សេដ្ឋកិច្ច

ទូតចិនសន្យាជួយផ្សព្វផ្សាយទុរេនខ្មែរ និងនាំចេញទៅកាន់ទីផ្សារចិន

បានផុស

៥ ថ្ងៃ មុន

នៅ

ថ្ងៃចន្ទ ១២ ឧសភា ២០២៥

ដោយ

លោក វ៉ាង វិនពិន ឯកអគ្គរដ្ឋទូតសាធារណរដ្ឋប្រជាមានិតចិនប្រចាំកម្ពុជាបានសន្យាជួយផ្សព្វផ្សាយទុរេនខ្មែរ និងទាក់ទាញការវិនិយោគការដាំដុះ កែឆ្នៃផលិតផលកសិកម្មខ្មែរ ជាពិសេសដំណាំទុរេន និងជំរុញការនាំចេញទៅកាន់ទីផ្សារប្រទេសចិន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក វ៉ាង វិនពិន បានលើកក្នុងពេលបានចុះទស្សនាចម្ការស្ដេចទុរេនកំពត និងភ្លក្សទុរេនអៅខាក់ កាលពីពេលថ្មីៗនេះ ដើម្បីស្វែងយល់ពីលក្ខណះពិសេស ប្រភេទទុរេនខ្មែរ ការដាំដុះថែទាំ ប្រមូលផល ទុកដាក់ និងចែកចាយទុរេនតាមរបៀបខ្មែរ។

លោក វ៉ាង វិនពិន មានប្រសាសន៍ថា៖ «ខ្ញុំរីករាយដែលបានមកលេងចម្ការទុរេនកំពត និងភ្លក្សទុរេនអៅខាក់ ដែលជាទុរេនឆ្ងាញ់ជាងគេលើពិភពលោក។ សូមអរគុណដល់សមាគមសហគ្រិនវ័យក្មេងកម្ពុជា (YEAC) សម្រាប់ការទទួលស្វាគមន៍យ៉ាងកក់ក្តៅ។ ជឿជាក់ថាទុរេនខ្មែរឆ្ងាញ់កាន់តែច្រើននឹងត្រូវនាំចេញទៅកាន់ប្រទេសចិននាពេលអនាគត»។

លោក ឃឹម ប៊ុនឡែន ស្ថានិក និងជាប្រធានសហគមន៍ចម្ការស្តេចទុរេនបានលើកឡើងថា កម្ពុជាជាទឹកដីកសិកម្មថ្មី ដីមានជីវជាតិច្រើន ជាពិសេសដីដំណាំទុរេនជាប្រភេទជម្រើសដីល្អ, ហើយដំណាំនេះត្រូវការប្រើប្រាស់ជីថ្នាំកសិកម្មសរីរាង្គច្រើន ជីគីមីតិចតូច, ជាងនេះទៀតសោត ជាទម្លាប់កសិករដាំទុរេននៅកម្ពុជាមានការប្រយ័ត្នប្រយែង និងគិតពីនិរន្តភាពនៃដើមទុរេន លើសពីចំណូលរយៈពេលខ្លី៕