សេដ្ឋកិច្ច

ថៃបង្កើនធនធានមនុស្សលើវិស័យបន្ទះឈីប ដើម្បីទាក់ទាញការវិនិយោគបរទេសនាពេលអនាគត

បានផុស

១ year មុន

នៅ

ថ្ងៃពុធ ១២ មិថុនា ២០២៤

ដោយ

ឧបនាយករដ្ឋមន្ត្រី និងជារដ្ឋមន្ត្រីក្រសួងហិរញ្ញវត្ថុថៃ លោក Pichai Chunhavajira បានឱ្យដឹងកាលពីថ្ងៃចន្ទថា រដ្ឋាភិបាលថៃគ្រោងនឹងបង្កើតក្រុមប្រឹក្សាភិបាលបន្ទះឈីបជាតិ ដើម្បីកំណត់យុទ្ធសាស្រ្តវិនិយោគ និងអភិវឌ្ឍន៍សម្រាប់ឧស្សាហកម្មដ៏សំខាន់នេះ។ នេះបើតាមការចុះផ្សាយរបស់កាសែត The Nation ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្រោយកិច្ចប្រជុំរដ្ឋមន្ត្រីសេដ្ឋកិច្ចជាមួយលោកនាយករដ្ឋមន្ត្រី សេដ្ឋា ថាវីស៊ីន លោក Pichai បាននិយាយថា ការបង្កើតក្រុមប្រឹក្សាភិបាលបន្ទះឈីប នឹងជួយទាក់ទាញការវិនិយោគបរទេស និងជំរុញការពង្រីកសេដ្ឋកិច្ចរបស់ប្រទេសថៃ ឱ្យសម្រេចបាននូវគោលដៅកំណើន ៥ ភាគរយជារៀងរាល់ឆ្នាំ។

លោកបានបន្ថែមថា ថៃបានដើរយឺតជាងប្រទេសផ្សេងទៀតក្នុងតំបន់រួចទៅហើយក្នុងការមានគណៈកម្មាធិការជាតិ ដែលផ្ដោតលើឧស្សាហកម្មបន្ទះឈីប ដែលជាវិស័យសំខាន់សម្រាប់ផែនការវិនិយោគនាពេលអនាគតរបស់ប្រទេស។

ឧបនាយករដ្ឋមន្ត្រីដដែល បានលើកឡើងថា កិច្ចប្រជុំនៅថ្ងៃចន្ទ ក៏បានពិភាក្សាអំពីកង្វល់របស់អ្នកវិនិយោគ និងសហគ្រិនបរទេសទាក់ទងនឹងកង្វះជំនាញកម្រិតខ្ពស់ក្នុងចំណោមពលករថៃ។

លោកថា កិច្ចប្រជុំបានស្នើឱ្យសហការជាមួយរោងចក្រ និងសាកលវិទ្យាល័យនានានៅកោះតៃវ៉ាន់ ដើម្បីបញ្ជូននិស្សិតថៃទៅបណ្តុះបណ្តាល និងពង្រឹងជំនាញអេឡិចត្រូនិករបស់ពួកគេ ដូច្នេះពួកគេអាចបំពេញតម្រូវការទីផ្សារបានភ្លាមៗក្រោយបញ្ចប់ការសិក្សា៕

Related Topics: