អាហារូបករណ៍នេះមានទឹកប្រាក់សរុបស្មើនឹង ៤០.០០០.០០០៛ (សែសិបលានរៀល) សម្រាប់និស្សិតម្នាក់ៗ ដែលរ៉ាប់រងការចំណាយទាំងស្រុងលើថ្លៃសិក្សារយៈពេល ៤ ឆ្នាំ។ លើសពីនេះ និស្សិតអាហារូបករណ៍ម្នាក់ៗនឹងទទួលបានកុំព្យូទ័រយួរដៃ (Laptop) ថ្មីមួយគ្រឿង ព្រមទាំងទទួលបានឱកាសការងារល្អៗ និងប្រាក់បៀវត្សខ្ពស់នៅក្នុងស្ថាប័នរដ្ឋ ក្រុមហ៊ុន ឬធនាគារល្បីៗ បន្ទាប់ពីបញ្ចប់ការសិក្សា។

កម្មវិធីសិក្សានៅ CADT ត្រូវបានរៀបចំឡើងយ៉ាងយកចិត្តទុកដាក់លើជំនាញសំខាន់ៗក្នុងវិស័យបច្ចេកវិទ្យាឌីជីថល រួមមាន៖ បរិញ្ញាបត្រជំនាញទូរគមនាគមន៍ និងបណ្តាញ ដែលមានឯកទេស សន្តិសុខសាយប័រ និងវិស្វកម្មទូរគមនាគមន៍, បរិញ្ញាបត្រជំនាញវិទ្យាសាស្ត្រកុំព្យូទ័រ ដែលមានឯកទេស វិស្វកម្មសុសវែរ និងវិទ្យាសាស្ត្រទិន្នន័យ, និង បរិញ្ញាបត្រជំនាញធុរកិច្ចឌីជីថល ដែលមានឯកទេស ពាណិជ្ជកម្មអេឡិចត្រូនិក។

បេក្ខជនដែលមានសក្តានុពលខ្ពស់អាចដាក់ពាក្យចុះឈ្មោះតាមរយៈប្រព័ន្ធអនឡាញនៅតំណភ្ជាប់ https://cadt.edu.kh/techo ចាប់ពីថ្ងៃនេះរហូតដល់ ថ្ងៃទី ១០ ខែតុលា ឆ្នាំ ២០២៥។ សម្រាប់ព័ត៌មានលម្អិតបន្ថែម សូមទំនាក់ទំនងតាមរយៈលេខទូរសព្ទ ០១៥ ៣៣៥ ៨៧៧ ឬ ០៧៧ ៣៣៥ ៨៧៧ អ៊ីម៉ែល apply@cadt.edu.kh ឬចូលទៅកាន់គេហទំព័រ www.cadt.edu.kh។

The post បណ្ឌិត្យសភាបច្ចេកវិទ្យាឌីជីថលកម្ពុជា (CADT) ផ្តល់អាហារូបករណ៍ទេពកោសល្យឌីជីថលតេជោចំនួន ២០០ កន្លែង សម្រាប់ឆ្នាំសិក្សា ២០២៥-២០២៦ appeared first on Kampuchea Thmey Daily.

The Legends Tour គឺជាព្រឹត្តិការណ៍វាយកូនហ្គោលទេសចរណ៍អន្តរជាតិ មានមូលដ្ឋាននៅសហភាពអ៉ឺរ៉ុបដែលកម្មវិធីនេះនឹងនាំយកកីឡាករវាយកូនហ្គោលល្បីៗមកពីជុំវិញពិភពលោក អតីតជើងឯកពាន​រង្វាន់ធំៗ បុគ្គលមានឥទិ្ធពល ព្រមទាំងសិល្បករអន្តរជាតិជាច្រើនផងដែរ ចូលរួមក្នុងការប្រកួត ក៏ដូចជាមានអ្នកទស្សនាទូទាំងពិភពលោករាប់លាននាក់ ហើយនេះគឺជាឱកាសផ្សព្វផ្សាយសក្តានុពលរបស់ប្រទេសកម្ពុជាកាន់ពិភពលោក ដែលកម្ពុជាមានលទ្ធភាពធ្វើជាម្ចាស់ផ្ទះមានទីលានវាយកូនហ្គោលដ៏ធំស្តង់ដារអន្តរជាតិ សណ្ឋាគារប្រណិត ជាមួយបដិសណ្ឋារកិច្ចដ៏ល្អ និងភាពរួសរាយ​រាក់ទាក់របស់ប្រជាជនកម្ពុជា។

អ្នកឧកញ៉ា សំអាង វឌ្ឍនៈ អគ្គនាយកក្រុមហ៊ុន វឌ្ឍនៈ គ្រុប មានប្រសាស៍ថា “បេសកកម្មរបស់ វឌ្ឍនៈ គ្រុប គឺចូលរួមលើកតម្កើងវប្បធម៌ខ្មែរ ចូលរួមកសាងអនាគតកម្ពុជាឆ្ពោះទៅមុខ ភាពច្នៃប្រឌិតថ្មីៗ ព្រមទាំងមិត្តភាព​អន្តរ​ជាតិ។ ការប្រកួត  Vattanac Legends Championship គឺជាការឆ្លុះបញ្ចាំងទស្សនៈ​វិស័យនៃកីឡា​លំដាប់​ពិភព​​លោកជាមួយនឹងសេដ្ឋកិច្ច និងសង្គម​​។ កិច្ចសហការនេះមិនត្រឹមតែជាការរៀបចំការប្រកួតពានរង្វាន់​លំដាប់​​​ពិភពលោកនោះទេ តែនេះគឺជាស្ពានដែលតភ្ជាប់ប្រទេសកម្ពុជា ជាមួយសហគមន៍កីឡាសកលលោក។ ព្រឹត្តិការណ៍នេះនឹងជួយបំផុសគំនិតយុវជនឲ្យចូលចិត្តកីឡាវាយកូនហ្គោល នាំយក​មោទនភាពជាតិ និងពង្រឹងកេរ្តិ៍ឈ្មោះប្រទេសកម្ពុជា ជាទិសដៅសម្រាប់កីឡាលក្ខណៈអន្តរជាតិ និងទេស​ចរ​ណ៍ផងដែរ។”

សូមបញ្ជាក់ផងដែរថា ផលិតផលដែលមានគុណភាពលំដាប់អន្តរជាតិរបស់ក្រុមហ៊ុន វឌ្ឍនៈ ដូចជាស្រាបៀរ វឌ្ឍនៈ ដ្រាហ្គិន, គ្រុឌ, ភេសជ្ជៈកីឡាបំពេញជាតិទឹក វី-អាកទីវ និងទឹកពិសាប្រណិត វី-អាកទីវ ក៏នឹងត្រូវដាក់បម្រើជូនភ្ញៀរជាតិ និងអន្តរជាតិ ក្នុងព្រឹត្តិការណ៍ប្រកួតពានរង្វាន់វាយកូនហ្គោល Vattanac Legends Championship ជាមួយនឹងប្រាក់រង្វាន់រហូតដល់ ៥៥ ម៉ឺនដុល្លារ ដល់ម្ចាស់ជើងឯកសម្រាប់កម្មវិធីដ៏អស្ចារ្យនេះ។

The post វឌ្ឍនៈ គ្រុប នាំយកព្រឹត្តិការណ៍ពានរង្វាន់វាយកូនហ្គោល The Legends Tour​ដ៏ល្បីកម្រិតពិភពលោកមកប្រកួតនៅកម្ពុជានាខែវិច្ឆិកា appeared first on Kampuchea Thmey Daily.

Mega MGC Coffee ដែលជាម៉ាកហាងកាហ្វេដ៏ល្បី នៅលើទីផ្សារ ប្រទេសកូរ៉េ អស់រយៈពេលជាង​១០​ឆ្នាំកន្លងមកនេះ បានប្រកាសថានឹងឈានចូលទីផ្សារកម្ពុជាឆាប់ៗ តាមរយៈការចុះកិច្ចព្រមព្រៀង ផ្តល់សិទ្ធិធ្វើអាជីវកម្មផ្តាច់មុខ (Master Franchise) អោយទៅក្រុមហ៊ុន សៃសាន់ ប្រាឌើរ ហូលឌីង (Saisons Brother Holding)។

Mega MGC Coffee មានភាពល្បីល្បាញ ដោយសារការលក់កាហ្វេ ដែលមានកែវធំៗ បរិមាណច្រើន ​គុណភាពខ្ពស់ តម្លៃសមរម្យ និងប្រើប្រាស់គ្រាប់កាហ្វេអារ៉ាប៊ីការសុទ្ធ ១០០%។

Mega MGC Coffee គឺជាម៉ាកហាងកាហ្វេដ៏ល្បី ​ដែលបង្កើតឡើងនៅឆ្នាំ​ ២០១៥​ ដែលបច្ចុប្បន្ន គ្រប់គ្រងដោយក្រុមហ៊ុន Annhouse Co., Ltd​។ ម៉ាកហាងកាហ្វេមួយនេះបានរីកលូតលាស់យ៉ាងឆាប់រហ័ស ដែលគិតមកដល់ពេលនេះ វាមានហាងរហូតដល់ ៣៩០០​ ទូទាំងប្រទេសកូរ៉េ។ បច្ចុប្បន្នម៉ាកហាងកាហ្វេនេះបានឈរជើងយ៉ាងរឹងមាំជាម៉ាកឈានមុខគេនៅលើទីផ្សារកូរ៉េ ហើយបានពង្រីកខ្លួនទៅក្រៅប្រទេសដំបូងគេបង្អស់នៅឆ្នាំ ២០២៤ និងមានគំរោងពង្រីកអាជីវកម្មរបស់ខ្លួនទៅកាន់ប្រទេសផ្សេងៗទៀតនៅអាស៊ី។

នៅប្រទេសកម្ពុជា Mega MGC Coffee ផ្តល់សិទ្ធិធ្វើអាជីវកម្មផ្តាច់មុខ អោយទៅក្រុមហ៊ុន សៃសាន់ ប្រាឌើរ ហូលឌីង ដែលជាសាជីវកម្មកម្ពុជា ល្បីល្បាញខាងវិស័យជាច្រើនដូចជា​ វិស័យម្ហូបអាហារ (Food & Beverage) វិស័យលក់រាយ (Retail)​ វិស័យបច្ចេកវិទ្យា (Technology) និងវិស័យសំណង់ (Construction)។ ជាមួយនិងបទពិសោធន៍ប្រតិបត្តិការអាជីវកម្មជាច្រើនវិស័យ និងការយល់ពីទីផ្សារកម្ពុជា ក្រុមហ៊ុនសៃសាន់ គឺជាដៃគូរដ៏ល្អឥតខ្ជោះក្នុងការនាំចូលម៉ាកដ៏ល្បីនេះចូលទីផ្សារកម្ពុជា។

លោក Daeyoung Kim នាយកប្រតិបត្តិនៃក្រុមហ៊ុន Annhouse Co., ​Ltd​ មានប្រសាសន៏នៅក្នុងនៅក្នុងពិធីចុះហត្ថលេខាលើកិច្ចព្រមព្រៀង សិទ្ធិធ្វើអាជីវកម្មផ្តាច់មុខ នៅទីក្រុងសេអ៊ូលថា “យើងនឹងនាំវប្បធម៌ កាហ្វេថ្មីមួយ ទៅអោយអតិថិជនកម្ពុជា ហើយការពង្រីកអាជីវកម្មទៅប្រទេសកម្ពុជាគឺជាគ្រឹះក្នុងការចូលទីផ្សារអាស៊ីអាគ្នេយ៍។”

ហាងកាហ្វេ Mega MGC Coffee កម្ពុជាដំបូងគ្រោង នឹងបើកដំណើរការនៅដើមឆ្នាំ ២០២៦ ដែលផ្តល់ នូវកាហ្វេ និងភេសជ្ជៈសំបូរបែប និងការបន្ថែមមុខម្ហូបនិងភេសជ្ជៈក្នុងស្រុក និងការទទួលបាននូវបទពិសោធន៏ដូចនៅប្រទេសកូរ៉េ។​ ពាក្យស្លោករបស់ Mega MGC Coffee គឺ “មានកាហ្វេ មានក្តីសុខ”  “កាហ្វេច្រើន សប្បាយច្រើន” “កាហ្វេច្រើន កើនសប្បាយ” ដោយ​ផ្តល់កាហ្វេ ដែលមានបរិមានច្រើន គុណភាពល្អ និងតម្លៃសមរម្យ។

លោក ងន ដេវីតសំបូរ នាយកគ្រប់គ្រងនៃក្រុមហ៊ុន សៃសាន់ ប្រាឌើរ ហូលឌីង បានមានប្រសាសន៏ថា “យើងមិនត្រឹមតែនាំមកនូវម៉ាកហាងកាហ្វេថ្មីមកម្ពុជាប៉ុណ្ណោះទេ យើងនឹងនាំមកនូវទំព័រថ្មីសម្រាប់ អតិថិជនកម្ពុជា។ វានឹងក្លាយជាកន្លែងពេញនិយមសម្រាប់ ការជួបមិត្តភក្តិ ពិភាក្សាការងារ ដែលមានបរិយាកាសល្អ​ និងបទពិសោធន៍ថ្មី។”

ព័តមានបន្ថែមទាក់ទងនិង MEGA MGC COFFEE

[Facebook] – https://www.facebook.com/profile.php?id=61580251792976

[Instagram] – https://www.instagram.com/megacoffeecambodia?igsh=MXI5bno4d2o2Yzc1aA==

[TikTok] – https://www.tiktok.com/@megamgccoffeekh?_t=ZS-8zUZBMcGyyz&_r=1

The post ហាងកាហ្វេ ដ៏ល្បីនៅកូរ៉េខាងត្បូង Mega MGC Coffee នឹងមានវត្តមាននៅលើទឹកដីកម្ពុជា appeared first on Kampuchea Thmey Daily.

ដោយមានការចូលរួមគាំទ្រពីសប្បុរសជន និងកិច្ចខិតខំប្រឹងប្រែងរបស់សមាជិកក្រុមការងារដែលមិនគិតពីភាពនឿយហត់ ជំនួយទ្រទ្រង់ទាំងនោះត្រូវបានចែកជូនដល់សហគមន៍ដែលបានភៀសខ្លួនចេញពីផ្ទះសម្បែងដោយសារជម្លោះព្រំដែន ស្ថិតក្នុងខេត្តឧត្ដរមានជ័យ សៀមរាប និងព្រះវិហារ ហើយសកម្មភាពដ៏ថ្លៃថ្លានេះមិនគ្រាន់តែចែកជូនសម្ភារៈចំាបាច់ប៉ុណ្ណោះទេ តែជាការផ្តល់នូវក្តីសង្ឃឹមសម្រាប់គ្រួសារភៀសសឹកផងដែរ។

ឯកឧត្តម អ៊ុក គឹមសាន អភិបាលរងខេត្តព្រះវិហារ បានកោតសរសើរ និងថ្លែងអំណរគុណយ៉ាងជ្រាលជ្រៅចំពោះការដឹកនាំ និងវត្តមានរបស់ក្រុមការងារ និងសិល្បករ ដែលដឹកនាំដោយលោកជំទាវអ្នកឧកញ៉ា ម៉ៅ ចំណាន។ ឯកឧត្តមបានកត់សម្គាល់ថា ការចូលរួមរបស់លោកជំទាវ បានឆ្លុះបញ្ចាំងពីស្មារតីយកចិត្តទុកដាក់ខ្ពស់បំផុត ក៏ដូចជាការបង្ហាញនូវស្មារតីសាមគ្គីភាពចំពោះប្រជាជនខ្មែរ។

សកម្មភាពមនុស្សធម៌នេះដឹកនាំដោយលោកជំទាវ អ្នកឧកញ៉ា ម៉ៅ ចំណាន អនុប្រធានក្រុមប្រឹក្សាភិបាលក្រុមហ៊ុន រ៉ូយ៉ាល់គ្រុប និងជាប្រធានសមាគមសិល្បករខ្មែរ បាននាំយកសម្ភារៈ និងគ្រឿងឧបភោគចែកជូនជនភៀសសឹកជាច្រើនរយនាក់កាលពីថ្ងៃសុក្រសប្ដាហ៍មុន ដោយបានប្រគល់ប៉ាឡែតឈើចំនួន ៣០០បន្ទះសម្រាប់ជំរំភៀសសឹកស្ថិតនៅវត្ដទួលអណ្ដែត និងព្រមទាំងសម្ភារៈ និងគ្រឿងឧបភោគត្រូវបានចែកជូនជនភៀសសឹកចំនួន ៥៤៤ គ្រួសារ ស្ថិតនៅវត្ដត្រាវគៀត ក្នុងខេត្តព្រះវិហារ។

ក្នុងឱកាសសំណេះសំណាលជាមួយក្រុមគ្រួសារដែលជម្លៀសចេញពីទំលំនៅ លោកជំទាវអ្នកឧកញ៉ា ម៉ៅ ចំណាន បានស្វែងយល់ពីស្ថានភាពរបស់ប្រជាជនភៀសសឹកឋិតនៅក្នុងគ្រាដ៏លំបាកមួយនេះ។ លោកជំទាវមានប្រសាសន៍ថា៖ “នៅក្នុងរយៈពេលជាងមួយខែមកនេះ ទោះបីជាពុកម៉ែបងប្អូនបានទទួលការយកចិត្តទុកដាក់ខ្ពស់ពីអាជ្ញាធរ រាជរដ្ឋាភិបាល និងសប្បុរសជនមកពីគ្រប់ពីទិសទីក៏ដោយ។ ប៉ុន្តែពួកយើងពិតជាដឹងយ៉ាងច្បាស់ថា ពុកម៉ែបងប្អូនប្រាកដជាមានអារម្មណ៍ឈឺចាប់ ភ័យខ្លាច និងអារម្មណ៍ឯកាជាក់ជាមិនខាន ព្រោះគ្មានទីកន្លែងណា មានក្តីសុខជាផ្ទះរបស់យើងទេ។ ទោះបែបនេះក្តី ពួកយើងសង្ឃឹមថា ស្រមោលខ្មៅដ៏អាក្រក់មួយនេះនឹងឆាប់រសាត់បាត់ទៅវិញជាក់ជាមិនខានឡើយ។”

ក្រុម​គ្រួសារ​នីមួយៗ​ទទួលបាន​កញ្ចប់ជំនួយ​ដែលរួមមាន​៖​ ទឹក​សុទ្ធ មី អង្ករ១០​គីឡូក្រាម ភួយ ក្រមា សម្លៀក​បំពាក់ និង​គ្រឿង​សម្ភារៈ​ចាំបាច់​មួយចំនួនទៀត​។ ហើយសម្ភារៈអំណោយទាំងនេះបានបង្ហាញពីសារដ៏រឹងមាំនៃសាមគ្គីភាព ក៏ដូចជារួមចំណែកជួយទ្រទ្រង់ជីវភាពរស់នៅប្រចាំថ្ងៃទៅដល់សហគមន៍ជម្លៀសពីលំនៅឋាន។

លោកស្រី កែវ សុផាន្នី​ បានភៀសខ្លួនពីលំនៅឋានរបស់គាត់ជាមួយក្រុមគ្រួសារ ហើយឥឡូវនេះកំពុងស្នាក់នៅវត្តជ្រោយនាងងួន ក្នុងខេត្តសៀមរាប។ លោកស្រី កែវ សុផាន្នី ស្ថិតក្នុងចំណោមពលរដ្ឋភៀសសឹកជាច្រើនដែលបានសម្តែងការអគុណចំពោះជំនួយសប្បុរសដ៏ថ្លៃថ្លានេះ។

គាត់បានបង្ហាញអារម្មណ៍លាយឡំនឹងក្តីសង្ឃឹមយ៉ាងដូច្នេះថា៖ “នាងខ្ញុំសូមថ្លែងអំណរគុណ អ្នកឧកញ៉ា គិត ម៉េង និងលោកជំទាវអ្នកឧកញ៉ា ម៉ៅ ចំណាន ដែលបានផ្ដល់ជំនួយស្បៀងអាហារនេះដល់ពួកយើង។ អំណោយទាំងនេះបានជួយសម្រាលបន្ទុកយ៉ាងច្រើនសម្រាប់ជីវភាពប្រចាំថ្ងៃ។”

តាំងពីជម្លោះនៅព្រំដែនបានកើតឡើង ក្រុមគ្រួសារជាច្រើនត្រូវបានបង្ខំចិត្តចាកចេញពីលំនៅឋាន។ ដោយមើលឃើញពីទុក្ខលំបាកនេះ អ្នកឧកញ៉ា គិត ម៉េង និងលោកជំទាវអ្នកឧកញ៉ា ម៉ៅ ចំណាន បានផ្តួចផ្តើម “មូលនិធិទ្រទ្រង់ជនភៀសសឹក” សម្រាប់ជួយទ្រទ្រង់ដល់គ្រួសាររងគ្រោះ ហើយបានអំពាវនាវដល់សាធារណជនឱ្យចូលរួមក្នុងការគាំទ្រដល់ពលរដ្ឋដែលត្រូវការជំនួយក្នុងគ្រាដ៏លំបាកនេះ។

សកម្មភាពសប្បុរសធម៌នេះបានធ្វើឡើងជាបន្តបន្ទាប់។ ចាប់តាំងពីដើមខែសីហា មក សមាជិកក្រុមហ៊ុន រ៉ូយ៉ាល់គ្រុប បាននាំយកអំណាយជាសម្ភារៈ  និងគ្រឿងឧបភោគចែកជូនពលរដ្ឋភៀសសឹកជាច្រើនទីតាំងរួមមាន៖

• នៅថ្ងៃទី២-៣ ខែសីហា៖ ការ​ចែកជូន​អំណោយត្រូវបានធ្វើឡើងនៅ​វត្តគិរីទួលអណ្តែត ដែលជាជំរុំជនភៀសសឹក​ក្នុងខេត្តព្រះវិហារ ដោយបានជួយដល់កុមារ និងគ្រួសារជាង៧០០នាក់។
• ថ្ងៃទី៦ ខែសីហា៖ ក្រុមការងារបាននាំយកជំនួយទៅកាន់ជំរំ​ក្នុងភូមិអូរតាមែង ឃុំអន្លង់វែង ស្រុកអន្លង់វែង ខេត្តឧត្តរមានជ័យ។
• ថ្ងៃទី១១ ខែសីហា៖ ការចែកអំណោយបានធ្វើឡើងនៅភូមិតាមន្តសែនជ័យ ឃុំគោកមន ស្រុកបន្ទាយអំពិល ខេត្តឧត្តរមានជ័យ។
• និងថ្ងៃទី១៩–២០ ខែសីហា៖ ក្រុមការងារបាននាំយកនូវសម្លៀកបំពាក់ សម្ភារប្រើប្រាស់ និងគ្រឿងឧបភោគបរិភោគ រួមជាមួយនឹងថវិកាមួយចំនួនជូនដល់គ្រួសារវីរកងទ័ព និងប្រជាពលរដ្ឋភៀសសឹក នៅទីតាំងវត្តជ្រោយនាងងួន ក្នុងខេត្តសៀមរាប ។

ក្នុងគ្រាមានទុក្ខលំបាកនេះ ជំនួយសប្បុរសប្រៀបបាននឹងពន្លឺនៃក្តីសង្ឈឹម។ តាមរយៈកិច្ចខិតខំប្រឹងប្រែងរួមគ្នាទាំងនេះ ធនាគារ វីង និងក្រុមហ៊ុន រ៉ូយ៉ាល់គ្រុប មិនគ្រាន់តែរួមចំណែកសកម្មភាពជំនួយមនុស្សធម៌ប៉ុណ្ណោះទេ តែជាកាយវិការដែលបង្ហាញនូវកម្លាំងចិត្ត ក្ដីមេត្តា និងជាស្មារតីមួយដែលកម្ពុជានឹងរួបរួមគ្នាជាធ្លុងមួយគ្រប់កាលទេស៕

The post ត្រឹមតែ១ខែប៉ុណ្ណោះ! ធនាគារ វីង ក្រុមហ៊ុន រ៉ូយ៉ាល់គ្រុប និងសមាគមសិល្បករខ្មែរ បាននាំយកអំណោយជូនជនភៀសសឹកជាង ២.០០០ គ្រួសារ appeared first on Kampuchea Thmey Daily.

ពានរង្វាន់ដ៏មានកិត្យានុភាពនេះ ទទួលស្គាល់នូវឧត្តមភាព និងភាពនាំមុខជាបន្ដបន្ទាប់របស់ធនាគារ ទៅលើផ្នែកសេវាធនាគាររូបវន្តបុគ្គល និងឌីជីថល ដោយពង្រឹងតួនាទីរបស់ធនាគារ ក្នុងការកំណត់ស្តង់ដារថ្មីនៃទិដ្ឋភាពហិរញ្ញវត្ថុនៅកម្ពុជា និងក្នុងតំបន់។   

ឌីជីថលនវានុវត្តន៍ជំរុញដល់កំណើន 

ដោយផ្តោតសំខាន់លើនវានុវត្តន៍ ភាពងាយស្រួលប្រើប្រាស់ និងគិតគូរដល់អតិថិជនជាគោល  ផ្លែតហ្វមឌីជីថលរបស់ ABA ទទួលបានកំណើនគួរឲ្យកត់សម្គាល់។ ABA Mobile មានកំណើនអ្នកប្រើប្រាស់ប្រមាណ 32% ក្នុងរយៈពេលមួយឆ្នាំ ដោយផ្ដល់ជូនពួកគាត់នូវលទ្ធភាពចូលប្រើគណនីរបស់ខ្លួនបានគ្រប់ពេលវេលា គ្រប់ទីកន្លែង។  

វឌ្ឍនភាពថ្មីៗសំខាន់ៗសម្រាប់កម្មវិធី ABA Mobile រួមមានជាអាទិ៍ ណាវី — ជំនួយការនិម្មិតសម្រាប់សេវាធនាគារ, មុខងារឆាត និងសោមុខជាដើម។ មុខងារទាំងអស់នេះត្រូវបានបង្កើតឡើង មិនត្រឹមតែផ្ដល់ភាពងាយស្រួល និងសុវត្ថិភាពប៉ុណ្ណោះទេ ព្រមទាំងជួយទប់ស្កាត់ការក្លែងបន្លំនានា តាមកម្មវិធីផ្ញើសារផ្សេងៗផងដែរ។  

កម្មវិធី ABA Merchant ក៏ទទួលបានកំណើនអ្នកប្រើប្រាស់ជាង 30% ផងដែរ  ដោយបម្រើជូនអាជីវករ ឬម្ចាស់អាជីវកម្មតូចធំគ្រប់ប្រភេទជាមួយមុខងារមានប្រយោជន៍ជាច្រើន ដូចជាការបង្កើតកូដ QR, ផ្ញើលីងទូទាត់, គ្រប់គ្រងមុខងារជូនលុយភ្ញៀវវិញ និងបង្កើតរបាយការណ៍លក់ដូរជាដើម – មុខងារទាំងអស់នេះ រួមចំណែកលើកកម្ពស់ការទូទាត់ឌីជីថល មិនប្រើក្រដាសប្រាក់កាន់តែទូលំទូលាយនៅកម្ពុជា។ 

បន្ថែមពីលើនេះ ផ្លែតហ្វមសេវាធនាគារអនឡាញ ABA Business បន្តគាំទ្រ និងពង្រឹងសមត្ថភាពរបស់អាជីវកម្មនានាជាមួយមុខងារដូចជា ការទូទាត់ច្រើនដំណាលគ្នា ប្រាក់បៀវត្ស និងសេវាប្រមូលប្រាក់ជាដើម។ សមត្ថភាពទាំងនេះ គួបផ្សំជាមួយនឹងវិធានការសុវត្ថិភាពដ៏រឹងមាំ ធ្វើឲ្យផ្លែតហ្វមនេះ ទទួលបានកំណើនអ្នកប្រើប្រាស់ប្រមាណ 24% ដែលតួលេខនេះ ឆ្លុះបញ្ចាំងយ៉ាងច្បាស់អំពីទំនុកចិត្តរបស់សហគ្រិន និងសហគ្រាស។ 

លោក Askhat Azhikhanov អគ្គនាយក និងជានាយកប្រតិបត្តិនៃធនាគារ ABA មានប្រសាសន៍ថា “យើងខ្ញុំមានមោទនភាពយ៉ាងក្រៃលែងដែលផលិតផលឌីជីថលរបស់យើងខ្ញុំ បានក្លាយជាផ្នែកមួយយ៉ាងសំខាន់នៃការប្រើប្រាស់សេវាធនាគារប្រចាំថ្ងៃរបស់អតិថិជនគ្រប់រូប។ ការទទួលស្គាល់ពីទស្សនាវដ្តី Euromoney បញ្ជាក់នូវទំនុកចិត្តរបស់ពួកគេ មកលើធនាគារយើងខ្ញុំ។ ជាការឆ្លើយតបទៅនឹងកិត្តិនាមនេះ យើងខ្ញុំនឹងប្តេជ្ញាបន្ដនាំយកសេវាធនាគារដែលទំនើប និងងាយស្រួលប្រើប្រាស់ ដើម្បីបំពេញតម្រូវការរបស់អតិថិជនដែលកំពុងបន្ដកើនឡើង”។ 

ការរួមចំណែករបស់ ABA ចំពោះគំនិតផ្តួចផ្តើមសម្រាប់កិច្ចការសង្គម 

លើសពីសេវាហិរញ្ញវត្ថុដែលទំនើប ងាយស្រួល និងសុវត្ថិភាព គណៈវិនិច្ឆ័យរបស់ Euromoney ក៏បានធ្វើការកោតសរសើរចំពោះការរួមចំណែកដ៏មានអត្ថន័យរបស់ ABA នៅលើផ្នែកអប់រំ ផ្នែកសុខាភិបាល និងការអភិវឌ្ឍសហគមន៍ ដែលឆ្លុះបញ្ចាំងពីការប្តេជ្ញាយ៉ាងមុតមាំរបស់ខ្លួនចំពោះវឌ្ឍនភាពជាតិ។  

នៅក្នុងវិស័យអប់រំ ABA បានពង្រីកគម្រោងជួសជុលកែលម្អសាលារៀនបន្ថែម ដោយបានពង្រឹងហេដ្ឋារចនាសម្ពន្ធសាលារៀន នៅវិទ្យាល័យ សុខអាន ថ្នល់បំបែក ក្នុងខេត្តតាកែវ និងអគារសិក្សាមូស្លីមចំនួន 2 ខ្នង ក្នុងខេត្តកំពង់ឆ្នាំង។ ការជួសជុលកែលម្អទាំងនេះ បានផ្តល់បរិយាកាសសិក្សាប្រកបដោយផាសុកភាព និងសុវត្ថិភាពដល់សិស្សានុសិស្ស។ 

ធនាគារក៏បន្តគាំទ្រដល់អង្គការមូលនិធិកុមារកម្ពុជា (CCF) តាមរយៈការឧបត្ថម្ភដល់ កម្មវិធីអប់រំកម្រិតបឋមសិក្សា ដែលផ្ដល់លទ្ធភាពបន្ថែមដល់កុមារក្រីក្រទទួលបានការអប់រំប្រកបដោយគុណភាព។ ចំពោះវិស័យសុខាភិបាលវិញ ABA ក៏បានបន្តការគាំទ្ររបស់ខ្លួនតាមរយៈការបរិច្ចាគជូនដល់កាកបាទក្រហមកម្ពុជា សមាគមគ្រូពេទ្យស្ម័គ្រចិត្តយុវជនសម្តេចតេជោ និងមជ្ឈមណ្ឌលព្យាបាលកុមារបេះដូងជប៉ុន ដែលជាអង្គការក្រៅរដ្ឋាភិបាលផ្នែកសុខាភិបាល ដែលផ្តល់សេវាថែទាំសុខភាពដល់កុមារ ដោយឥតគិតថ្លៃ តាមរយៈអគារមជ្ឈមណ្ឌលសុខភាពថ្មីរបស់ខ្លួន។  

កិត្ដិនាមនៅក្នុងវិស័យធនាគារកម្ពុជា 

ក្នុងសំណេរពាក់ព័ន្ធនឹងពានរង្វាន់របស់ធនាគារ ABA នាឆ្នាំនេះ និពន្ធនាយករបស់ Euromoney បានអធិប្បាយថា “ក្នុងនាមជាស្ថាប័នដ៏លេចធ្លោមួយក្នុងវិស័យធនាគារនៅកម្ពុជា ធនាគារ ABA សម្រេចបាននូវសមិទ្ធផលសំខាន់ៗនៅលើផ្នែកឌីជីថលនវានុវត្តន៍ លទ្ធផលហិរញ្ញវត្ថុរឹងមាំ និងការរួមចំណែកក្នុងកិច្ចការសង្គមយ៉ាងសកម្ម។ កិច្ចខិតខំប្រឹងប្រែងទាំងនេះ នាំឲ្យ ABA ទទួលបានកិត្តិនាមជា ធនាគារឆ្នើមបំផុតនៅកម្ពុជា។” 

ការទទួលបានពានរង្វាន់នេះរយៈពេល 12ឆ្នាំជាប់ៗគ្នា ឆ្លុះបញ្ចាំងពីទំនុកចិត្ត និងការជឿជាក់របស់អតិថិជនរាប់លាននាក់មកលើធនាគារ ABA។ ដោយសម្លឹងឆ្ពោះទៅអនាគត ធនាគារនឹងនៅតែប្តេជ្ញាចិត្តក្នុងការផ្តល់ជូនសេវាធនាគារសុវត្ថិភាព ពេញដោយនវានុវត្ត និងមានប្រយោជន៍សម្រាប់ប្រជាពលរដ្ឋខ្មែរគ្រប់រូប។ 

The post ABA បន្ដទទួលបានពាន​ ធនាគារឆ្នើមបំផុតនៅកម្ពុជា ពី Euromoney រយៈពេល 12 ឆ្នាំជាប់ៗគ្នា  appeared first on Kampuchea Thmey Daily.

យីហោល្បីៗរបស់ប្រទេសសិង្ហបុរីចំនួនពីរ គឺក្រុមហ៊ុន Hides and Thread និង Faire Collective នឹងបង្ហាញជូននូវផលិតផលធ្វើពីស្បែកដោយដៃ និងម៉ូដដែលមានលាយឡំម៉ូដបែបបុរាណជាមួយម៉ូដបែបសម័យទំនើប។
ត្រូវបានបង្កើតឡើងក្នុងឆ្នាំ២០១៦ ក្រុមហ៊ុន Hides and Thread បានចាប់ផ្តើមពីអាជីវកម្មនៅតំបន់កាច់ជ្រុងនៃផ្ទះល្វែង HDB ដែលពួកគេបានច្នៃស្បែកនៅលើតុដ៏តូចមួយ និងបានល្បីឈ្មោះតាមរយៈការនិយាយតៗគ្នាពីមាត់មួយទៅមាត់មួយ។

អ្នកចូលរួមអាចទិញផលិតផលធ្វើពីស្បែកដោយដៃដ៏ស្រស់ស្អាតទាំងនេះពីក្រុមហ៊ុន Hides and Thread និងបញ្ចេញភាពច្នៃប្រតិដ្ឋរបស់ពួកគេនៅក្នុងសិក្ខាសាលាដែលពួកគេអាចរចនាវត្ថុអនុស្សាវរីយផ្ទាល់ខ្លួនតាមចំណង់ចំណូលចិត្ត។

ផលិតផលនីមួយៗត្រូវច្នៃយ៉ាងផ្ចិតផ្ចង់ និងលម្អិតបំផុត។ ស្ថាបនិកលោក Jonathan Tan និងលោក Gary Chng គឺជាអ្នកច្នៃដោយខ្លួនឯង និងចាប់ផ្តើមកសាងស្នាដៃពីបាតដៃទទេដោយបានរៀនពីការសាកល្បង និងកំហុសរហូតបានប្តេជ្ញាចិត្តផលិតបានជាផលិតផលដ៏ប្រណីត។ ឈ្មោះយីហោនេះតំណាងឱ្យផលិតផលដែលមានគុណភាពខ្ពស់ ផ្តល់អត្ថប្រយោជន៍ច្រើន រឹងមាំ ប្រើប្រាស់បានយូរ និងទាន់សម័យ។
ក្នុងរយៈពេលប៉ុន្មានឆ្នាំកន្លងទៅនេះ ក្រុមហ៊ុន Hides and Thread បានអភិវឌ្ឍខ្លួនក្លាយជាស្ទូឌីយ៉ូផលិតកម្ម និងហាងពេញលេញដែលច្នៃផលិតផលធ្វើពីស្បែក។ ក្រុមហ៊ុននេះមានផលិតផលធ្វើពីស្បែក និងសេវាកម្មពាក់ព័ន្ធជាច្រើនដែលបម្រើដល់អតិថិជនបែបធុរកិច្ច និងអ្នកដែលឱ្យតម្លៃទៅលើភាពច្នៃប្រតិដ្ឋ។
នៅក្នុងព្រឹត្តិការណ៍លាតត្រដាងបទពិសោធន៍ថ្មីៗនៃរបៀបរស់នៅប្រកបដោយគុណភាព ក្រុមហ៊ុនយីហោល្បីឈ្មោះនេះនឹងបង្ហាញជូនសាធារណជននូវផលិតផលច្នៃពីស្បែកដោយដៃរួមមាន ខ្សែនាឡិកាដៃ បន្តោងសោរថយន្ត និងគ្រឿងលម្អបន្ថែមជាច្រើនទៀត។ សាធារណជនក៏អាចចូលរួមក្នុងសិក្ខាសាលា និងអាចយកផលិតផលធ្វើពីស្បែកទាំងនោះទុកជាវត្ថុអនុស្សាវរីយទៅគេហដ្ឋានផងដែរ។

លោក Jonathan បានឱ្យដឹងថា “ការច្នៃផលិតផលធ្វើពីស្បែក គឺការងារពិសេស និងជាទម្រង់សិល្បៈដែលត្រូវបានគេមើលរំលង។ យើងមានកិត្តិយសដែលបានបង្ហាញស្នាដៃរបស់យើងក្នុងរាជធានីភ្នំពេញដែលផលិតផលរបស់យើងមានគុណភាពខ្ពស់ ភាពទាក់ទាញ និងផ្តល់អត្ថប្រយោជន៍ជាច្រើន។ តាមរយៈព្រឹត្តិការណ៍នេះ យើងសង្ឃឹមថានឹងអាចធ្វើឱ្យអ្នកចូលរួមយល់ដឹង និងវាយតម្លៃកាន់តែខ្ពស់ទៅលើផលិតផលធ្វើពីស្បែកដោយដៃ។
ត្រូវបានបង្កើតឡើងក្នុងប្រទេសសិង្ហបុរីដោយលោក Ryan Choy ក្រុមហ៊ុន Faire Collective គឺជាយីហោដែលត្រូវបានបង្កើតឡើងដោយធ្វើការស្រាវជ្រាវ និងពិភាក្សាផ្ទាល់ជាមួយអ្នកប្រើប្រាស់ដោយផ្ទាល់ដើម្បីអាចផ្តល់ផលិតផលដែលត្រូវចិត្តអតិថិជន។ Faire Collective មាន “ផលិតផលប្រណីតដែលផ្តល់ប្រយោជន៍ច្រើនក្នុងតម្លៃសមរម្យ” ដោយលុបបំបាត់ឈ្មួញកណ្តាលដើម្បីផ្តល់ផលិតផលធ្វើពីស្បែកគុណភាពខ្ពស់សម្រាប់ការរស់នៅបែបទំនើប។ ការរចនានីមួយៗត្រូវបានធ្វើឡើងយ៉ាងប្រុងប្រយ័ត្នដែលច្នៃតាមការបញ្ចេញមតិរបស់អតិថិជនដើម្បីធានាថា ផលិតផលនីមួយៗរាប់ចាប់ពីកាបូបការិយាល័យរហូតដល់កាបូបដៃ អាចបំពេញចិត្តដល់អតិថិជនគ្រប់រូប។
នៅក្នុងព្រឹត្តិការណ៍នេះ Faire Collective មានមោទនភាពបង្ហាញជូននូវផលិតផលនវានុវត្តន៍ចុងក្រោយដែលប្រកបដោយប្រណីតភាព។

ទទួលយកបទពិសោធន៍ពីផលិតផលប្រណីតបែបនវានុវត្តន៍ដែលផ្តល់អត្ថប្រយោជន៍ច្រើនរបស់ក្រុមហ៊ុន Faire Collective និងឈ្វេងយល់ពីរបៀបច្នៃប្រតិដ្ឋដែលតម្រូវតាមការប្រើប្រាស់ជាក់ស្តែង និងទាន់សម័យ។

ដំណាក់កាលនៃការច្នៃផលិតផលនីមួយៗរួមបញ្ចូលយោបល់របស់អ្នកប្រើប្រាស់ជាក់ស្តែងដើម្បីបង្កើតផលិតផលដែលស័ក្តិសមសម្រាប់ការរស់នៅដ៏រស់រវើក។ អ្នកចូលរួមអាចយល់ដឹងអំពីរបៀបច្នៃប្រតិដ្ឋដោយដៃ និងឈ្វេងយល់ពីផលិតផលយួរដៃប្រចាំថ្ងៃដែលមានភាពឆ្លាតវៃ និងទាន់សម័យនៅក្នុងព្រឹត្តិការណ៍នេះ ។
នាយកប្រតិបត្តិលោក Ryan Choy បានឱ្យដឹងថា “យើងមិនត្រឹមតែជាអ្នកផលិតកាបូបប៉ុណ្ណោះទេប៉ុន្តែយើងចង់ឱ្យមនុស្សឃើញយើងជាយីហោប្រណីតដែលអាចផ្តល់ផលិតផលដែលអតិថិជនចង់បាន”។ គំនិតនេះធ្វើឱ្យ Faire Collective មានការប្តេជ្ញាចិត្តកាន់តែខ្លាំងក្នុងការបង្កើតផលិតផលធ្វើពីស្បែកដោយដៃប្រកបដោយគុណភាពខ្ពស់ដែលធ្វើឱ្យការរស់នៅប្រចាំថ្ងៃកាន់តែមានភាពប្រសើរឡើង។
ជាផ្នែកមួយនៃព្រឹត្តិការណ៍ “លាតត្រដាងបទពិសោធន៍ថ្មីៗនៃរបៀបរស់នៅប្រកបដោយគុណភាព” ការបង្ហាញទាំងនេះនឹងមានផ្តល់ជូនជាមួយថ្នាក់បង្រៀន(masterclass) កម្មវិធីភ្លក្សស្រា ស៊ីហ្គា សម្លៀកបំពាក់ និងការផ្តល់ជូនជាច្រើនទៀតដែលទាំងអស់នេះនឹងត្រូវធ្វើឡើងនៅណាហ្គាវើលដ៍ទី២។ សាធារណជនអាចចូលរួមដោយឥតគិតថ្លៃពីម៉ោង ១១ ព្រឹកដល់ ៩ យប់ដែលតម្រូវឱ្យមានការបង់ប្រាក់សម្រាប់ការចូលរួមក្នុងសិក្ខាសាលា (workshop) និងថ្នាក់បង្រៀន (masterclass)។ សម្រាប់ព័ត៌មានបន្ថែម សូមចូលទៅកាន់ www.nagaworld.com/eu-register ។

ជាមួយការពង្រីកបន្ថែមថ្មីចុងក្រោយ ណាហ្គាវើលដ៍ មានបន្ទប់ប្រភេទ Suite និង Deluxe ១.៦៥៨ បន្ទប់ ភោជនីយដ្ឋាន បានីយដ្ឋាន និងក្លឹបកម្សាន្តជាង ២០ កន្លែង មណ្ឌលស្ប៉ាប្រណីត ២ សាលមហោស្រព NABA ដែលមាន ២.០០០ កៅអីនៅណាហ្គាវើលដ៍ទី២ ផ្សារទំនិញរួចពន្ធប្រតិបត្តិការដោយក្រុមហ៊ុន China Duty Free Group ដែលជាផ្សារទំនើបក្រោមដីទីមួយក្នុងប្រទេសកម្ពុជាដែលមានលក់ទំនិញម៉ាកអន្តរជាតិល្បីៗ សេវាកម្សាន្តដ៏សម្បូរបែបព្រមទាំងសាលសម្រាប់រៀបចំការប្រជុំ និងកម្មវិធីឈានមុខគេ៕

The post ផលិតផលធ្វើពីស្បែកប្រណីតបែបនវានុវត្តន៍ នឹងបង្ហាញជូនក្នុងព្រឹត្តិការណ៍លាតត្រដាងបទពិសោធន៍ថ្មីៗនៃរបៀបរស់នៅប្រកបដោយគុណភាព appeared first on Kampuchea Thmey Daily.

តាមរយៈយោគជ័យក្នុងឆ្នាំទី១ ដែលមានការចូលរួមពីសិស្សានុសិស្សយ៉ាងច្រើន “រត់ដើម្បីសុខភាពសហគមន៍” ឆ្នាំទី២ ត្រូវបានធ្វើឡើងដើម្បីឆ្លើយតបនឹងការគាំទ្ររបស់សិស្សានុសិស្ស ដោយនៅវគ្គផ្តាច់ព្រ័ត្រឆ្នាំទី២នេះ មានបេក្ខភាពសិស្សានុសិស្សចូលរួមប្រកួតរត់ចម្ងាយចំនួន ៥០ នាក់ ដែលបានជម្រុះចេញពី បេក្ខភាពចុះឈ្មោះសរុប ១៦៦នាក់។

តាមរយៈកម្មវិធីប្រកួតរត់ចម្ងាយនេះ សិស្សានុសិស្សដែលទទួលជ័យលាភីចំនួន៦រូប​ នឹងទទួលបានរង្វាន់លើកទឹកចិត្ត រួមទាំងឱកាសទទួលបានទស្សនកិច្ចសិក្សា ពីខ្សែសង្វាក់ការងាររបស់ក្រុមការងារ នៅការិយាល័យកណ្តាល មណ្ឌលសន្និធិប្រេងឥន្ធនៈ និងស្ថានីយលក់រាយ របស់ ប៊ីវីអឹម ។ បន្ថែមពីនេះ  ពួកគេនឹងអាចចូលរួមក្នុងព្រឹត្តិការណ៍រត់ម៉ារ៉ាតុងអន្តរជាតិ “ទិវារត់ប្រណាំងម៉ារ៉ាតុងអន្តរជាតិចក្រភពអង្គរ” ដ៏មានកិត្យានុភាពដែលធ្វើឡើងនៅខេត្តសៀមរាបនៅថ្ងៃទី៣ សីហា ២០២៥ នេះ។

លោកស្រី មាស គន្ធា នាយិការង របស់ក្រុមហ៊ុនប្រេងឥន្ធនៈ ប៊ីវីអឹម បានមានប្រសាសន៍ថា “រត់ដើម្បីសុខភាពសហគមន៍” ត្រូវបានបង្កើតឡើងក្នុងគោលបំណងលើកទឹកចិត្ត និងកៀរគរសិស្សានុសិស្សចូលរួមលេងកីឡាតាមរយៈការប្រកួតរត់រយៈចម្ងាយ និងជាកម្មវិធីមួយស្ថិតក្រោមសកម្មភាពទំនួលខុសត្រូវសង្គម ‘បំពេញភាពប្រសើរ’ ដែលជាសកម្មភាពយ៉ាងសកម្មរបស់ ប៊ីវីអឹម ក្នុងការរួមចំណែកដល់ការជំរុញការផ្លាស់ប្តូរ និងការកែលម្អប្រកបដោយអត្ថន័យ និងភាពវិជ្ជមានសម្រាប់សហគមន៍ អ្នកដែលពាក់ព័ន្ធ និងសហគមន៍របស់យើង ដើម្បីកសាងអនាគតដ៏ត្រចះត្រចង់ ប្រកបដោយនិរន្តរភាពរួមគ្នា។”

លោកស្រី បានបន្តថា “ការប្តេជ្ញាចិត្តរបស់សិស្សានុសិស្សដែលបានចូលរួមប្រកួតយ៉ាងស្វិតស្វាញ ប្រៀបបាននឹងការប្តេជ្ញាចិត្តរបស់ ប៊ីវីអឹម ដូចគ្នាដែរ។ ពីមួយឆ្នាំទៅមួយឆ្នាំ ពួកយើងខិតខំរួមចំណែកដល់ទំនួលខុសត្រូវសង្គម ទៅតាមវិធីសាស្រ្តរបស់យើង ក្រោមរូបភាពនិងទម្រង់ផ្សេងៗគ្នា ប៉ុន្តែស្ថិតក្នុងអត្ថន័យតែមួយ គឹ ជម្រុញដល់សហគមន៍ និង អ្នកពាក់ព័ន្ធ ដើម្បីទទួលបាននូវភាពល្អប្រសើរ។”

តាមលោកស្រី មាស គន្ធា ទំនួលខុសត្រូវសង្គម តែងតែជាផ្នែកមួយនៃសកម្មភាព និងការធ្វើការងាររបស់ ប៊ីវីអឹម ព្រោះវាបានផ្សារភ្ជាប់យ៉ាងស៊ីជម្រៅជាមួយនឹងចក្ខុវិស័យរបស់ក្រុមហ៊ុន ដែលបង្ហាញពីការប្តេជ្ញាចិត្តក្នុងការបង្កើតផលវិជ្ជមាន និងនិរន្តរភាពដល់សង្គម និងភាគីពាក់ព័ន្ធទាំងអស់។ “ប៊ីវីអឹម មានមោទនភាព ជាក្រុមហ៊ុនឥន្ធនៈក្នុងស្រុកឈានមុខគេមួយ ក្នុងព្រះរាជាណាចក្រកម្ពុជា ដែលតែងតែខិតខំប្រឹងប្រែងក្នុងការពង្រីកខ្លួន បង្កើនបទពិសោធន៍ល្អៗ និងបម្រើសេវាកម្មប្រកបដោយស្នាមញញឹម ជូនអតិថិជន និងប្រជាពលរដ្ឋកម្ពុជាយើង ក្នុងនាមជាក្រុមហ៊ុន ម៉ាកយីហោកូនខ្មែរ។”

ក្រុមហ៊ុនប្រេងឥន្ធនៈ ប៊ីវីអឹម ជាក្រុមហ៊ុនប្រេងឥន្ធនៈក្នុងស្រុកឈានមុខមួយក្នុងការផ្គត់ផ្គង់ និងចែកចាយប្រេងឥន្ធនៈដែលមានគុណភាពខ្ពស់ និងទទួលបានទំនុកចិត្តពីអ្នកប្រើប្រាស់ក្នុងព្រះរាជាណាចក្រកម្ពុជាតាំងពីឆ្នាំ ២០០៨​។ ប៊ីវីអឹម ធ្វើការចែកចាយប្រេងឥន្ធនៈទៅ ២៥ ខេត្តក្រុងដោយផ្តល់នូវប្រេងឥន្ធនៈដែលមានគុណភាព បរិមាណត្រឹមត្រូវ ជាមួយនឹង​សេវាកម្មដឹកជញ្ជូនប្រកបដោយវិជ្ជាជីវៈ និងសុវត្ថិភាពខ្ពស់។ ប៊ីវីអឹម កំពុងពង្រីកសាខាស្ថានីយលក់រាយប្រេងឥន្ធនៈដើម្បីឆ្លើយតបនឹងតម្រូវការ និងការគាំទ្ររបស់អតិថិជនក្នុងព្រះរាជាណាចក្រកម្ពុជា។​

ទន្ទឹមនឹងនេះ ក្រុមហ៊ុនប្រេងឥន្ធនៈ ប៊ីវីអឹម ក៏កំពុងស្វែងរកដៃគូសហការ ឬសហគ្រិនដែលមានបំណងចង់វិនិយោគក្នុងអាជីវកម្មស្ថានីយលក់រាយប្រេងឥន្ធនៈ ដោយបើកស្ថានីយប្រេងស្តង់ដា ក្រោមស្លាកសញ្ញា ប៊ីវីអឹម ។ ជាមួយនឹងបទពិសោធន៍ជាច្រើនឆ្នាំ និងកេរ្តិ៍ឈ្មោះទទួលស្គាល់នៅក្នុងវិស័យនាំចូល ចែកចាយ និងបើកស្ថានីយលក់រាយប្រេងឥន្ធនៈ  ប៊ីវីអឹម នឹងផ្តល់ការគាំទ្រដល់សហគ្រិន និងម្ចាស់អាជីវកម្ម ក្នុងគ្រប់ជំហាននៃដំណាក់កាលឆ្ពោះទៅបង្កើត និងក្លាយជាម្ចាស់ស្ថានីយប្រេងឥន្ធនៈស្តង់ដាដែលទទួលស្គាល់ដោយអាជ្ញាធរពាក់ព័ន្ធ។

ប្រសិនបើលោកអ្នកមានចម្ងល់អំពីផលិតផល ឬមានបំណងចង់បោះជំហានចូលក្នុងអាជីវកម្មស្ថានីយលក់រាយប្រេងឥន្ធនៈ លោកអ្នកអាចធ្វើការទំនាក់ទំនងមកកាន់ពួកយើងឥឡូវនេះ តាមលេខផ្នែកសេវាជំនួយអតិថិជន 095 555 801​ ជារៀងរាល់ថ្ងៃ ពីម៉ោង ៧.៣០ព្រឹក ដល់ម៉ោង ៥ល្ងាច។​

The post ប៊ីវីអឹម​ បន្តសហការជាមួយ វិទ្យាល័យជាស៊ីមព្រែកអញ្ចាញ រៀបចំកម្មវិធី “រត់ដើម្បីសុខភាពសហគមន៍” ឆ្នាំទី២ appeared first on Kampuchea Thmey Daily.

MakMak មានន័យថា “ម៉ាក់ឬម៉ែ ឬម្តាយ ឬមាតា (ន)៖ ជាស្ត្រីឆ្នើម រឹងមាំ ផ្តល់អោយ ផ្តល់នូវក្តីស្រឡាញ់ និងហ៊ានលះបង់គ្រប់យ៉ាងដើម្បីកូន ។ MakMak ជាឈ្មោះដែលបញ្ជាក់ពីភាពយកចិត្តទុកដាក់ ការថែរក្សា និងសេចក្ដីស្រឡាញ់ដ៏ស្ងប់ស្ងាត់របស់ស្ត្រីគ្រប់រូបក្នុងគ្រួសារ។

MakMak គឺជាដៃគូរសម្ងាត់របស់ស្រ្តីមេផ្ទះ ហើយលក្ខណពិសេសរបស់សាប៊ូ និងទឹកក្រអូបបោកសំលៀកបំពាក់ MakMak គឺ៖

• សម្អាតលឿន
• លុបស្នាមប្រឡាក់ ដិតជ្រៅបានខ្លាំង
• ការពាររក្សាក្រណាត់ និងមិនធំក្លិនផ្អួរ
• រក្សាក្លិនក្រអូបបានយូររហូតដល់ ១៥ថ្ងៃ

ចង់ជួបរបស់ពិត ជាមួយការផ្តល់ជូនពិសេស សូមអញ្ជើញចូលរួម និងទស្សនាពិពណ៌កម្សាន្តកូនក្មេងស្តង់លេខ ៩៣និង៩៤ នៅសាលពិពណ៌កោះពេជ្រ ពីថ្ងៃទី ១៨ ដល់ ២០ កក្កដា ២០២៥ នេះ!

អ្វីដែលធ្វើឲ្យ សាប៊ូ និងទឹកក្រអូបបោកសំលៀកបំពាក់ MakMak លេចធ្លោគឺមិនត្រឹមតែរូបរាងប្រណិត គុណភាពស្តង់ដា និងមានរូបមន្តពីប្រទេសបារាំងនោះទេ ប៉ុន្តែវាជាផលិតផលខ្មែរ ១០០% — ចាប់ពីការស្រាវជ្រាវ រហូតដល់ការផលិត រួមជាមួយនឹងស្តង់ដារនៃការវេចខ្ចប់។ បើផ្អែកទៅលើគុណតម្លៃទាំងអស់នេះ ផលិតផលខ្មែរក៏អាចមានគុណភាពថ្នាក់អន្តរជាតិផងដែរ។

ទស្សនាវីដេអូសាប៊ូ និងទឹកក្រអូប MakMak៖ https://www.facebook.com/share/v/19NFw3rEPp/

នៅពីក្រោយគ្រួសារដែលរឹងមាំ គឺមានជំនួយការសម្ងាត់ម្នាក់ ។ MakMak – ជំនួយការសម្ងាត់សម្រាប់ស្ត្រីមេផ្ទះ ។ គុណភាពគ្រប់តំណក់ក្នុងដបតែមួយ ប្រសិទ្ធភាពបរិបូរណ៍ ផលិតដោយកម្ពុជា ដើម្បើកម្ពុជា!

សាប៊ូ និងទឹកក្រអូបបោកសំលៀកបំពាក់  MakMak  ចែកចាយដោយក្រុមហ៊ុន R.B.T.S Trading Co. LTD.

សម្រាប់ព័ត៌មានបន្ថែម សូមទំនាក់ទំនង៖
016 215 215 / 069 215 217
Telegram: t.me/makmakbrands
Facebook: facebook.com/makmakbrands

The post សាប៊ូ និងទឹកក្រអូប MakMak ផលិតផលប្រណិតរបស់កម្ពុជា បង្កើតដោយខ្មែរ មានវត្តមានដំបូងនៅសាលពិពណ៌កម្សាន្តកូនក្មេងកោះពេជ្រ appeared first on Kampuchea Thmey Daily.