Connect with us

សេដ្ឋកិច្ច

ការនាំចេញរបស់ ជប៉ុន កើនឡើងលើសការរំពឹងទុក ​

បានផុស

នៅ

ការនាំចេញរបស់ប្រទេសជប៉ុនបានកើនឡើងលើសពីការរំពឹងទុកនៅក្នុងខែមករា ដោយសារតែការនាំចេញរថយន្ត និងគ្រឿងបន្លាស់រថយន្ត និងតម្រូវការរបស់ចិននូវឧបករណ៍ផលិតបន្ទះឈីប បើទោះបីជាវិស័យរោងចក្រជប៉ុនកាន់តែអាក្រក់និងនាំឲ្យមានការធ្លាក់ចុះសេដ្ឋកិច្ចក៏ដោយ ។ នេះបើយោងតាមការចេញផ្សាយរបស់សារពត៌មាន CNA​ នៅថ្ងៃទី២១ ខែកុម្ភៈនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមទិន្នន័យរបស់ក្រសួងហិរញ្ញវត្ថុដែលចេញផ្សាយនៅថ្ងៃពុធនេះបានបង្ហាញថា ការនាំចេញរបស់ប្រទេសជប៉ុនបានកើនឡើង ១១.៩ ភាគរយនៅក្នុងខែមករា បើធៀបនឹងរយៈពេលដូចគ្នាកាលពីឆ្នាំមុន ពោលលើសពីការរំពឹងទុក ៩.៥ ភាគរយ ខណៈការនាំចេញរហ័សអាចបន្ធូរបន្ថយក្ដីព្រួយបារម្ភមួយចំនួនអំពីការធ្លាក់ចុះសេដ្ឋកិច្ចបន្ថែមទៀត ។ ទន្ទឹមនឹងនេះដែរ ប្រាក់យ៉េនដែលកំពុងធ្លាក់ចុះ ទំនងជាបានដើរតួនាទីយ៉ាងសំខាន់ក្នុងការលើកតម្លៃនៃការនាំចេញផងដែរ ។

ទោះជាយ៉ាងណាក៏ដោយ ទិន្នន័យធ្លាក់ចុះនាពេលថ្មីៗនេះបានធ្វើឲ្យមានការព្រួយបារម្ភថា ក្រុមហ៊ុនជប៉ុនអាចនឹងមានការស្ទាក់ស្ទើរក្នុងការបង្កើនប្រាក់ឈ្នួលឲ្យបានគ្រប់គ្រាន់ដើម្បីសម្រេចបាននូវអតិផរណានៅថេរ និងនៅទប់ទល់ភាពជាប់គាំងក្នុងបរិត្តផរណា ខណៈប្រទេសនេះបានធ្លាក់ចូលទៅក្នុងវិបត្តិសេដ្ឋកិច្ចទាំងមិនបានរំពឹងទុកនៅក្នុងត្រីមាសទី ៤ ហើយបានបាត់បង់តំណែងជាប្រទេសដែលមានសេដ្ឋកិច្ចធំជាងគេទីបីរបស់ពិភពលោកទៅឲ្យប្រទេសអាល្លឺម៉ង់ ។

គួរបញ្ជាក់ថា ចំណែកការនាំចូលរបស់ជប៉ុនបានធ្លាក់ចុះ ៩.៦ ភាគរយ ហើយបើធៀបនឹងការប៉ាន់ប្រមាណជាមធ្យមថយចុះ ៨.៤ ភាគរយ ខណៈតុល្យភាពពាណិជ្ជកម្មបានឈានដល់ឱនភាពចំនួន ១,៧៥៨ ពាន់ពាន់លានយ៉េនដែលស្មើនឹង​១១,៧៣ ពាន់លានដុល្លារ ធៀបនឹងការប៉ាន់ប្រមាណជាមធ្យមសម្រាប់ឱនភាពចំនួន ១,៩២៦ ពាន់ពាន់លានយ៉េន ៕

អត្ថបទ ៖ ប៊ុន សុភាព

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម