លោក ប៊ុយ សុភ័ណ្ឌ ទីប្រឹក្សាគណៈកម្មាធិការជាតិអូឡាំពិកកម្ពុជា បានឲ្យដឹងថាគម្រោងអភិវឌ្ឍប្រព័ន្ធ កីឡាជាតិ សម្រាប់កីឡាអត្តពលកម្មនេះ គឺជាគម្រោងអភិវឌ្ឍសហព័ន្ធកីឡាជាតិ សម្រាប់ប្រភេទកីឡាអូឡាំពិក ក្រោមជំនួយ ឧបត្ថម្ភរបស់អង្គការសាមគ្គីអូឡាំពិក តាមរយៈគណៈកម្មាធិការជាតិអូឡាំពិកកម្ពុជា ដោយសហការបច្ចេកទេស ជាមួយស្ថាប័នអត្តពលកម្មពិភពលោក World Athletics និងសហព័ន្ធខ្មែរកីឡាអត្តពលកម្ម។

គោលបំណងនៃការរៀបចំគម្រោងនេះដើម្បីឲ្យគណៈកម្មាធិការជាតិអូឡាំពិកធ្វើការអភិវឌ្ឍ និងពង្រឹង រចនាសម្ព័ន្ធ នៃការបង្វឹកជាមូលដ្ឋាន និងប្រព័ន្ធគ្រប់គ្រងសហព័ន្ធ កីឡាជាតិ តាមរយៈការដាក់ចេញនូវផែនការសកម្មភាព ការបណ្តុះបណ្តាល រយៈពេលមធ្យម ឬ រយៈពេលវែងសម្រាប់ប្រភេទកីឡា ដែលមានក្នុងកម្មវិធីការប្រកួតកីឡា អូឡាំពិក។

លោកទីប្រឹក្សាបន្ថែមទៀតថា សម្រាប់គម្រោងការអភិវឌ្ឍប្រព័ន្ធកីឡាជាតិ សម្រាប់កីឡាអត្តពលកម្មអនុវត្តតាម កម្មវិធីដូចខាងក្រោម លោក Oliver Scheer ជំនាញការអត្តពលកម្មពិភពលោកធ្វើទស្សនៈកិច្ចលើកទី២ ចាប់ពីថ្ងៃទី២៦ ដល់ ៣១ ខែមករា ឆ្នាំ២០២៣ ក្នុងគោលបំណងដើម្បីរៀបចំសិក្ខាសាលាស្តីពីវាយតម្លៃ រចនាសម្ព័ន្ធ/យុទ្ធសាស្ត្រគម្រោង និងរៀបចំប្រព័ន្ធនៃការបង្វឹក ដោយសហការជាមួយសហព័ន្ធ។

ដោយត្រួតពិនិត្យផែនការយុទ្ធសាស្រ្ត រចនាសម្ព័ន្ធគ្រប់គ្រង គោលនយោបាយកីឡា និងអភិបាលកិច្ចល្អ ទម្រង់បណ្តុះ បណ្តាលតាមប្រព័ន្ធអនឡាញ និងរៀបចំផែនការគ្រប់គ្រងការប្រកួតកីឡា SEA GAMES ឆ្នាំ២០២៣ ព្រមទាំងធ្វើការ សិក្សារចនាសម្ព័ន្ធគ្រប់គ្រង និងរៀបចំផែនការបណ្តុះបណ្តាលគ្រូបង្វឹក រៀបចំផែនការបណ្តុះបណ្តាល និងអភិវឌ្ឍ ធនធាន អត្តពលិកវ័យក្មេង និងរៀបចំសិក្ខាសាលា ស្តីពី ការអនុវត្តផែនការអភិវឌ្ឍន៍យុទ្ធសាស្ត្រ ២០២៣ – ២០៣០ ។

គួរកត់សំគាល់ដែរថា គណៈកម្មាធិការជាតិអូឡាំពិកកម្ពុជាជ្រើសយក កីឡាអត្តពលកម្មក្នុងកម្មវិធីនេះ គឺដោយសារកីឡាអត្តពលកម្ម ជាផ្នែកមួយដែលកីឡាផ្សេងមិនអាចខ្វះបាន ពិសេសជាប្រភេទកីឡាអូឡាំពិក ដោយផ្តោតសំខាន់ ទាំងអត្តពលិក គ្រូបង្វឹក និងមន្រ្តីបច្ចេកទេស ។គម្រោងនេះ ចំណាយជាង៤ម៉ឺនដុល្លារ ទៅលើផ្នែកសំខាន់ៗ ទាំងថ្លៃសំបុត្រយន្តហោះ បណ្តុះបណ្តាល នឹងការចំណាយផ្សេងៗទៀត៕

The post គម្រោងសាមគ្គីអូឡាំពិក ស្តីពី ការអភិវឌ្ឍប្រព័ន្ធកីឡាជាតិសម្រាប់កីឡាអត្តពលកម្មចំណាយថវិកាជាង៤ម៉ឺនដុល្លារ appeared first on Kampuchea Thmey Daily.

យោងតាមរបាយការណ៍របស់លោក ហែម គីរី អគ្គលេខាធិការសហព័ន្ធខ្មែរកីឡាហែលទឹកឲ្យដឹងថា ការប្រកួត​ជ្រើសរើស​ជើងឯកថ្នាក់ជាតិខាងលើនេះ គឺប្រើប្រាស់ថវិកាឧបត្ថម្ភគាំទ្រពីក្រសួងអប់រំ យុវជន និងកីឡា លើការងាររៀបចំការប្រកួត ៤៥% ផ្តល់មកសហព័ន្ធខ្មែរកីឡាហែលទឹក រៀងរាល់ឆ្នាំ ដើម្បីពន្លឿនការអភិវឌ្ឍ សហព័ន្ធកីឡាជាតិ ឆ្ពោះទៅស៊ីហ្គេម លើកទី៣២ ឆ្នាំ២០២៣ ។

លោកបន្តថា ការប្រកួតឆ្នាំនេះមានការចូលរួមពីក្លឹបហែលទឹកចំនួន ០៨ស្ថាប័ន ក្នុងនោះរួមមាន៖ ក្លឹបហែលទឹកក្រសួងសាធារណការនិងដឹកជញ្ជូន ,  ក្លឹបហែលទឹកក្រសួងសេដ្ឋកិច្ចនិងហិរញ្ញវត្ថុ ,  ក្លឹបហែលទឹកក្រសួងមហាផ្ទៃ , ក្លឹបហែលទឹកក្រសួងព័ត៌មាន ,  ក្លឹបហែលទឹកនាគរាជកំពង់ចាម ,  ក្លឹបហែលទឹកព្រឹទ្ធាចារ្យ ហែម ថុន ,  ក្លឹបហែលទឹកខេត្តបាត់ដំបង ,  សាលាអន្តរជាតិ Decart France ។  មានកីឡាករ កីឡាការិនីចូលរួមប្រកួតសរុប ចំនួន ១០៣នាក់ (ប្រុស ៥៧នាក់ ស្រី ៤៦នាក់) និងគ្រូបង្វឹក គ្រូជំនួយចំនួន ១៦នាក់ នឹងមានមន្រ្តីគណៈកម្មការបច្ចេកទេសចំនួន ៥០នាក់ ចូលរួមដឹកនាំ និងកាត់សេចក្តីក្នុងការប្រកួត ។សម្រាប់ការប្រកួតនេះ មានវិញ្ញសាសរុបចំនួន ២០វិញ្ញាសា (កីឡាករចំនួន ១០វិញ្ញាសា និងកីឡាការិនីចំនួន ១០វិញ្ញាសា ។

លោក​ បុង ប៊ុន ហួន រដ្ឋលេខាធិការនិងជាអនុប្រធានសហព័ន្ធ បានមានប្រសាសន៍ថា កម្ពុជាមានភាពរីកចម្រើន​លើគ្រប់វិស័យ រួមទាំងវិស័យកីឡានេះផងដែរ ជាក់ស្តែងជារៀងរហូតមក រាជរដ្ឋាភិបាលកម្ពុជា តាមរយៈក្រសួងអប់រំ យុវជននិងកីឡា បាននិងបន្តការយកចិត្តទុកដាក់ខ្ពស់លើវិស័យកីឡានេះ ព្រោះថាប្រទេសកម្ពុជានិងធ្វើជាម្ចាស់ផ្ទះ រៀបចំការប្រកួតកីឡាអាស៊ីអាគ្នេយ៍ លើកទី៣២នាឆ្នាំ២០២៣ ដែលពេលនោះយើងជាម្ចាស់ផ្ទះរៀបចំផង និងជាកីឡាករចូលរួមប្រកួតផង។

គួរបញ្ជាក់ដែរថា ការប្រកួតកីឡាហែលទឹកជ្រើសរើសជើងឯកថ្នាក់ជាតិប្រចាំឆ្នាំ២០២២ ដំណើររយៈពេល៣ថ្ងៃ បានបិទបញ្ចប់កាលពីចុងសប្តាហ៍កន្លងមកនេះ ដោយក្នុងនោះ ក្លឹបក្រសួងសាធារណៈការនិងដឹកជញ្ចូន ឈរលេខ១ ឈ្នះមេដាយសរុប២០គ្រឿង។ ក្រសួងមហាផ្ទៃ ចំណាត់ថ្នាក់លេខ២ ឈ្នះមេដាយសរុប១០គ្រឿង ខណៈក្លឹបព្រឹទ្ធាចារ្យហែមថុន ឈ្នះមេដាយ១៣គ្រឿង​ រកបានមេដាយមាសតិចជាង ក្រសួងមហាផ្ទៃ ស្របពេលមានក្លឹបចំនួន៥ទៀត ឈ្នះមេដាយនិងឈរលើចំណាត់ថ្នាក់បន្តបន្ទាប់ផងដែរ៕

The post ក្រសួងសាធារណការ និងដឹកជញ្ចូន ឈរ​កំពូល តារាង ឈ្នះមេដាយ២០គ្រឿងពីការប្រកួតជើងឯកថ្នាក់ជាតិ appeared first on Kampuchea Thmey Daily.

លោកអគ្គលេខាធិការរង ​បាន​លើក​ឡើង​ថា លទ្ធផល​សម្រេចបាន​ពេល​នេះ គឺ​ជា​ការ​យកចិត្តទុកដាក់ខ្ពស់ ពីក្រសួងអប់រំ យុវជន និងកីឡា គណៈកម្មាធិការជាតិអូឡាំពិកកម្ពុជា និងសហព័ន្ធកីឡាការ៉ាតេកម្ពុជា ដែលមានលោកបណ្ឌិត​សភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ ​ជាប្រធានសហព័ន្ធកីឡាការ៉ាតេកម្ពុជា ដែលបានផ្តល់​អ្វីៗគ្រប់យ៉ាង តាម​សំណូមពរ សម្រាប់​វគ្គបណ្តុះបណ្តាលអាជ្ញាកណ្តាល និង​ចៅក្រម កីឡាការ៉ាតេថ្នាក់ជាតិ ប្រចាំឆ្នាំ២០២២។

លោក ដែក ភារៈ អគ្គលេខាធិការរងសហព័ន្ធ និងជាប្រធានគ្រប់គ្រងវគ្គ​បណ្តុះ​បបណ្តាល​ បានឲ្យដឹងថា វគ្គបណ្តុះបណ្តាលនេះមាន សាលាគុន ក្លឹប ចំនួន១០ចូលរួម ដែលមានសិក្ខាកាម​៣០នាក់ ក្នុងនោះនារី​១៨នាក់។ គ្រូឧទ្ទេស​វគ្គបណ្តុះបណ្តាល  ដោយអ្នកគ្រូ ជា ថារី ជាអាជ្ញាកណ្តាល ចៅក្រុម ការ៉ាតេពិភពលោក និងមានការចូលរួមពីលោក ថាំង វិបុល និង លោកគ្រូ ដែក ភីយ៉ារ៉ា ជាអាជ្ញាកណ្តាល ចៅក្រម ការ៉ាតេអាស៊ី ដែលទើបប្រឡងជាប់ កម្រិត A នៅប្រទេសអូសបេគីស្ថាន កាល​ពី​ខែធ្នូ ឆ្នាំ២០២២។

វគ្គសិក្សានេះផ្តោតសំខាន់ ទៅលើទឹ្រស្តីកាតា និង ទ្រឹស្តីប្រយុទ្ធ ព្រមទាំងការអនុវត្ត​ជាក់ស្តែង។ យោងតាមការបណ្តុះបណ្តាលរយៈពេល៥ថ្ងៃ ត្រូវបានប្រធានគ្រប់គ្រងវគ្គវាយតម្លៃ​ថា សិក្ខាកាមមានការចេះដឹង ច្បាស់លាស់ចំនួន២២នាក់ និង​ល្អបង្គួរ​៨នាក់។

បញ្ជាក់ដែរថា វគ្គបណ្តុះបណ្តាលអាជ្ញាកណ្តាល ចៅក្រម កីឡាការ៉ាតេថ្នាក់ជាតិ ឆ្នាំ២០២២ ធ្វើឡើងរយៈពេល៥ថ្ងៃ ចាប់ពីថ្ងៃទី១៦-២០ ខែ​មករា ឆ្នាំ២០២៣ ក្រោមគម្រោងថវិការប្រចាំឆ្នាំ​របស់ក្រសួងអប់រំ យុវជន និងកីឡា ដើម្បី​បង្កើន​សមត្ថភាព​ត្រៀម​ស៊ីហ្គេមនៅកម្ពុជា៕

The post វគ្គបណ្តុះបណ្តាលអាជ្ញាកណ្តាល ចៅក្រម​ការ៉ាតេថ្នាក់ជាតិ​ត្រៀម​​ស៊ីហ្គេម appeared first on Kampuchea Thmey Daily.

ជាការចោទប្រកាន់មកលើករូបខ្ញុំ និងក្លិបហាត់ប្រាណ king gym ខ្ញុំសូមបកស្រាយលើបញ្ហាខាងក្រោមនេះ

1-គាត់បានចោទប្រកាន់ថាខ្ញុំជាអ្នកហៅពួកគាត់មកកន្លែងរបស់ខ្ញុំដើម្បីប្រើប្រាស់សារធាតុហាមឃាត់ ទាំងដែរខ្ញុំមិនបានហៅទាល់តែសោះ គឺគាត់បានមកសុំខ្ញុំអោយជួយគាត់កែសាច់ និងស្នាក់នៅដោយខ្លួនឯង ក្នុងនាមខ្ញុំជាកីឡាករមួយរូបដែរដើរលើវិស្រ័យនេះមុនពួកគាត់ ខ្ញុំក៏បានជួយកែលើការ ហាត់ ការប្រឹងបង្ហាញសាច់ដុំ និងរបបអាហារជាដើម

2-គាត់បានចោទប្រកាន់ថា ខ្ញុំបានចាក់ថ្នាំបញ្ចុះទឹកនោមអោយពួកគ្នីគ្នាគាត់ម្តងម្នាក់ៗទាំងដែរខ្ញុំមិនបានធ្វើវាឡើយ គឺជាគ្នីគ្នាគាត់ធ្វើដោយខ្លួនឯង ក្នុងចំណោមគ្នាគាត់គឺមានម្នាក់ដែររៀនពេទ្យ ការប្រព្រឹត្តទៅគឺពួកគាត់ធ្វើដោយខ្លួនឯង ដោយមិនមានការបង្ខិតបង្ខំពីរូបខ្ញុំបាទដូចដែរពួកគាត់លើកឡើងនោះទេ

3-បុគ្គល ផាន់ ណារឹទ្ធ ហៅ (បងធំ) គាត់បានចោទប្រកាន់ថាខ្ញុំបានឃុបឃិតគ្នាជាមួយ ដុពីង អ្នកត្រួតពិនិត្ យសារធាតុហាមឃាត់(Steroids)ដោយគ្មានមូលដ្ផាន និងភស្តុតាងច្បាស់លាស់ សួរថាតើខ្ញុំធ្វើបែបនេះដើម្បីអ្វី?

-ចុងក្រោយខ្ញុំសូមទាមទាអោយពួកគាត់សុំទោសជាសាធារណៈដល់រូបខ្ញុំបាទ បើពុំដូចច្នោះទេ ខ្ញុំនិងដោះស្រាយ តាមផ្លូវច្បាប់ ព្រោះរឿងនេះប៉ះពាល់ដល់កិត្តិយសខ្ញុំយ៉ាងធ្ងន់ធ្ងរ ។

សូមរំលឹកផងដែរថា រឿងរ៉ាវឆ្លើយតបដាក់គ្នានាពេលនេះ គឺបន្ទាប់ពីសហព័ន្ធកីឡាកាយវប្បកម្ម ត្រូវបានដកចេញ ពីស៊ីហ្គេមលើកទី៣២នៅកម្ពុជា ជាផ្លូវការក្រោយរកឃើញកីឡាករមួយចំនួន បានប្រើប្រាស់សារធាតុហាមឃាត់ ក្នុងអំឡុងពេល ការប្រកួតកីឡាជាតិលើកទី៣ និងត្រូវបានធ្វើតេស្តពិនិត្យទឹកនោមដោយ អ្នកជំនាញស្វែងរកសារធាតុ ដូប៉ាដូពីង របស់កម្ពុជា និងអន្តរជាតិ ។

ថ្លែងនៅក្នុងសន្និសិទ្ធសារព័ត៍មានកាលពីថ្ងៃអង្គារ៍ទី១៧មករាកន្លងមកនេះ លោក តឹក ប៊ុនវី ប្រធានសហព័ន្ធកីឡា កាយវប្បកម្មកម្ពុជា បានសម្តែងនូវការសោកស្តាយ ដែលសហព័ន្ធត្រូវបានដកចេញពីព្រឹត្តការណ៍កីឡាស៊ីហ្គេមនៅកម្ពុជា ដែលជាព្រឹត្តការណ៍ជាប្រវិត្ថសាស្រ្តលើកដំបូង ក្រោយរងចាំអស់រយៈពេល៦៤ឆ្នាំ ថាការដកចេញនៅពេលនេះមិនត្រឹមតែ ខូចឈ្មោះរបស់សហព័ន្ធប៉ុណ្ណោះទេ ប៉ុន្តែវាបានធ្វើឲ្យខូចកិត្តយស្តប្រទេសជាតិទាំងមូល។

លោកក៍បានអរគុណដល់កីឡាករដែលជាប់ពាក់ព័ន្ធជាមួយការប្រើប្រាស់សារធាតុហាមឃាត់ទាំងនោះ ដែលបានមក សារភាពអំពីកំហុសខ្លួន និងធ្វើជាលាយលក្ខណ៍អក្សរ បញ្ជាក់ពាក់ព័ន្ធទៅនិងរឿងរ៉ាវដែលបានកើតឡើង ពិសេស ព្រមទាំងចោទប្រកាន់ទៅលើ លោក សំបូរ សុភ័ណ្ឌ ដែលជាអ្នកកីឡាកាយវប្បកម្មមួយរូបធ្លាប់សាង ស្នាដៃល្អៗ ជាច្រើនថែមទៀតផង។

កីឡាករ ដែលជាប់ពាក់ព័ន្ធនិងការប្រើប្រាស់សារធាតុហាមឃាត់ទាំង២រូបនោះ រួមមាន ផាន់ ណារឹទ្ធ និង ស៊ាង ម៉េងសាង ។ ចំពោះសេចក្តី បំភ្លឺរបស់កីឡាករទាំងពីរ សូមមើលក្នុងរូបភាពខាងក្រោមនេះ ៕

The post សំបូរ សុភ័ណ្ឌ ឆ្លើយតប ចំពោះការចោទប្រកាន់មកលើរូបខ្លួន របស់សហព័ន្ធកីឡាកាយវប្បកម្ម appeared first on Kampuchea Thmey Daily.

លោក ឧត្តមសេនីយ៍ទោ យិត ភីរ: អគ្គលេខាធិការ នៃអគ្គលេខាធិការដ្ឋានក្រុមប្រឹក្សាកីឡាក្រសួងមហាផ្ទៃ និងជាអគ្គលេខាធិការសហព័ន្ធកីឡាសូហ្វតិន្នីសកម្ពុជា បានឲ្យដឹងថា វគ្គបណ្តុះបណ្តាលនេះ បានបិទបញ្ចប់ដោយ​ជោគជ័យទៅបាន ពិតជាពុំអាចខ្វះបានឡើយ នូវការយកចិត្តទុកដាក់ និងការអនុញ្ញាតជាគោលកាណ៍ពី ឯកឧត្តមប្រធានសហព័ន្ធ និងក្រសួងអប់រំ យុវជន និងកីឡា ដែលបានផ្តល់ថវិកាគាំទ្រ ធ្វើឱ្យវគ្គនេះ ដំណើរការបានយ៉ាងល្អប្រសើរ និងទទួលបានលទ្ធផលគួរជាទីមោទនៈ។

លោកអគ្គលេខាធិការ បានសម្តែងនូវការប្តេជ្ញាចិត្តយ៉ាងមោះមុតថានឹងបន្តខិតខំប្រឹងប្រែង ផលិត និងបណ្តុះបណ្តាល ធនធានឱ្យបានកាន់តែល្អប្រសើរ ដើម្បីអភិវឌ្ឍវិស័យកីឡាមួយនេះ ឱ្យទទួលបានគុណភាពតាមស្តង់ដារ ក្នុងដំណើរឆ្ពោះ ទៅរៀបចំការប្រកួត ទាំងលក្ខណៈជាតិ និងអន្តរជាតិ ជាពិសេសត្រៀមចូលរួមក្នុងព្រឹត្តិការណ៍កីឡា SEA Games លើកទី៣២ ឆ្នាំ ២០២៣ ដែលកម្ពុជាធ្វើជាម្ចាស់ផ្ទះផងដែរ។ 

ថ្លែងក្នុងពិធីបិទវគ្គ លោក សរ សិទ្ធ អនុរដ្ឋលេខាធិការក្រសួងមហាផ្ទៃ ទទួលជួយការងារដឹកនាំ អគ្គលេខាធិការដ្ឋាន ក្រុមប្រឹក្សាកីឡាក្រសួងមហាផ្ទៃ និងជាប្រធានសហព័ន្ធកីឡាសូហ្វតិន្នីសកម្ពុជា បានវាយតម្លៃខ្ពស់ផងដែរ ដល់មន្ត្រីសិក្ខាកាមដែលបានចូលរួមក្នុងវគ្គបណ្តុះបណ្តាល ដោយការយកចិត្តទុកដាក់ ជាពិសេសគ្រូឧទ្ទេស ដែលបានដឹកនាំវគ្គបណ្តុះបណ្តាលនេះ ឱ្យទទួលបានជោគជ័យគួរកត់ឱ្យសម្គាល់។ លោក ក៏បានជំរុញ និងលើកទឹកចិត្ត ដល់មន្ត្រីសិក្ខាកាមក្នុងវគ្គនេះ ត្រូវបន្តខិតខំប្រឹងប្រែងបន្ថែមទៀត ជាពិសេសលើផ្នែកភាសា ត្បិតស៊ីហ្គេម ជាព្រឹត្តិការណ៍ កម្រិតអន្តរជាតិ ដូច្នេះទាមទារឱ្យមន្ត្រីបច្ចេកទេស និងអាជ្ញាកណ្តាលទាំងអស់ ត្រូវពង្រឹងសមត្ថភាពបន្ថែមទៀត ដើម្បីដឹកនាំការប្រកួតឱ្យទទួលបានជោគជ័យ ក្នុងនាមជាម្ចាស់ផ្ទះនៅឆ្នាំ២០២៣។

លោក សរ សិទ្ធិ បានចាត់ទុកវគ្គបណ្តាលនេះ ថាជាការបោះជំហានថ្មីមួយ របស់សហព័ន្ធកីឡាសូហ្វតិន្នីសកម្ពុជា ក្រោមការជួយបណ្តុះបណ្តាលពីគ្រូឧទ្ទេសដែលមានបទពិសោធន៍ក្រាស់ក្រែល គឺលោក យី សារិន គ្រូជនជាតិខ្មែរ និងលោក  Ogiwara  Masato គ្រូជនជាតិជប៉ុន។

វគ្គបណ្តុះបណ្តាល មន្ត្រីបច្ចេកទេស និងអាជ្ញាកណ្តាលថ្នាក់ជាតិ ឆ្នាំ២០២៣ធ្វើឡើងរយៈពេល០៥ថ្ងៃគឺចាប់ពីថ្ងៃទី០៩ ដល់ថ្ងៃទី១៣ ខែមករា ឆ្នាំ២០២៣។ វគ្គនេះ មានសិក្ខាកាមចូលរួមសរុបចំនួន៣៦រូប ក្នុងនោះសិក្ខាកាមជាស្ត្រី ចំនួន០៦រូប។ ជាលទ្ធផលបន្ទាប់ពីសិក្សាទាំងមេរៀន និងការអនុវត្តជាក់ស្តែងលើទីលាន សិក្ខាកាមមានលទ្ធផល ល្អចំនួន៧០% លទ្ធផលល្អបង្គួរចំនួន២០%  និងលទ្ធផលមធ្យមចំនួន១០% ៕

The post លោក សរ សិទ្ធិចាត់ទុកវគ្គបណ្តាលមន្ត្រីបច្ចេកទេស និងអាជ្ញាកណ្តាលថ្នាក់ជាតិ ជាការបោះជំហានថ្មីមួយ របស់សហព័ន្ធកីឡាសូហ្វតិន្នីសកម្ពុជា appeared first on Kampuchea Thmey Daily.

លោក ឡយ ភាល័យ ប្រធានក្រុមការងារ Camcar និងជាក្រុមការងារទីលាន១២ម៉ូទ័រផាក បានឱ្យដឹងថា តាមរយៈព្រឹត្តិការណ៍នាពេលខាងមុខនេះ មជ្ឈដ្ឋានអន្តរជាតិ ពិសេសក្នុងតំបន់អាស៊ាននឹងដឹងថាកម្ពុជា មានទីលានប្រណាំងកីឡាយានយន្តស្ដង់ដាអន្តរជាតិ ដែលអាចរៀបចំការប្រកួតដូចនៅបរទេសដែរ។ លោកផ្ទាល់ក៏ធ្លាប់តែឃើញទីលានប្រកួតបែបនេះនៅប្រទេសថៃ វៀតណាម ឥណ្ឌូនេស៊ីជាដើម ដូច្នេះហើយ ទីលាន១២ម៉ូទ័រផាកនេះគឺជាទីលានដំបូងគេនៅកម្ពុជា ដែលអាចរៀបចំការប្រកួតធំៗបាន។

ប្រធានក្រុមវ័យក្មេងរូបខាងលើ បញ្ជាក់ថាព្រឹត្តិការណ៍នេះនឹងជួយទាក់ទាញភ្ញៀវទេសចរមកពីរាជធានីភ្នំពេញ ខេត្តនានា និងក្រៅប្រទេស បន្ទាប់ពីទស្សនាការប្រកួត ពួកគាត់ក៍អាចដើរកម្សាន្តនៅកន្លែងផ្សេងៗជាច្រើនទៀត ដូចជា ទឹកធ្លាក់ វាលស្មៅ ព្រៃភ្នំ និងមានរីស៊ត រមណីយដ្ឋាន សេវាកម្មម្ហូបអាហារក្នុងខេត្តផងដែរ ពិសេសជួយជំរុញការផ្សព្វផ្សាយ ទៅកាន់ពិភពលោកឱ្យកាន់តែស្គាល់ខេត្តមណ្ឌលគិរី និងគោលដៅទេសចរណ៍នាភាគឦសាន។

សម្រាប់កីឡាករប្រណាំងម៉ូតូ Cross ជ័យលាភីលេខ១ នឹងទទួលបានពាននិងប្រាក់រង្វាន់ពីទីលាន១២ម៉ូទ័រផាក ព្រមទាំងធ្វើកិច្ចកុងត្រា និងមានផ្ដល់ប្រាក់ខែជូនពេញមួយឆ្នាំ គឺ១ខែចំនួន៥០០ដុល្លារ ដោយមិនចាំបាច់បម្រើការ នៅទីលាននេះឡើយ។ ក្រៅពីនេះ កីឡាករក៏នឹងអាចបង្កើនការអភិវឌ្ឍសមត្ថភាពរបស់ខ្លួនក្នុងការចូលរួម​ប្រកួតជាមួយអន្តរជាតិ ឬនៅក្រៅប្រទេស ព្រមទាំងទទួលបាននូវសម្ភារហ្វឹកហាត់ដោយឥតគិតថ្លៃផងដែរ។

បើយោងតាម លោក ព្រំ រស្មី ប្រធានគណៈកម្មាការរៀបចំការប្រកួត  ថាការប្រកួតនេះមាន កីឡាករប្រណាំងរថយន្ត Off Road ជាតិនិងអន្តរជាតិ ចុះឈ្មោះចំនួន៦៦នាក់ មកពី៤ប្រទេសរួមមាន៖ ថៃ វៀតណាម ឡាវ និងកម្ពុជា​ជាម្ចាស់ផ្ទះ ដើម្បីអបអរការសម្ភោធទីលានស្តង់ដាអន្តរជាតិធំជាងគេនៅកម្ពុជា គឺទីលាន ១២ ម៉ូទ័រផាក ដែលសាងសង់ លើផ្ទៃដីទំហំ ៩៣ហិចតា នាខេត្តប៉ែកឦសាន្ត នៃប្រទេសកម្ពុជា ជាមួយនឹងការប្រកួតកីឡាផ្សេងៗទៀតផងដែរ។

ការប្រកួតរថយន្ត Off Road នេះ ចែកចេញជា៣ Class មាន Class A សម្រាប់កីឡាករជំនាញ (Hard core),Class B កីឡាករមធ្យម (light core)និង Class  C សម្រាប់កីឡាករចូលរួមដំបូង (Overland) ។ ហើយសម្រាប់ Class A មានអ្នកចុះឈ្មោះច្រើនរហូតជាង៣០រថយន្ត រីឯ Class B និង C មានជាង១០រថយន្តប៉ុណ្ណោះ។

លោក ព្រំ រស្មី ក៏បានស្នើអោយគ្រួសាររថយន្ត Off Road ទាំងអស់ចូលរួមអោយបានគ្រប់ៗគ្នា ទៅតាមប្រភេទរថយន្ត និង Class ដែលគណៈកម្មការរៀបចំ កុំអោយមានការបារម្មណ៍ រថយន្តធម្មតា មិនទាន់កែច្នៃក៏អាចប្រណាំងបាននៅ Class C , ចំនែកឯរថយន្តកែរច្នៃកម្រិតមធ្យម ប្រណាំងនៅ  Class B កម្រិតមធ្យមដូចគ្នា រីឯកីឡាករខ្លាំងៗ ប្រណាំងជាមួយកីឡាករកម្រិតអន្តរជាតិ នៅ Class A  ដើម្បីប្រជែងយកពានរង្វាន់ការប្រណាំងរថយន្ត Off Road សន្តិភាព ឆ្នាំ២០២៣។

គួរបញ្ជាក់ថា ព្រឹត្តការណ៍ប្រណាំងរថយន្ត Off Road សន្តិភាព ឆ្នាំ២០២៣នេះ គ្រោងធ្វើឡើងចាប់ពីថ្ងៃទី១៣-១៥ ខែមករា ឆ្នាំ២០២៣ នៅទីលាន១២ម៉ូទ័រផាក នាខេត្តមណ្ឌលគិរី ក្រោមការរៀបចំដោយក្លឹប OFF ROAD គោព្រៃមណ្ឌលគិរី សហការជាមួយរដ្ឋបាលខេត្តមណ្ឌលគិរី គាំទ្រដោយក្លឹបគ្រួសាររថយន្ត Off Road កម្ពុជា និងសហព័ន្ធកីឡាយានយន្តកម្ពុជា។

១២ម៉ូទ័រផាក គឺជាទីលានស្តង់ដាអន្តរជាតិមួយដោយក្នុងពេលធ្វើទីលានមានការចូលរួមពីអ្នកជំនាញជាជនជាតិបារំាង ថៃ និងមានរយៈចម្ងាយ១.៩គីឡូម៉ែត្រ។ ការចូលរួមប្រកួតនៅទីនេះគឺត្រូវតែស្វិតស្វាញ ដោយសារតែគោលការណ៍ ទីលាន១២ម៉ូទ័រផាកត្រូវការជ្រើសរើសធនធានកីឡាករល្អៗ ដែលមានសមត្ថភាពខ្ពស់ៗពិតប្រាកដ ដើម្បីសម្រិតសម្រាំងធនធានកីឡាករត្រៀមចេញទៅប្រកួតអន្តរជាតិនៅក្រៅប្រទេស នាពេលខាងមុខ៕

The post ព្រឹត្តិការណ៍ប្រណាំងរថយន្ត Off Road  ជឿជាក់ថាកម្ពុជានិងបង្ហាញពីសក្ដានុពលកីឡាយានយន្តទៅអន្តរជាតិ appeared first on Kampuchea Thmey Daily.

