Connect with us

ជីវិតកម្សាន្ដ

ក្រោយឡើងងារជាឧកញ៉ា តើ ខេមរៈ សិរីមន្ត នៅបន្តអាជីពចម្រៀងឬយ៉ាងណា?

បានផុស

នៅ

ដំណឹង​នៃ​ការឡើង​ងារ​ជា​ឧកញ៉ា​របស់​កំ​ពូល​តារាចម្រៀង​លោក ខេ​មរ​: សិរីមន្ត បាន​នឹង​កំពុង​ធ្វើ​ឲ្យ​អ្នកគាំទ្រ​និង​មិត្តភ័ក្ដិ​សិល្ប​:​រួម​អាជីព​ជាច្រើន​បានបង្ហាញ​ចាប់អារម្មណ៍​ហើយ​ព្រមទាំង​សម្តែង​ការ​ចូលរួម​អបអរ​គ្រប់គ្នា​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែក​ទន្ទឹមគ្នា​ដែល​លោក ខេ​មរ​: សិរីមន្ត បាន​ឡើង​ងារ​ជា​ឧកញ៉ា​នាពេល​នេះដែរ​ក៏មាន​មតិ​និង​សំនួរ​មួយចំនួន​ពី​អ្នកគាំទ្រ​និង​មិត្តៗ​យុវវ័យ​បាន​សួរ​នាំ​ដែរ​ថា​ ក្រោយពេល​ក្លាយជា​ឧកញ៉ា​តើ​លោក ខេម​រៈ សិរីមន្ត នៅតែ​បន្ត​អាជីព​ចម្រៀង​ទៀត​ឬមួយ​យ៉ាងណា​?​ ខណៈ​មាន​ខ្លះទៀត​ក៏បាន​សូម​ណោម​ពរ​កុំ​ឲ្យ​លោក​ឈប់​ពី​អាជីព​មួយ​នេះ​ផងដែរ​។​

ជុំវិញ​និង​ចម្ងល់​របស់​មហាជន​ខា​ង​លើ​នេះដែរ​រ​ហូត​មកដល់ពេលនេះ ​គេ​នៅ​មិនទាន់​ឃើញ​មានការ​បញ្ជាក់​ណាមួយ​ពី​លោក ខេ​មរ​: សិរីមន្ត ដែល​ទើប​ឡើង​ងារ​ជា​ឧកញ៉ា​នៅឡើយ​ទេ​។​ ខណ​:​កម្ពុជា​ថ្មី​នៅ​ព្រឹក​ថ្ងៃទី​១៨​ ខែកុម្ភ​:​ ឆ្នាំ​២០២២​នេះ​ ក៏​នៅ​មិនអាច​ស្វែង​ការបកស្រាយ​បាន​នោះដែរ​។​

គួរ​បញ្ជាក់ដែរថា ​តារាចម្រៀង ខេមរៈ សិរីមន្ត ​ត្រូវ​បាន​មហាជន​និង​អ្នកគាំទ្រ​សង្កេតឃើញថា​ បន្ទាប់​ពី​ជោគជ័យ​លើ​ការងារ​សិល្បៈ​ គឺ​លោក​បាន​សាង​កេរ្តិ៍ឈ្មោះ​ល្បីល្បាញ​ខ្លាំង​។ ​មិនតែប៉ុណ្ណោះ​នា​អំឡុងរយ​:​ពេល​ប៉ុន្មាន​ឆ្នាំ​ចុង​ក្រោយនេះ ​លោក​ក៏បាន​ងាក​មក​ចាប់​ជំនួញ​ថ្មី​មួយទៀត​ គឺ​លើ​វិស័យ​អចលន​ទ្រព្យ ដោយបាន​ធ្វើការ​អភិវឌ្ឍន៍​ជា​ផ្ទះ​និង​ដី​ឡូ​តិ៍​នៅ​តំបន់​មួយចំនួន​ជាពិសេស​ក្នុង​ខេត្ត​បន្ទាយ​មាន​ជ័យ​។​

តាមរយ​:​ភាពជោគជ័យ​ទាំងនេះហើយ​ទើប​ធ្វើ​ឲ្យ​កំពូ​ល​តារាចម្រៀង​លោក ខេមរៈ សិរីមន្ត អាចមាន​ឱកាស​ច្រើន​ដើម្បី​ចូលរួម​ក្នុង​ការងារ​សង្គម​ដូចជា​ការជួយ​ជា​ថវិកា​កសាង​សមិទ្ធផល​នានា​ក្នុង​ខេត្ត​បន្ទាយ​មានជ័យ​ពិសេស​គឺ​កន្លងមក​លោក​ក៏​ធ្លាប់បាន​ចំណាយ​ថវិការ​ផ្ទាល់ខ្លួន​រហូតដល់​ទៅ​២​លាន​ដុ ល្លារ​ក្នុង​ការកសាង​ផ្លូវ​និង​ប្រឡាយទឹក​ជួយ​សម្រួល​ប្រជាពលរដ្ឋ​ដែល​រស់នៅ​ស្រុក​ម៉ាឡៃ​និង​ការងារ​មនុស្សធម៌​ជាច្រើន​ទៀត​៕

អត្ថបទ៖ ចាន់​រ៉ា​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម