍ផ្គត់ផ្គង់ទីផ្សារក្នុងស្រុក
ខេត្តចំនួន ៣ បច្ចុប្បន្ននេះទទួលបានការវិនិយោគសាងសង់រោងចក្រផលិតស៊ីម៉ងត៍ ដើម្បីផ្គត់ផ្គង់ទីផ្សារក្នុងស្រុកនិងនាំចេញទៅលក់នៅក្រៅប្រទេស។
ខេត្តកំពតជាខេត្តតដំបូងគេ ដែលមានរោងចក្រផលិតស៊ីម៉ងត៍តាំងពីទសវត្សរ៍ឆ្នាំ ១៩៦០។ ក្រៅពីខេត្តកំពត បច្ចុប្បន្នខេត្តបាត់ដំបងក៏មានក្រុមហ៊ុនចិនមួយ បានវិនិយោគរោងចក្រផលិតស៊ីម៉ងត៍។ ហើយកាលពីឆ្នាំ ២០២៥ ខេត្តកំពង់ស្ពឺដែលនៅមិនឆ្ងាយពីរាជធានីភ្នំពេញ ក៏បានដាក់ឲ្យដំណើរការរោងចក្រផលិតស៊ីម៉ង់ថ្មីមួយទៀត ក្រោមទុនវិនិយោគប្រមាណ ២៥០ លានដុល្លារ។
ថ្លែងនៅក្នុងពិធីសម្ពោធរោងចក្រផលិតស៊ីម៉ងត៍ ខនស៍ ខេធី ស៊ីមេន (ភ្នំពេញ) ស្ថិតនៅស្រុកឱរ៉ាល់ ខេត្តកំពង់ស្ពឺ លោក កែវ រតនៈ រដ្ឋមន្ត្រីក្រសួងរ៉ែ និងថាមពល បានបញ្ជាក់ថា មកទល់បច្ចុប្បន្ននេះមានក្រុមហ៊ុនចំនួន ៦ ដែលបានកំពុងវិនិយោគលើវិស័យស៊ីម៉ងត៍ក្នុងប្រទេសកម្ពុជា ក្រោមទុនវិនិយោគសរុបប្រមាណ ១,១១ ពាន់លានដុល្លារអាមេរិក។
រោងចក្រទាំង ៦ មានសមត្ថភាពផលិតស៊ីម៉ងត៍បានប្រមាណ ១១ លានតោន/ឆ្នាំ និងមានទីតាំងស្ថិតនៅក្នុងខេត្តចំនួន ៣ ដែលក្នុងនោះរួមមាន៖
១-ក្រុមហ៊ុន កំពត ស៊ីមេន ខូអិលធីឌី ស្ថិតនៅស្រុកដងទង់ និងស្រុកបន្ទាយមាស ខេត្តកំពត បានដាក់ឱ្យដំណើរការក្នុងឆ្នាំ២០០៧ មានសមត្ថភាពផលិត ២,៥ លានតោន/ឆ្នាំ
២-ក្រុមហ៊ុន ស៊ីម៉ង់ត៍ កម្ពុជា ចក្រីទីង ស្ថិតនៅស្រុកទឹកឈូ ខេត្តកំពត បានដាក់ឱ្យដំណើរការក្នុង ឆ្នាំ២០១៥ មានសមត្ថភាពផលិត ១.៣ លានតោន/ឆ្នាំ
៣-ក្រុមហ៊ុន ជីបម៉ុង អ៊ិនស៊ី ស៊ីមេន ខបភើរេសិន ស្ថិតនៅស្រុកបន្ទាយមាស ខេត្តកំពត បានដាក់ ឱ្យដំណើរការក្នុងឆ្នាំ២០១៨ មានសមត្ថភាពផលិត ២ លានតោន/ឆ្នាំ
៤-ក្រុមហ៊ុន បាត់ដំបង ខនស៍ ស៊ីមេន ខមភេនី លីមីតធីត ស្ថិតនៅស្រុករតនមណ្ឌល ខេត្ត បាត់ដំបង បានដាក់ឱ្យដំណើរការក្នុងឆ្នាំ២០១៨ មានសមត្ថភាពផលិត ២ លានតោន/ឆ្នាំ
៥-ក្រុមហ៊ុន ស៊ីម៉ង់ត៍ ថៃ ប៊ុនរ៉ុង ស្ថិតនៅស្រុកដងទង់ ខេត្តកំពត ដែលមានសមត្ថភាពផលិត ១ លានតោន/ឆ្នាំ ហើយ និង
៦-ក្រុមហ៊ុន ខនស៍ ខេធី ស៊ីមេន (ភ្នំពេញ) ឯ.ក ស្ថិតនៅស្រុកឱរ៉ាល់ ខេត្តកំពង់ស្ពឺ ដែលមានសមត្ថភាពផលិត ២,២ លានតោន/ឆ្នាំ។
ក្រុមហ៊ុន ខនស៍ ខេធី ស៊ីមេន (ភ្នំពេញ) គឺជាក្រុមហ៊ុនវិនិយោគទី ៦ ដែលបានបោះទុនវិនិយោគបង្កើតរោងចក្រផលិតស៊ីម៉ងត៍នៅកម្ពុជា និងដាក់ឱ្យដំណើរការនៅខែឧសភា ឆ្នាំ២០២៥។ រោងចក្រនេះ គឺជារោងចក្រទី២ របស់ក្រុមហ៊ុន ខណៈទីតាំងរោងចក្រស៊ីម៉ងត៍ទី១ ស្ថិតនៅខេត្តបាត់ដំបង។
បន្ថែមពីរោងចក្រផលិតស៊ីម៉ងត៍ទាំង ៦ ខាងលើ នៅមានក្រុមហ៊ុនចំនួន ៣ ផ្សេងទៀត កំពុងស្ថិតក្នុងដំណាក់កាលសាងសង់រោងចក្រនៅឡើយរួមមាន៖ ក្រុមហ៊ុន សៅដិន ស៊ីមេន (ខេមបូឌា) នៅស្រុកដងទង់ ខេត្តកំពត ដែលនឹងមានសមត្ថភាពផលិតស៊ីម៉ងត៍ប្រមាណ ១ លានតោន/ឆ្នាំ ក្រុមហ៊ុន ដុងហ្វាង ជុនម៉ា ស៊ីមេន ស្ថិតនៅស្រុករតនមណ្ឌល ខេត្តបាត់ដំបង ដែលនឹងមានសមត្ថភាពផលិតស៊ីម៉ងត៍ប្រមាណ ២ លានតោន/ឆ្នាំ និងក្រុមហ៊ុន ខេ.ភី ស៊ីមេន អ៊ិនដាសស្ត្រី ស្ថិតនៅស្រុកសំបូរ ខេត្តក្រចេះ ដែលនឹងមានសមត្ថភាពផលិតស៊ីម៉ងត៍ប្រមាណ ២ លានតោន/ឆ្នាំ។
មុនឆ្នាំ ២០០៧ ប្រទេសកម្ពុជាបាននាំចូលស៊ីម៉ងត៍ទាំងស្រុងពីបរទេស (ថៃ វៀតណាម ឥណ្ឌូណេស៊ីនិងហ្វីលីពីន)។ ដោយពិនិត្យឃើញតម្រូវការទីផ្សារស៊ីម៉ងត៍កាន់តែខ្ពស់ រាជរដ្ឋាភិបាលកម្ពុជា បានខិតខំសិក្សាស្រាវជ្រាវរកប្រភពវត្ថុធាតុដើម ហើយទាក់ទាញវិនិយោគិនមកអភិវឌ្ឍវិស័យស៊ីម៉ងត៍នេះជាបន្តបន្ទាប់។
ស៊ីម៉ងត៍ដែលផលិតនៅកម្ពុជា ក្រៅពីអាចផ្គត់ផ្គង់ស៊ីម៉ងត៍ផលិតក្នុងស្រុកបានគ្រប់តម្រូវការ ១០០% ក៏បាននាំចេញទៅប្រទេសថៃក្នុងបរិមាណប្រមាណជាង ៣០ ០០០ តោនក្នុងឆ្នាំ២០២៤៕
ថៃ អះអាងរកឃើញមីនថ្មីរាប់រយគ្រាប់ក្នុងដីខ្លួន, តើនរណាចូលទៅដាក់ ឬថៃដាក់ខ្លួនឯងរួចចោទកម្ពុជា?
អ្នកនាំពាក្យក្រសួងការពារជាតិកម្ពុជា ច្រានចោលការចោទប្រកាន់របស់ថៃ ជុំវិញទានថៃដើរជាន់មីននៅឯព្រំដែន
ព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
សម្តេចតេជោ ផ្តាំទៅលោក ថាក់ ស៊ីន បើចោទសម្តេចថាពុំមានសីលធម៌ហេតុអ្វីពឹងពាក់សម្តេចរយៈពេល១៩ឆ្នាំ និងហៅថាមេ០១
ព្រះមេគណខេត្តបាត់ដំបង និងជាព្រះនាយកពុទ្ធិកវិទ្យាល័យ អ៊ឹង ធួង ទទួលអនិច្ចធម្ម ក្នុងព្រះជន្មាយុ៨៨ ព្រះវស្សាដោយជរាពាធ
អគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
ព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
គួរឲ្យសរសើរអាយុ ៤៦ឆ្នាំ Pacquiao ស្មើម្ចាស់ខ្សែក្រវាត់ Barrios ក្រោយប្រកួត១២ទឹកពេញ
សោកនាដកម្មលិចទូកទេសចរណ៍នៅវៀតណាម រកឃើញមនុស្សស្លាប់ ដល់ ៣៤នាក់
សមត្ថកិច្ចរកឃើញទីតាំងកែច្នៃគ្រឿងញៀនបន្ទាប់ពីចុះពិនិត្យ Online Scam នៅបាវិត
-
ព័ត៌មានជាតិ២២ ម៉ោង agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៤ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ៦ ថ្ងៃ agoថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ៦ ថ្ងៃ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ៤ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានអន្ដរជាតិ៦ ថ្ងៃ ago«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ
-
សន្តិសុខសង្គម១ ថ្ងៃ agoជនមិនស្គាល់មុខ លីបារី ១០៥ សុង ឆ្លងកាត់ច្រកអន្តរជាតិភ្នំដី ត្រូវកម្លាំងគយចាប់បាន
-
សន្តិសុខសង្គម៦ ថ្ងៃ agoអាវុធហត្ថបង្ក្រាបរថយន្ត ១ គ្រឿង លួចដឹកទឹកដោះគោស្រស់ ២៧ កេះ នាំចូលពីថៃ