លោក បួន ហ៊ីងសុធីយ៉ា អគ្គលេខាធិការសហព័ន្ធកីឡាតេក្វាន់ដូ ITFកម្ពុជា បានបង្ហាញក្តីសប្បាយរីករាយ ដែលត្រូវបានក្រសួងអប់រំយុវជននិងកីឡា ផ្តល់ឧកាសឲ្យប្រមូលផ្តុំឡើងវិញ ដើម្បីត្រៀមលក្ខណៈក្នុងការប្រកួត នាពេលខាងមុខ។  លោកលើកឡើងថា “ នេះជាកត្តាជម្រុញទឹកចិត្ត ដល់ពួកយើងឲ្យមានការខិតខំប្រឹងប្រែងបន្តទៀត ដើម្បីដណ្តើមយកមេដាយមាសជូនជាតិ ក្នុងព្រឹត្តការណ៍ជើងឯកពិភពលោកនៅ កាហ្សាក់ស្ថាន ”។

សម្រាប់ការជ្រើសរើសសមាសភាព កីឡាករ – កីឡាការិនី ដែលត្រូវទៅចូលរួមប្រកួតនោះ ត្រូវបានលោកអគ្គលេខាធិការ បញ្ជាក់ថា “ អ្នកដែលត្រូវទៅ គឺសុទ្ធសឹងជាអ្នកធ្លាប់បានមេដាយមាសក្នុងព្រឹត្តការណ៍អន្តរជាតិកន្លងមក ប៉ុន្តែ បន្ថែមពីនោះ សហព័ន្ធក៍ដាក់បញ្ជូលកីឡាករថ្មីៗផងដែរ ដែលគាត់បានអភិវឌ្ឍន៍ខ្លួនឡើងមក កម្រិតមួយខ្ពស់ ”។ ​ ​ ​​ “ ចឹងហើយ សហព័ន្ធនិងធ្វើការជ្រើសរើសកីឡាករ- កីឡាការិនី ទាំងនោះយ៉ាងសម្រិតសម្រាំងបំផុត ។ ក្នុងនាមថ្នាក់ដឹកនាំក៍គិតថា មិនមានតែអ្នកដែលធ្លាប់មានមេដាយត្រូវតែបានទៅចូលរួមនោះទេ ប៉ុន្តែបើសិនជាសមទ្ធិផលល្អ  មានវិន័យ គោរពពេលវេលា ដោយយើងឈរលើគោលការណ៍ យុត្តិធម៍ អ្នកណាបានហាត់ អ្នកនោះបានចេញ ”។

លោក បួន ហ៊ីងសុធីយ៉ា បានបន្ថែមថា “ ក្នុងនាមថ្នាក់ដឹកនាំសហព័ន្ធ សូមសម្តែងនូវការដឹងគុណ ដល់លោកកែរ រ៉េមី ប្រធានសហព័ន្ធ ដែលជានិច្ចកាលតែងតែមកសួរសុខទុក្ខ ទោះបីពេលខ្លះលោកមានភារកិច្ចមមាញឹក យ៉ាងណាក៍លោក ឈ្លៀតពេលវេលា មកមើល កីឡាករ​កីឡាការិនីទាំងអស់ និងលើកទឹកចិត្ត ផ្តល់ការណែនាំ ផ្តល់បទពិសោធន៍ថ្មីៗ បន្ថែមទៀត ដើម្បីឲ្យកីឡាករ​កីឡាការិនី ទទួលបានជោគជ័យនាពេលខាងមុខ ”។

អគ្គលេខាធិការខាងលើ ក៍បានធ្វើការអំពាវនាវដល់សប្បុរសជន ឬ ក៍ក្រុមហ៊ុននានា ដែលចាប់អារម្មណ៍វិស័យកីឡា សូមចូលរួមឧបត្តម្ភគាំទ្រ ដល់សហព័ន្ធកីឡាតេក្វាន់ដូ ITF ចូលរួមជាថវិការ ធនធាន ជាសម្ភារៈ ដើម្បីឲ្យ អត្តពលិកទាំងអស់មានកំលាំងចិត្ត ចូលរួមយ៉ាងពេញលេញក្នុងការប្រកួតអន្តរជាតិខាងមុខ។

បញ្ជាក់ដែរថា កម្ពុជានិងចូលរួមប្រកួតក្នុងព្រឹត្តការណ៍ជើងឯកពិភពលោក នៅកាហ្សាក់ស្ថាន ចាប់ពីថ្ងៃទី១៥ ដល់៣០ ខែសីហាឆ្នាំ២០២៣ ។ខណៈកម្ពុជាគ្រោងបញ្ចូនកីឡាករ – កីឡាការិនីរបស់ខ្លួន ចូលរួមប្រកួតច្រើនវិញ្ញាសាផងដែរ ៕

The post ITF សម្រួចយកមេដាយក្នុងព្រឹត្តការណ៍ World Champion Ship  ទោះមិនមានវត្តមានក្នុង​ស៊ីហ្គេមនៅកម្ពុជា appeared first on Kampuchea Thmey Daily.

នេះជាប្រសាសន៍របស់ ឯកឧត្តម ហ៊ុន ម៉ានី ប្រធាន​សហភាព​សហព័ន្ធ​យុវជន​កម្ពុជា ថ្លែងឲ្យដឹងក្នុងពិធីបើកការ​ប្រកួត​បាល់ទាត់​ពានរង្វាន់​Soccer League​លើក​ទី​៦​ឆ្នាំ​២០២៣​ កាលពី​ល្ងាច​ថ្ងៃ​ទី​៧ មក​រា នៅ​ទីលាន​បាល់ទាត់​ស្មា​ត RSN ​។

ឯកឧត្តម​ហ៊ុន ម៉ា​នី បាន​មាន​ប្រសាសន៍​ថា បាល់ទាត់​ពានរង្វាន់ Soccer League​បាន​កើតឡើង​ដោយ​ការ​ខិតខំ​ប្រឹងប្រែង​របស់​ថ្នាក់ដឹកនាំ​សហភាព​សហព័ន្ធ​យុវជន​កម្ពុជា គ្រប់​ជាន់ថ្នាក់ ដើម្បី​ផ្ដល់​ឱកាស​ដល់​យុវជន​បាន​ជួបជុំ​រឹតចំណង​មិត្តភាព សាមគ្គីភាព និង​បង្កើន​កិច្ច​សហប្រតិបត្តិការ តាម​រយៈ​វិស័យ​កីឡា ក្រោយ​ពី​ជំងឺ​កូ​វី​ដ​-១៩​បាន​ធូរស្បើយ ។

 ទន្ទឹម​គ្នា​នេះ​ដែរ វិស័យ​ឯកជន​ក៏​ជា​ដៃគូ​រួមចំណែក​ដ៏​សំខាន់​របស់​យើង​ផង​ដែរ​។ អ្វី​ដែល​គួរ​ឱ្យ​ចាប់អារម្មណ៍​កាន់តែ​ខ្លាំង​ថែម​ទៀត​នោះ ការ​ប្រកួត​ឆ្នាំ​នេះ​មានការ​ចូលរួម​យ៉ាងច្រើន​កុះករ​ពី​គ្រប់​ស្ថាប័ន​ដែល​មាន​រហូត​ដល់​ទៅ​៧៤​ក្រុម ក្នុង​នោះ​មាន​ក្រុម​នារី​ចំនួន​១០​ក្រុម ។ បើ​គិត​មក​ទល់​ពេល​នេះ ការ​ប្រកួត​បាល់ទាត់​Soccer League ធ្វើ​ឡើង​បាន​ចំនួន​៦​លើក​មក​ហើយ ។ការ​ប្រកួត​បាល់ទាត់​ខាងលើ​នេះ​ក៏​ជា​ការ​ផ្ដល់​ឱកាស​ដល់​យុវជន​ដែល​មិនមែន​ជា​កីឡាករ​អាជីព​ឱ្យ​លេង​កីឡា​ដើម្បី​សុខភាព​ទាំង​ផ្លូវ​កាយ​និង​ផ្លូវចិត្ត និង​បាន​បញ្ចេញ​សមត្ថភាព​និង​ទេព​កោសល្យ ជៀស​ឆ្ងាយ​ពី​អំពើ​អបាយមុខ និង​ឱ្យ​ប្រើប្រាស់​ពេលវេលា​ទំនេរ​ពី​ការ​សិក្សា​មក​លេង​កីឡា​វិញ ។

ឯកឧត្តម សហភាព​សហព័ន្ធ​យុវជន​កម្ពុជា​មានការ​ជឿជាក់​យ៉ាង​មុតមាំ​ថា សកម្មភាព​យុវជន​លេង​កីឡា​នេះ នឹង​រួមចំណែក​បន្ថែម​ទៀត​ក្នុង​ការ​គាំទ្រ​និង​អភិវឌ្ឍន៍​វិស័យ​កីឡា​នៅ​កម្ពុជា ដោយ​ឈរ​លើ​ស្មារតី​កីឡា​រស់​ក្នុង​សន្តិភាព ប្រជាជន​ម្នាក់លេង​កីឡា​មួយ​ប្រភេទ ធ្វើ​យ៉ាងណា​ជំរុញ​វិស័យកីឡា​ដែល​​ជា​ចលនា​ដ៏​រស់​រវើក​សម្រាប់​ប្រជាជន​និង​យុវជន​កម្ពុជា​។

ឯកឧត្តម​បណ្ឌិត​ថោ​ង ខុន បាន​វាយតម្លៃ​ខ្ពស់ និង​កោតសរសើរ​ដល់​ឯកឧត្តម​ហ៊ុន ម៉ា​នី ដែល​​​បាន​ខិតខំ​ប្រឹងប្រែង​បង្កើត​ឱ្យ​មានការ​ប្រកួត​កីឡាបាល់ទាត់​ពានរង្វាន់​Soccer League​នេះ​ឡើង​តាំងពី​ឆ្នាំ​២០១២​មក ។ ឯកឧត្តម​បាន​បាន​វាយតម្លៃ​ថា​ការ​ប្រកួត​បាល់ទាត់​នេះ គឺជា​ការ​រួមចំណែក​កសាង​សង្គម​គ្រួសារ និង​កាត់​បន្ថយ​ការ​ប្រើប្រាស់​គ្រឿងញៀន​ដែល​ជា​បញ្ហា​របស់​ប្រទេស​ជាតិ​។

សម្រាប់ប្រកួតកាលពីថ្ងៃទី៨មករាម្សិលមិញនេះ Group A ក្រុម ស.ស.យ.ក ស្រុកគៀនស្វាយ ឈ្នះក្រុម ក្លឹបសិក្សាភាសាបរទេស ៦ទល់០ ។ក្រុម ស៊ីយ៉ាប្រេន ឈ្នះក្រុម រាជសីហ៍កំពត ៣ទល់០ ។

ចំណែក Group B ក្រុមសម្ប័ន្ធមូស្លីម យុវជនកម្ពុជា ឈ្នះមិត្តចាស់កីឡា ៣ទល់០ ខណៈ Royal bascac FC ចាញ់សាលាបាល់ទាត់ពស់កេងកង ១ទល់៣ ។ ចំពោះ Group C ក្រុម Ai Ahly FC  ចាញ់ ក្រុមហនុមានអគ្គលេខាធិការដ្ឋានក្រសួងការពារជាតិ ០ទល់៣ ។ សម្ព័ន្ធសិស្ស និស្សិតជំនីកត​ យកឈ្នះស.ស.យ.ក ស្រុកពញ្ញា ២ទល់ ១។

Group D ក្រុមស.ស.យ.ក ដំរីអង្គរ ឈ្នះ ដៃឯកច្រាំងចំរេះ២ លទ្ធផល៣ទល់១ រីឯ តំបន់សេដ្ឋកិច្ចពិសេសភ្នំពេញ ចាញ់ក្រុមស.ស.យ.ក ខេត្តកោះកុង ២ទល់៣ ៕

The post ឯកឧត្តម ហ៊ុន ម៉ានី ៖វិស័យកីឡាបាល់ទាត់​កម្ពុជា​កំពុង​តែ​បោះ​ជំហាន​ទៅ​មុខ​យ៉ាង​លឿន appeared first on Kampuchea Thmey Daily.