កីឡា
សំបូរ សុភ័ណ្ឌ ឆ្លើយតប ចំពោះការចោទប្រកាន់មកលើរូបខ្លួន របស់សហព័ន្ធកីឡាកាយវប្បកម្ម
ក្រោយទទួលរងនូវការចោទប្រកាន់ពីសហព័ន្ធកីឡាកាយវប្បកម្មកម្ពុជា និងកីឡាករ ពាក់ព័ន្ធទៅនិងការប្រើប្រាស់ សារធាតុហាមឃាត់ដល់កីឡាករជម្រើសជាតិ២រូប អំឡុងពេលទៅសម្រាកហ្វឹកហាត់នៅក្លឹបហាត់ប្រាណរបស់ខ្លួន ពេលនេះ លោក សំបូរ សុភ័ណ្ឌ បានឆ្លើយតបនៅលើគណនីហ្វេសបុកចំពោះការចោទប្រកាន់ខាងលើ តាមរយៈ ជាលាយលក្ខណ៍អក្សរ និង សន្និសិទ្ធរបស់សហព័ន្ធកាលពីពេលថ្មីៗនេះថា៖
ជាការចោទប្រកាន់មកលើករូបខ្ញុំ និងក្លិបហាត់ប្រាណ king gym ខ្ញុំសូមបកស្រាយលើបញ្ហាខាងក្រោមនេះ
1-គាត់បានចោទប្រកាន់ថាខ្ញុំជាអ្នកហៅពួកគាត់មកកន្លែងរបស់ខ្ញុំដើម្បីប្រើប្រាស់សារធាតុហាមឃាត់ ទាំងដែរខ្ញុំមិនបានហៅទាល់តែសោះ គឺគាត់បានមកសុំខ្ញុំអោយជួយគាត់កែសាច់ និងស្នាក់នៅដោយខ្លួនឯង ក្នុងនាមខ្ញុំជាកីឡាករមួយរូបដែរដើរលើវិស្រ័យនេះមុនពួកគាត់ ខ្ញុំក៏បានជួយកែលើការ ហាត់ ការប្រឹងបង្ហាញសាច់ដុំ និងរបបអាហារជាដើម
2-គាត់បានចោទប្រកាន់ថា ខ្ញុំបានចាក់ថ្នាំបញ្ចុះទឹកនោមអោយពួកគ្នីគ្នាគាត់ម្តងម្នាក់ៗទាំងដែរខ្ញុំមិនបានធ្វើវាឡើយ គឺជាគ្នីគ្នាគាត់ធ្វើដោយខ្លួនឯង ក្នុងចំណោមគ្នាគាត់គឺមានម្នាក់ដែររៀនពេទ្យ ការប្រព្រឹត្តទៅគឺពួកគាត់ធ្វើដោយខ្លួនឯង ដោយមិនមានការបង្ខិតបង្ខំពីរូបខ្ញុំបាទដូចដែរពួកគាត់លើកឡើងនោះទេ
3-បុគ្គល ផាន់ ណារឹទ្ធ ហៅ (បងធំ) គាត់បានចោទប្រកាន់ថាខ្ញុំបានឃុបឃិតគ្នាជាមួយ ដុពីង អ្នកត្រួតពិនិត្ យសារធាតុហាមឃាត់(Steroids)ដោយគ្មានមូលដ្ផាន និងភស្តុតាងច្បាស់លាស់ សួរថាតើខ្ញុំធ្វើបែបនេះដើម្បីអ្វី?
-ចុងក្រោយខ្ញុំសូមទាមទាអោយពួកគាត់សុំទោសជាសាធារណៈដល់រូបខ្ញុំបាទ បើពុំដូចច្នោះទេ ខ្ញុំនិងដោះស្រាយ តាមផ្លូវច្បាប់ ព្រោះរឿងនេះប៉ះពាល់ដល់កិត្តិយសខ្ញុំយ៉ាងធ្ងន់ធ្ងរ ។
សូមរំលឹកផងដែរថា រឿងរ៉ាវឆ្លើយតបដាក់គ្នានាពេលនេះ គឺបន្ទាប់ពីសហព័ន្ធកីឡាកាយវប្បកម្ម ត្រូវបានដកចេញ ពីស៊ីហ្គេមលើកទី៣២នៅកម្ពុជា ជាផ្លូវការក្រោយរកឃើញកីឡាករមួយចំនួន បានប្រើប្រាស់សារធាតុហាមឃាត់ ក្នុងអំឡុងពេល ការប្រកួតកីឡាជាតិលើកទី៣ និងត្រូវបានធ្វើតេស្តពិនិត្យទឹកនោមដោយ អ្នកជំនាញស្វែងរកសារធាតុ ដូប៉ាដូពីង របស់កម្ពុជា និងអន្តរជាតិ ។
ថ្លែងនៅក្នុងសន្និសិទ្ធសារព័ត៍មានកាលពីថ្ងៃអង្គារ៍ទី១៧មករាកន្លងមកនេះ លោក តឹក ប៊ុនវី ប្រធានសហព័ន្ធកីឡា កាយវប្បកម្មកម្ពុជា បានសម្តែងនូវការសោកស្តាយ ដែលសហព័ន្ធត្រូវបានដកចេញពីព្រឹត្តការណ៍កីឡាស៊ីហ្គេមនៅកម្ពុជា ដែលជាព្រឹត្តការណ៍ជាប្រវិត្ថសាស្រ្តលើកដំបូង ក្រោយរងចាំអស់រយៈពេល៦៤ឆ្នាំ ថាការដកចេញនៅពេលនេះមិនត្រឹមតែ ខូចឈ្មោះរបស់សហព័ន្ធប៉ុណ្ណោះទេ ប៉ុន្តែវាបានធ្វើឲ្យខូចកិត្តយស្តប្រទេសជាតិទាំងមូល។
លោកក៍បានអរគុណដល់កីឡាករដែលជាប់ពាក់ព័ន្ធជាមួយការប្រើប្រាស់សារធាតុហាមឃាត់ទាំងនោះ ដែលបានមក សារភាពអំពីកំហុសខ្លួន និងធ្វើជាលាយលក្ខណ៍អក្សរ បញ្ជាក់ពាក់ព័ន្ធទៅនិងរឿងរ៉ាវដែលបានកើតឡើង ពិសេស ព្រមទាំងចោទប្រកាន់ទៅលើ លោក សំបូរ សុភ័ណ្ឌ ដែលជាអ្នកកីឡាកាយវប្បកម្មមួយរូបធ្លាប់សាង ស្នាដៃល្អៗ ជាច្រើនថែមទៀតផង។
កីឡាករ ដែលជាប់ពាក់ព័ន្ធនិងការប្រើប្រាស់សារធាតុហាមឃាត់ទាំង២រូបនោះ រួមមាន ផាន់ ណារឹទ្ធ និង ស៊ាង ម៉េងសាង ។ ចំពោះសេចក្តី បំភ្លឺរបស់កីឡាករទាំងពីរ សូមមើលក្នុងរូបភាពខាងក្រោមនេះ ៕
-
ព័ត៌មានអន្ដរជាតិ៥ ថ្ងៃ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ចរាចរណ៍៥ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ជីវិតកម្សាន្ដ៣ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ព័ត៌មានអន្ដរជាតិ៣ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ៥ ថ្ងៃ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ១ សប្តាហ៍ ago
ក្រុមហ៊ុនស្វីសមួយ សន្យានាំយកបច្ចេកវិទ្យាទំនើបឈានមុខគេ ដើម្បីចូលរួមអភិវឌ្ឍវិស័យកសិកម្មកម្ពុជា
-
ព័ត៌មានជាតិ២ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានជាតិ៥ ថ្ងៃ ago
ទឹកស្ទឹងសង្កែខាងក្រោមទំនប់សាលាតាអន រីងគោក ពលរដ្ឋប្រឈមការដឹកជញ្ជូនបើកបរកាណូតមិនបាន