​កម្ពុជា ​ដឹក​កសិផល​ជើង​ដំបូង​ឆ្លងកាត់តាម​ប្រទេស​ឡាវ​ ទៅ​ទីផ្សារ​ចិន​

កម្ពុជា​​អាច​ដឹក​កសិផលឆ្លងកាត់តាមប្រទេសឡាវ​ទៅទីផ្សារចិន បន្ទាប់ពីពិធីសម្ពោធជាផ្លូវការនៃការ បានធ្វើឡើងកាលពីថ្ងៃទី ២២ ខែមិថុនា ២០២៦ ក្រោមវត្តមានរដ្ឋមន្ត្រីកសិកម្មកម្ពុជា-ឡាវ និងតំណាងក្រុមហ៊ុនរបស់កម្ពុជាចំនួន ៣០។

​សមិទ្ធផលដ៏ធំធេងនេះ ​គឺកើតចេញពីកិច្ចខិតខំប្រឹងប្រែង ​និង​ការចរចាយ៉ាងសកម្មកន្លងមក​ពីសំ​ណាក់​ថ្នាក់ដឹកនាំ ​និង​មន្ត្រីជំនាញនៃក្រសួងកសិកម្ម កម្ពុជា-ឡាវ​ ដើម្បីបើកផ្លូវ និងសម្របសម្រួល​នីតិវិធីនានា ក្នុងការ​បើកច្រកថ្មីសម្រាប់ការដឹកជញ្ជូនឆ្លងកាត់កសិផលខ្មែរចំនួន ៦ មុខទៅ​កាន់ទី​ផ្សារ​ចិន ​ដែលរួមមានចេក ស្វាយ អង្ករ មៀនប៉ៃលិន ម្សៅដំឡូងមី និង​ទុរេន។

​លោក ​ឃឹម ​ហ្វីណង់ អ្នកនាំពាក្យក្រសួងកសិកម្ម ​មានប្រសាសន៍ថា ​កម្ពុជា​នាំចេញទុរេន ៤ កុងតឺន័រ ​ដើម្បីអបអរសាទរនូវការ​សម្ពោធច្រកថ្មីរបស់កម្ពុជា ​ដែល​នឹងធ្វើឱ្យយើងចំណេញ​រយៈពេល​ដឹកជញ្ជូន​ ដែលជាធម្មតា ​ចំណាយពេលពី ​១៥ ទៅ ២០ ថ្ងៃ​ គឺយើងអាចបង្រួញ​មកត្រឹមតែ​មួយសប្ដាហ៍។​

​លោក ​ឃឹម ​ហ្វីណង់ ​បន្ថែម​ថា ​នេះ​សញ្ញាវិជ្ជមាន ​និង​ជា​កាលានុវត្តភាពថ្មីសន្លាង​សម្រាប់បងប្អូន​កសិករ ​ក៏ដូចជាម្ចាស់អាជីវកម្មក្នុងវិស័យ​កសិកម្មនៅ​កម្ពុជា ​ក្នុងការចាប់យកឱកាស និងពង្រីក​សក្តានុពលកសិផលខ្មែរនៅលើទីផ្សារអន្តរជាតិ៕