តាមប្រតិទិនចន្ទគតិ រាសីគោ ធ្លាក់ចុះបន្តិចនៅសប្ដាហ៍ទី២ (ថ្ងៃទី៧-១៣) នៃខែសភា ឆ្នាំ២០២២ ប៉ុន្តែមិនប៉ះពាល់ដល់ទ្រព្យសម្បត្តិធំដុំនោះទេ។ យ៉ាងណាមិញ អំឡុងពេលនេះចូរយកចិត្តទុកដាក់លើមនុស្សជុំវិញខ្លួនឲ្យបានច្រើន មិនគួរបញ្ចេញទិន្នន័យគម្រោងទៅអ្នកដទៃ សូម្បីតែមិត្តល្អក៏ដោយ។

នៅពេលប្រាស្រ័យទាក់ទងជាមួយអ្នកដទៃ គួរតែយកចិត្តទុកដាក់លើពាក្យសម្ដីដែលត្រូវប្រើប្រាស់ ចៀសវាងកំហុស​អចេតនានាំ​ឱ្យ​ភាគី​ម្ខាង​ទៀត​យល់​ខុស និង​ប្រព្រឹត្ត​ខុស។

នៅសប្ដាហ៍នេះ រាសីឆ្នាំ «ឆ្លូវ» ផ្អែកតាមក្បួនទស្សន៍ទាយ ជីវិតហត់នឿយច្រើន ទាមទារការតស៊ូខ្ពស់ និងខិតខំប្រឹងប្រែងខ្លាំងណាស់។ វាសនាមនុស្សឆ្នាំ «ឆ្លូវ» ​មិនទទួលបានអ្វី​ងាយៗ​​ទេ គ្រប់យ៉ាងដែលចង់បានក៏មិនសូវសមបំណង។ មិនថាអាជីព ឬរបររកស៊ីភាគច្រើនមិនសូវមានសក្តានុពលផ្នែកហិរញ្ញវត្ថុ។

ចំពោះអ្នកធ្វើការ​ឬមានជំនួញផ្ទាល់ខ្លួន ឬជាថ្នាក់ដឹកនាំចូរចាកចេញពីទីក្រុងទៅទីជនបទ ដើម្បីទទួលបានភាពស្ងប់ស្ងាត់ផ្នែកជីវិតឯកជនខ្លះ ពុំនោះទេ បញ្ហាការងារនិងគ្រួសារ អាចរួមរឹតកាន់តែតឹង ឈានដល់កើតជំងឺផ្លូវចិត្ត។

ចំពោះស្នេហា វាជាពេលវេលាមិនអំណោយផលសម្រាប់បង្កើតទំនាក់ទំនងនោះទេ។

ថ្វីត្បិតជីវិតហត់នឿយ ដូចនៅទីលានប្រណាំង ប៉ុន្តែបើនៅតែក្រាញននៀលមិនព្រមបោះបង់ អ្វីៗនឹងល្អប្រសើរឡើងវិញ៕

អត្ថបទ៖ សន្យា