យល់សប្តិឃើញត្រី អត្ថន័យទាំង១១នេះនឹងបញ្ចាក់ការពិតឲ្យអ្នកបានដឹងច្បាស់

គេងយល់សប្តិឃើញត្រី ផ្អែកតាមការការបកស្រាយពីបុរាណកាលបាននិយាយថា ត្រីនឹងនាំមកនូវសំណាងល្អ មាន​លក្ខណៈ​សម្បត្តិ​ទទួល​បាន​លាភ​សំណាង បើ​ធ្វើ​ជំនួញ​នឹង​ទទួល​បាន​ប្រាក់​ចំណេញ​ច្រើន​ មិនថាប្រកបកិច្ចការងារអ្វីក៏ដោយ នោះ​​លាភ​សំណាងនឹងហូរចូលមកជាក់ជាមិនខានឡើយ​។

ជាពិសេសថែមទៀតនោះ ជីវិតរបស់លោកអ្នកនឹងមានការផ្លាស់ប្តូរធំសម្រាប់ភាពល្អប្រសើរក្នុងការងារ មានឪកាសឈានទៅមុខ មានការឡើងតំណែង ការឡើងឋានៈ ដែលនឹងធ្វើឲ្យអ្នកសប្បាយចិត្ត។ ជីវិតក្នុងអំឡុងពេលនេះនឹងមានតែរឿងល្អៗចូលមកឥតឈប់ឈរ។

សុបិនឃើញត្រី១ ឬឃើញត្រី២ក្បាល

មិនថាលោកអ្នកគេងយល់សប្តិឃើញត្រីមួយឬ២ក្បាលនៅនឹងមុខទេ យោងតាមបកស្រាយបានបញ្ចាក់ថា អំឡុងពេលនេះ ជីវិតអ្នកមានសក្ដានុពល ទទួលបាននូវសំណាងល្អពីរបស់អ្វីម្យ៉ាងដែលកំពុងតែផ្សង។ អ្នកប្រកការងារក្នុងអូហ្វីសនឹងទទួលបាននូវជោគជ័យក្នុងភារកិច្ចការងារពីមេកោយ។ ប្រសិនបើជាស្ត្រីមានផ្ទៃពោះ អ្នកនឹងមានកូនប្រុស-ស្រី ដែលឆ្លាតវៃនិងមានភាពរហ័សរហួនពីកំណើត។ បើអ្នកជាបុរសដែលមានគ្រួសារ អ្នកត្រូវតែប្រយ័ត្នចំពោះភាគីទីបីចូលមកក្នុងជីវិត ដែលលអាចជាមនុស្សមានកលល្បិចចូលមកបំបែកសុភមង្គលរបស់អ្នក។

សុបិនឃើញត្រីជាច្រើន

សុបិនឃើញត្រីជាច្រើន ផ្អែកតាមការបកស្រាយមានអទ្ថន័យថា អ្នកមានសក្ដានុពល ទទួលបានលាភធំ។ មិនថាអ្នកគិតយ៉ាងណា ឬសង្ឃឹមអ្វី ឆាប់នេះអ្នកនឹងទទួលបានដូចបំណងប្រាថ្នាជាក់ជាមិនខានឡើយ។ ប្រសិនបើអ្នកជាពាណិជ្ជករ អ្នកលក់ដូរ នោះផលចំណេញនិងភ្ញៀវចេញចូលហាងឥតដាច់សូរទេ។ ចំពោះបញ្ហាហិរញ្ញវត្ថុសូមកុំព្រួយបារម្ភ វានឹងប្រសើរឡើងក្នុងពេលឆាប់ៗនេះ។ ប្រសិនបើវានៅតែពិបាក សូមអត់ធ្មត់ ហើយព្យាយាមបន្តិចទៀតនោះជីវិតនឹងកាន់តែប្រសើរឡើងជាក់ជាមិនខាន។

សុបិនឃើញត្រីធំនៅចំពោះមុខ

សុបិនឃើញត្រីធំមានអត្ថន័យថា ចំពោះមនុស្សនៅលីវនឹងជួបមនុស្សដែលខ្លួនពេញចិត្ត។ លើសពីនេះ អ្នកនឹងមានឱកាស​ទទួលបាន​លាភ​សំណាង ទទួលបាន​ទ្រព្យសម្បត្តិ ឬ​វត្ថុ​ដែល​ចូលចិត្ត​ច្រើន​។ វាជាសុបិនល្អមួយដែលកម្រនឹងមានអ្នកណាម្នាក់គេងយល់សប្តិណាស់។

សុបិនឃើញត្រីមាស

គេងយល់សប្តិឃើញត្រី​មាស មានន័យ​ថា​អ្នក​នឹង​ក្លាយជា​អ្នកមាន មាន​លុយ​ចូល​មក​ក្នុង​ន័យ​នាំ​លាភ​សំណាង។ ប៉ុន្តែវាអាស្រ័យល់ការព្យាយាមរបស់លោកអ្នកក្នុងជីវិតខាងក្រោយដែរ។ ការតស៊ូ នឹងមកនូវជ័យជម្នះដល់យើងមិនខានឡើយ។

សុបិនឃើញត្រីដ៏ស្រស់ស្អាត

សុបិន​ឃើញ​ត្រី​ស្អាតមិនដូចត្រីផ្សេងដែលយើងធ្លាប់ជួបកន្លង យោងតាមការទស្សន៍ទាយបញ្ចាក់​ថា​ អ្នកនឹង​ធ្វើ​ដំណើរ​ទៅ​ស្វែងរក​លាភ​សំណាង​នៅ​កន្លែង​ដែល​អ្នក​មិន​ធ្លាប់​ទៅ។ ជីវិតនាពេលនេះនឹងជួបតែសំណាងល្អក្នុងការធ្វើដំណើរ ប៉ុន្តែត្រូវប្រយ័ត្ន មនុស្សវ័យក្មេងនាំមកនូវបញ្ហាដល់អ្នក។

សុបិនឃើញត្រីផ្ទក់

ត្រីផ្ទក់ក្នុងសុបិនតំណាងឲ្យមនុស្សមានចិត្តសប្បុរសជួយឧបត្ថម្ភ ឬគាំទ្រ រួមទាំងលទ្ធភាពនៃការទទួលបានសំណាងក្នុងទម្រង់ជាឧបករណ៍ដែលទាក់ទងនឹងការកាន់កាប់ផ្ទាល់ខ្លួនណាមួយ។ ក្នុងពេលនេះបើអ្នកមានបំណង ឬចង់ធ្វើអី្វនឹងមានមនុស្សតាមជួយតាមថែរក្សាមិនឲ្យមានបញ្ហាចូលមកទេ។

សុបិនឃើញឆ្អឹងត្រី

ការបកស្រាយសុបិនឃើញឆ្អឹងត្រី ជាអត្ថន័ឲ្យអ្នកប្រឹងតស៊ូនឹងជីវិត បើនាពេលនេះអ្នកកំពុងធ្វើអ្វីក៏ដោយ អ្នកអាចជួបប្រទះឧបសគ្គ។ ប៉ុន្តែនៅទីបញ្ចប់ អ្នកនឹងតស៊ូរហូតដល់ឆ្លងកាត់វាបានយ៉ាងប្រសើរ។

សុបិន​ឃើញ​ត្រី​តែ​ចាប់​មិន​បាន

យល់សប្តិឃើញត្រី តែចាប់មិនកើត វាជាអត្ថន័យចង់ឲ្យយើងត្រូវតែប្រុងប្រយ័ត្ន មិនថាជាការរស់នៅ​ ដេក ដើរឬឈរទេ ព្រោះ​អាច​មាន​គ្រោះថ្នាក់​ដល់​ខ្លួនឯង ឬ​សាច់ញាតិ​ចាស់ជរា ឪពុកម្តាយ​។ ក្នុងពេលនេះ អ្នកអាចមានតម្រូវការភ្លាមៗសម្រាប់ការធ្វើដំណើរឆ្ងាយ ដូច្នេះសូមថែរក្សាខ្លួនឲ្យបានល្អ។

សុបិនចង់ចាប់ត្រី

សុបិនឃើញត្រី ការបកស្រាយសុបិន្តថានឹងមានការផ្លាស់ប្តូរធំ និងក្នុងទិសដៅកាន់តែប្រសើរ ទាំងការងារ និងហិរញ្ញវត្ថុ អ្វីក៏ដោយដែលអ្នកសង្ឃឹមនឹងក្លាយជាការពិត ក៏ដូចជាត្រូវបានលើកកម្ពស់ ការផ្សព្វផ្សាយ ធ្វើឲ្យជីវិតរីករាយ និង​មាន​ភាព​សម្បូរ​បែប​បន្ថែម​ទៀត។

សុបិនចង់ចាប់អន្ទង់

ឃើញអន្ទង់ក្នុងក្ដីសុបិន ការបកស្រាយមានន័យថា អំឡុងពេលនេះអ្នកនឹងអាចត្រូវផ្ទេរការងារពីកន្លែងចាស់ទៅថ្មី ឬមានជីវិតផ្ទុយស្រឡះខុសការគិតបន្តិច។ សូមប្រយ័ត្នចំពោះសេចក្តីស្រឡាញ់ និងការរួបរួមជាមួយអ្នកជិតស្និទ្ធ ពេលខ្លះដោយសារ​រឿង​មិន​ទាក់ទងនឹងខ្លួនសោះ ក៏មានបញ្ហាល្អកករបានដែរ។ ពេលនេះ សូមកុំប្រថុយប្រថានលើបញ្ហាមិនច្បាស់លាស់ណាមួយឲ្យសោះ ព្រោះ​អាច​នាំ​ឲ្យ​មាន​ភាព​វឹកវរ​ដល់​គ្រួសារ។

សុបិនចង់ចាប់ត្រីគល់រាំង

សុបិនឃើញត្រីគល់រាំង ការបកស្រាយសុបិនថា​ អ្នកនឹងទទួលបានទ្រព្យសម្បត្តិចំនួន២ខុសគ្នា ទីមួយជាវត្ថុមានជីវិតដូចជាកូនក្មេង ឬសត្វចិញ្ចឹម។ ទីពីរ អាចជាលាភលុយកាក់ផ្នែកទ្រព្យធន ដែលកំពុងតែប្រឹងរកកន្លងមកវានឹងហុចផលឲ្យអ្នកនាពេលខាងមុខ៕

គ្រូ ណុប

ចុចអាន៖សុបិន ១០ប្រភេទ បញ្ចាក់អត្ថន័យក្នុងជីវិតពិត គួរកុំព្រងើយកន្តើយ