ព័ត៌មានអន្ដរជាតិ
ទីផ្សារពាណិជ្ជកម្មកើនឡើង ដោយសារវិនិយោគិនមានទំនោរជឿថា ត្រាំ អាចឈ្នះការបោះឆ្នោត
វិនិយោគិនពីជុំវិញពិភពលោកកំពុងផ្ដោតការយកចិត្តទុកដាក់លើលទ្ធផលនៃការបោះឆ្នោតប្រធានាធិបតីអាមេរិក ជាពិសេសនៅបណ្ដារដ្ឋប្រទាញប្រទង់ ខណៈតម្លៃឧបករណ៍ «ពាណិជ្ជកម្ម ត្រាំ» មួយចំនួនបានកើនឡើង ក្រោមក្ដីរំពឹងថាលោក ដូណាល់ ត្រាំ នៃគណបក្សសាធារណៈរដ្ឋ អាចនឹងឈ្នះការបោះឆ្នោតសារជាថ្មី។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។
ទីផ្សារភាគហ៊ុនរបស់សហរដ្ឋអាមេរិក ប្រាក់ដុល្លារ ទិន្នផលប័ណ្ណរតនាគារ ក៏ដូចជាគ្រីបតូ បានកើនឡើង ដែលបង្ហាញថា អ្នកវិនិយោគិនមានទំនោរជឿថា លោក ត្រាំ អាចនឹងឈ្នះការបោះឆ្នោត ជាជាងលោកស្រីអនុប្រធានាធិបតី ខាម៉ាឡា ហារីស របស់គណបក្សប្រជាធិបតេយ្យ ទោះបីជាលទ្ធផលយ៉ាងណាមិនទាន់អាចកំណត់បាននៅឡើយក្ដី។ ទីផ្សារភាគហ៊ុន គ្រីបតូ ក៏ដូចជាមូលបត្រ ត្រូវបានគេចាត់ទុកថាជា «ពាណិជ្ជកម្ម ត្រាំ» ដែលគេសំដៅលើឧបករណ៍ពាណិជ្ជកម្ម ដែលអាចទទួលបានផលចំណេញ ប្រសិនបើ ត្រាំ ឈ្នះឆ្នោត។
ពេលបញ្ចប់ការជួញដូរកាលពីថ្ងៃអង្គារ (ម៉ោងក្នុងស្រុកអាមេរិក) ផ្សារហ៊ុន S&P 500 បានកើនឡើងប្រមាណ ១,២ ភាគរយ, Nasdaq កើន ១,៣ ភាគរយ ក៏ដូចជា Dow កើនឡើង ១ ភាគរយ រួចជាមួយកំណើនរបស់ផ្សារភាគហ៊ុនផ្សេងៗទៀត។ នៅក្នុងទីផ្សាររូបិយប័ណ្ណ សន្ទស្សន៍តម្លៃប្រាក់ដុល្លារ បានកើនឡើង ១,៥ ភាគរយ។
លុយគ្រីបតូ ក៏បានកើនឡើងកាលពីថ្ងៃអង្គារផងដែរ ដោយកាក់ ប៊ីតខញ (Bitcoin) បានកើនលើស ៧៤ ០០០ ដុល្លារ ដែលជាកម្រិតខ្ពស់បំផុតក្នុងប្រវត្តិសាស្រ្ត។ នាពេលកន្លងមក លោក ត្រាំ បានសម្តែងការគាំទ្ររបស់លោកចំពោះលុយគ្រីបតូ ដែលជាហេតុធ្វើឱ្យប៊ីតខញ និងគ្រីបតូ ផ្សេងទៀតឡើងថ្លៃនាពេលនេះ។
ទិន្នផលប័ណ្ណរតនាគាររយៈពេល ១០ ឆ្នាំ បានកើនឡើងដល់កម្រិតខ្ពស់ក្នុងរយៈពេល ៤ ខែ ដល់ប្រមាណ ៤,៤៤៣ ភាគរយ ពិ ៤,២៧៩ ភាគរយ។
គួរគូសបញ្ជាក់ថា វិស័យនៃទីផ្សារអាចឡើងឬចុះខុសគ្នា ដោយផ្អែកលើបេក្ខជននាំមុខក្នុងលទ្ធផលបោះឆ្នោត រាល់ពេលនៃការបោះឆ្នោតប្រធានាធិបតី។ ការនាំមុខលើរបស់ លោកស្រី ហារីស អាចជំរុញឱ្យមានការកើនឡើងនៃទីផ្សារថាមពលបៃតង និងផ្សារភាគហ៊ុននៃផលិតកម្ម ព្រោះគោលនយោបាយរបស់លោកស្រីជំរុញឱ្យមានការចំណាយច្រើន លើហេដ្ឋារចនាសម្ព័ន្ធ ថាមពលស្អាត និងកម្មវិធីសង្គម។
អ្នកវិភាគលើកឡើងថា ការនាំមុខរបស់ លោក ត្រាំ នឹងអនុគ្រោះដល់វិស័យថាមពល ហិរញ្ញវត្ថុ និងឧស្សាហកម្ម ដោយអ្នកវិនិយោគរំពឹងថានឹងបន្តកាត់បន្ថយពន្ធ និងជំហរបទប្បញ្ញត្តិក្នុងស្រុកដែលធូរស្រាលជាដើម៕
កាយឫទ្ធិនារីកម្ពុជា ធ្វើពិធីសច្ចាបញ្ចូលសមាជិកថ្មីលើកទី៣៣ ចំនួន៣៨៤រូប នៅសាខាខេត្តកំពត
អាហារដ្ឋាន យីហោ “ពេជ្រ ចរណៃ” ត្រូវបានអណ្តាតភ្លើងលេបត្របាក់ អស់សម្ភារៈខាងក្នុងស្ទើរទាំងស្រុង
គណបក្ស Bhumjaithai ដកខ្លួនចេញពីរដ្ឋាភិបាលចម្រុះដឹកនាំដោយបក្សភឿថៃ
ជិះម៉ូតូឌុបប្រពន្ធទៅពិនិត្យផ្ទៃពោះជួបគ្រោះថ្នាក់ចរាចរណ៍ស្លាប់ប្តី ប្រពន្ធរបួសស្រាល
អាជ្ញាធរសង្កាត់ភ្នំពេញថ្មី ថាមិនចង់ឃើញអំពើជួញដូរផ្លូវភេទលើកុមារ កើតឡើងក្នុងសហគមន៍ខ្លួនឡើយ
យន្តហោះចម្បាំងអាមេរិក ចាកចេញពីមូលដ្ឋាននៅអង់គ្លេសហើយ ដើម្បីទៅជួយអ៊ីស្រាអែល ប្រយុទ្ធជាមួយអ៊ីរ៉ង់
ឆ្ងល់អត់ ហេតុអ្វីមីស៊ីលភាគច្រើនត្រូវបានបាញ់នៅពេលយប់ជាជាងពេលថ្ងៃ ក្នុងអំឡុងពេលសង្គ្រាម?
ការរុះរើគណៈរដ្ឋមន្ត្រីថៃ គ្រោងធ្វើនៅថ្ងៃសុក្រ រដ្ឋាភិបាលចម្រុះថៃអាចជាប់គាំងជាថ្មី
មហាជនប្រមាណ១៥ម៉ឺននាក់ ចូលរួមដើរថ្មើរជើង បង្ហាញការរួមគ្នាជាធ្លុងមួយ គាំទ្ររដ្ឋាភិបាល និងកងទ័ពជួរមុខ
គណបក្ស Bhumjaithai ដកខ្លួនចេញពីរដ្ឋាភិបាលចម្រុះដឹកនាំដោយបក្សភឿថៃ
-
ព័ត៌មានអន្ដរជាតិ១ សប្តាហ៍ agoសេដ្ឋវិទូ៖ សេដ្ឋកិច្ចថៃប្រឈមហានិភ័យធ្លាក់ចូលក្នុងវិបត្តិបរិត្តផរណា
-
នយោបាយ៦ ថ្ងៃ agoរយៈពេលមិនដល់១២ម៉ោងកម្ពុជាទះថៃ៣កំផ្លៀង
-
ព័ត៌មានអន្ដរជាតិ២ ថ្ងៃ agoអ៊ីរ៉ង់ ថា ប៉ាគីស្ថាន ចេញមុខធានាទម្លាក់គ្រាប់បែកនុយក្លេអ៊ែរ លើអ៊ីស្រាអែល ក្នុងលក្ខខណ្ឌមួយ
-
ព័ត៌មានអន្ដរជាតិ៦ ថ្ងៃ agoBreaking News! អ៊ីស្រាអែល វាយប្រហារអ៊ីរ៉ង់ហើយ! សង្គ្រាមធំអាចផ្ទុះឡើង
-
ព័ត៌មានជាតិ១ សប្តាហ៍ agoកម្ពុជា នឹងទទួលរងឥទ្ធិពលព្យុះទី១ ចាប់ពីថ្ងៃនេះ ដល់ថ្ងៃទី១៣មិថុនា
-
ព័ត៌មានអន្ដរជាតិ៦ ថ្ងៃ agoមហាសំណាង! មនុស្សម្នាក់គត់នៅរស់ពីការធ្លាក់យន្តហោះឥណ្ឌា ដោយសារលោតចុះតាមច្រកចេញអាសន្ន
-
នយោបាយ៦ ថ្ងៃ agoសម្ដេចតេជោប្រាប់ទៅរដ្ឋាភិបាលត្រៀមផ្ទុះអាវុធគ្រប់ពេលដែលថៃឈ្លានពាន
-
ព័ត៌មានអន្ដរជាតិ៣ ថ្ងៃ agoអ្នកស្លាប់និងរបួសនៅអ៊ីស្រាអែលកើនឡើងយ៉ាងគំហុក ខណៈអ៊ីរ៉ង់បាញ់ស្រោចមីស៊ីល