Connect with us

ព័ត៌មានជាតិ

សមាគមធុរកិច្ចធំៗ​ពីរចាប់ដៃគ្នាដើម្បីលើកកម្ពស់​វិស័យ GFT និងភស្តុភារកម្មនៅកម្ពុជា

បានផុស

នៅ

សមាគមវាយនភណ្ឌ សម្លៀកបំពាក់ ស្បែកជើង និងផលិតផលធ្វើដំណើរនៅកម្ពុជា (TAFTAC) និងសមាគមភស្តុភារកម្មកម្ពុជា (CLA) សហការគ្នាដើម្បីកសាងបរិយាកាសធុរកិច្ចប្រកបដោយនិរន្តរភាព សម្រួលពាណិជ្ជកម្ម និងការដឹកជញ្ជូន និងគាំទ្រដល់ការអភិវឌ្ឍធនធានមនុស្សក្នុងវិស័យសម្លៀកបំពាក់កាត់ដេរ វាយនភ័ណ្ឌ ស្បែកជើង និងផលិតផលសម្រាប់អ្នកដំណើរ(GFT) ជាពិសេសដើម្បីរួមចំណែកដល់ការលើកកម្ពស់ផ្នែកភស្តុភារកម្មរបស់កម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់ការសហការនេះត្រូវបានធ្វើឡើងនៅព្រឹកថ្ងៃទី៥ ខែមីនា ដោយមានការចុះអនុស្សរណៈនៃការយោគយល់គ្នា (MOU) រវាង លោកគង់ សាង ប្រធាន ​TAFTAC  និង លោក ហាក់ លាងហ៊ ប្រធានCLAនៅទីស្នាក់ការរបស់ TAFTAC ។

ថ្លែងក្នុងឪកាសនោះ លោក គង់ សាងថា ការសម្រេចបាននូវ MoU នៅថ្ងៃនេះ គឺជាជំហានឆ្ពោះទៅមុខដ៏សំខាន់មួយក្នុងការជំរុញកិច្ចសហប្រតិបត្តិការឱ្យកាន់តែរឹងមាំរវាងវិស័យ កាត់ដេរសម្លៀកបំពាក់ ស្បែកជើង និងផលិតផលធ្វើដំណើរ (GFT) និងភស្តុភាររបស់កម្ពុជា។

លោកថា៖«ព្រឹត្តិការណ៍នេះផ្តល់ឱកាសដ៏មានតម្លៃសម្រាប់ទាំងសមាជិក TAFTAC និង CLA ក្នុងការផ្សារភ្ជាប់ ផ្លាស់ ប្តូរគំនិត និងស្វែងយល់ពីភាពជាដៃគូដែលមានអត្ថប្រយោជន៍ទៅវិញទៅមក។ ភស្តុភារកម្មប្រកបដោយ ប្រសិទ្ធភាពនិងអាចជឿជាក់បាន គឺមានសារៈសំខាន់សម្រាប់ការរីកចម្រើននៃឧស្សាហកម្មរបស់យើង ហើយតាមរយៈការធ្វើការយ៉ាងជិតស្និទ្ធជាមួយ CLA យើងអាចបង្កើនប្រសិទ្ធភាពខ្សែច្រវាក់ផ្គត់ផ្គង់ កាត់ បន្ថយការចំណាយ និងពង្រឹងជំហររបស់កម្ពុជានៅក្នុងពាណិជ្ជកម្មសកល»។

«ការចុះអនុស្សរណៈនៃយោគយល់គ្នានេះជាការប្តេជ្ញាចិត្តជាផ្លូវការរបស់យើងចំពោះកិច្ចសហប្រតិបត្តិការលើផ្នែកជាច្រើន។ ចាប់ពីការកែលម្អដំណោះស្រាយផ្នែកភស្តុភារកម្មសម្រាប់សមាជិករបស់យើង រហូតដល់ ការតស៊ូមតិដើម្បីឱ្យមានគោលនយោបាយដែលល្អសម្រាប់ឧស្សាហកម្ម ភាពជាដៃគូនេះនឹងជំរុញឱ្យមាន សមត្ថភាពប្រកួតប្រជែងកាន់តែខ្លាំង និងចីរភាពសម្រាប់វិស័យទាំងពីរ»។

យោងតាមក្រសួងពាណិជ្ជកម្ម ការនាំចេញសម្លៀកបំពាក់ ស្បែកជើង និងផលិតផលធ្វើ​ដំណើរ​របស់កម្ពុជាទៅទីផ្សារអន្តរ​ជាតិ​ដែលភាគច្រើនទៅទីផ្សារអឺរ៉ុប និងសហរដ្ឋអាមេរិក សម្រេច​បាននូវ​ទំហំទឹក​ប្រាក់ ១៣,៩២ ពាន់លាន​ដុល្លារ​ នៅក្នុង​ ឆ្នាំ ២០២៤ បានកើនឡើងពី ២៣ ភាគរយ ធៀប​នឹង​ឆ្នាំ ២០២៣។

ក្នុងនោះការនាំចេញសម្លៀកបំពាក់សម្រេចបានទឹកប្រាក់ចំនួន ៩,៧៩ ពាន់លានដុល្លារ កើនឡើង ២៤ ភាគរយ, សម្ភារៈធ្វើដំណើរបាន ១,៩៥ ពាន់លានដុល្លារ កើន ​១៩,៦ ភាគរយ និងស្បែកជើង ១,៦៨​ ពាន់លាន​ដុល្លារ កើន ២៣​ ភាគរយ៕

Helistar Cambodia - Helicopter Charter Services
Sokimex Investment Group
ព័ត៌មានជាតិ១ ម៉ោង មុន

បណ្ឌិត លី ឆេង​ ​​អរគុណ​យ៉ាង​ជ្រាលជ្រៅចំពោះ សម្តេច  ហ៊ុន សែន  ដែល​​គាំទ្រ និង​ផ្តល់​ឱកាស​យ៉ាង​ពេញ​លេញ​ដល់វិស័យអប់រំផ្នែកឯកជន

ព័ត៌មានជាតិ៦ ម៉ោង មុន

ពលរដ្ឋ និងអ្នកឃ្លាំមើល សរសើរមន្ត្រីប្រចាំការនៅច្រកទ្វារព្រំដែនអន្តរជាតិយកចិត្តទុកដាក់ពលករវិលចូលស្រុក

សេចក្ដីជូនដំណឹង៦ ម៉ោង មុន

ត្រឹមតែ ៣ខែ ប៉ុណ្ណោះក្រុមហ៊ុន អៃ-ឆា ហ៊្វូដខេអេច បានចុះកុងត្រាជាមួយម្ចាស់ហ្វ្រេនឆាយជាង ២០ ហាង

ព័ត៌មានជាតិ៦ ម៉ោង មុន

សង្ក្រាន្តខ្មែរនៅជប៉ុន អបអរសាទរពិធីបុណ្យចូលឆ្នាំ បានរៀបចំឡើងដោយមានការចូលរួមពីបងប្អូនខ្មែរយ៉ាងច្រើនកុះករ

ព័ត៌មានជាតិ៧ ម៉ោង មុន

ពលរដ្ឋ សប្បាយរីករាយ និងអរគុណរដ្ឋាភិបាលជួយសម្រួលឱ្យជិះរថយន្តក្រុងឥតគិតថ្លៃ

ព័ត៌មានជាតិ១០ ម៉ោង មុន

លោក ជួន កក្កដា៖ ចាស់បុរាណដែលយករឿងសិរីបីប្រការ មកជាឧទាហរណ៍ពេលចូលឆ្នាំខ្មែរ គឺជាអ្នកប្រាជ្ញ មានគំនិតខ្ពស់

ព័ត៌មានអន្ដរជាតិ១០ ម៉ោង មុន

ត្រាំ​ ដកស្មាតហ្វូន កុំព្យូព័រ គ្រឿងអេឡិចត្រូនិកផ្សេងទៀត ពីបញ្ជីពន្ធបដិការ

ព័ត៌មានជាតិ៦ ម៉ោង មុន

សង្ក្រាន្តខ្មែរនៅជប៉ុន អបអរសាទរពិធីបុណ្យចូលឆ្នាំ បានរៀបចំឡើងដោយមានការចូលរួមពីបងប្អូនខ្មែរយ៉ាងច្រើនកុះករ

ព័ត៌មានជាតិ១៤ ម៉ោង មុន

ពងទា១ពាន់គ្រាប់ ត្រូវបានដាក់ឱ្យអ្នកចូលរួមសង្រ្កាន្តស្រុកខ្សាច់កណ្ដាល បរិភោគឥតគិតថ្លៃ

ព័ត៌មានជាតិ៧ ម៉ោង មុន

ពលរដ្ឋ សប្បាយរីករាយ និងអរគុណរដ្ឋាភិបាលជួយសម្រួលឱ្យជិះរថយន្តក្រុងឥតគិតថ្លៃ

Sokha Hotels

ព័ត៌មានពេញនិយម