កូវីដ-១៩
ក្រសួងបរិស្ថានត្រៀមផ្ដល់ឈើជាង១ ពាន់ម៉ែត្រគូបធ្វើក្ដារមឈូស
លោក នេត្រ ភក្ត្រា រដ្ឋលេខាធិការ និងជាអ្នកនាំពាក្យក្រសួងបរិស្ថានបានថ្លែងប្រាប់កម្ពុជាថ្មីនៅថ្ងៃទី១១ ខែកក្កដា នេះថា ក្រសួងបរិស្ថាន នឹងយកឈើសរុបប្រមាណ១៣៤៧ ម៉ែត្រគូប ដែលរឹបអូសបានពីការបង្ក្រាបបទល្មើសធនធានធម្មជាតិ ដើម្បីផលិតក្តារមឈូស ហើយបើតាមការប៉ាន់ស្មាន ឈើទាំងនោះ នឹងផលិតក្តារមឈូសបានប្រមាណជាង ១០០០។
លោក នេត្រ ភក្ត្រា បានបញ្ជាក់ថា ដោយអនុវត្តតាមអនុសាសន៍ណែនាំដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រី ដែលបានមានប្រសាសន៍ថា “ទោះបីជាប្រទេសយើងក្រ តែមិនត្រូវឱ្យពលរដ្ឋខ្មែរយើងស្លាប់ដោយអណោចអធមឡើយ” នោះ ក្រសួងបរិស្ថានបានយកឈើដែលមន្ត្រីឧទ្យានុរក្សបង្ក្រាបរឹបអូសបានពីការបង្ក្រាបបទល្មើសធនធានធម្មជាតិ ដើម្បីធ្វើក្តារមឈូសផ្តល់ជូនគណៈកម្មការជាតិប្រឆាំងនឹងជំងឺកូវីដ១៩ ដើម្បីប្រើប្រាស់ដាក់តម្កល់សពអ្នកជំងឺកូវីដ១៩ ដែលបានទទួល មរណភាព។
បើតាមលោក នេត្រ ភក្ត្រា នេះគឺជាការយកចិត្តទុកដាក់ខ្ពស់របស់សម្តេចតេជោនាយករដ្ឋមន្ត្រី ក៏ដូចជារាជរដ្ឋាភិបាល ចំពោះសុខទុក្ខប្រជាពលរដ្ឋខ្មែរ ហើយនេះគឺជាការរក្សាកិត្តិយស និងតម្លៃជាមនុស្សរបស់រាជរដ្ឋាភិបាលកម្ពុជា ចំពោះពលរដ្ឋខ្មែរ ហើយជាប្រពៃណីទំនៀមខ្មែរក្នុងការគោរពចំពោះសព និងការជូន ដំណើរជាចុងក្រោយ ចំពោះពលរដ្ឋអ្នកជំងឺកូវីដ១៩ ដែលជាអកុលបានស្លាប់បាត់បង់ជីវិតក្នុងបរិបទ នៃការឆ្លងរីករាលដាលជំងឺកូវីដ១៩នេះ។
សម្តេចតេជោ ហ៊ុន សែន បានមានប្រសាសន៍ថា “ការ រៀបចំឱ្យសពមានមឈូសបានត្រឹមត្រូវ គឺជាការគោរពដល់សព”។
លោក នេត្រ ភក្ត្រា បញ្ជាក់ថា “ក្រសួងបរិស្ថាននឹងយកឈើសរុបប្រមាណ ១៣៤៧ ម៉ែត្រគូប ដែលរឹបអូសបានមកពីការបង្ក្រាបបទល្មើសធនធានធម្មជាតិពីឆ្នាំ២០២០ និងឆ្នាំ២០២១ នេះដើម្បីផលិតក្តារមឈូស។ តាមការប៉ាន់ ស្មាន ឈើដែលស្ថិតក្នុងក្របខណ្ឌក្រសួងបរិស្ថានអាចនឹងផលិតក្តារឈូសបានប្រមាណជាង១០០០ មឈូស។ គិតត្រឹមថ្ងៃទី១១ ខែកក្កដា ឆ្នាំ២០២១ មន្ទីរបរិស្ថានខេត្តចំនួន១៧ ដែលមានឈើស្រាប់បានផលិតក្តារមឈូសបានចំនួន ៤០៥ និងបានកំពុងបន្តការផលិតបន្ថែមទៀត”។
មន្រ្តីជាន់ខ្ពស់ក្រសួងបរិស្ថានរូបនោះ បញ្ជាក់ថា ក្តារមឈូសដែលផលិតបាន ត្រូវបានប្រគល់ជូនអនុគណៈកម្មការគ្រប់គ្រងសពអ្នកជំងឺកូវីដ១៩ ដើម្បីសម្របសម្រួល ចាត់ចែង និងចែកចាយទៅដល់អនុគណៈកម្មការប្រឆាំងនឹងជំងឺកូវីដ១៩ ថ្នាក់ខេត្ត ដើម្បីប្រើប្រាស់ដាក់សពអ្នកជំងឺកូវីដ១៩។
លោក នេត្រ ភក្ត្រា បញ្ជាក់ដែរថា បច្ចុប្បន្ននេះ ក្តារមឈូស ដែលផលិតបាន ត្រូវបានយកទៅប្រើប្រាស់ខ្លះៗហើយ។
សូមបញ្ជាក់ថា គិតមកដល់ថ្ងៃទី១១ ខែកក្កដា នេះ ប្រទេសកម្ពុជា មានអ្នកស្លាប់ដោយសារជំងឺកូវីដ១៩ ចំនួន៩០២ នាក់ និងមានអ្នកឆ្លងសរុបចំនួន៦០៩៥៩ ករណី៕ ដោយ៖ កោះកែវ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង