ជីវិតកម្សាន្ដ

ខ្ញុង ប្រតិកម្មបែបនេះ ក្រោយមានគេឌឺដងរឿងបំណុល

បានផុស

៣ years មុន

នៅ

ថ្ងៃព្រហស្បតិ៍ ១២ ឧសភា ២០២២

ដោយ

ភ្នំពេញ ៖ មហាជនបានដឹងគ្រប់គ្នាហើយជុំវិញរឿង រ៉ាវរបស់តារាកំប្លែងអ្នកនាង ស្រេង សុកាន់ដា ហៅខ្ញុង ដោយកាលពីថ្មីៗកន្លងទៅផ្ទុះនូវបញ្ហាជំពាក់ បំណុលគេខ្ទង់ជាងកន្លះលានដុល្លារ។ ប៉ុន្តែបន្ទាប់ពីរឿងនេះកើតឡើងមួយរយៈខ្លីក៏បានស្ងប់ស្ងាត់ទៅវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញស្របពេលដែលបញ្ហាបំណុលរបស់ ខ្ញុង ទើបតែរសាយស្ងាត់មួយរយៈខ្លីក៏មានបង្ហោះនិយាយបញ្ឆិតបញ្ឆៀងផ្លែផ្កាដល់តារាស្រីរូបនេះជាថ្មីឡើងវិញ ដែលករណីនោះបានធ្វើឲ្យ ខ្ញុង ប្រតិកម្មចេញឆ្លើយតបភ្លាមៗផងដែរ។

ជាក់ស្តែងអ្នកនាង ខ្ញុង បានបង្ហោះសារដោយស្នើសុំចិត្តមហាជនកុំអូសនាងទៅពាក់ព័ន្ធនឹងរឿងដែលគេនិយាយថា ខ្លួនសម្ដែងធ្វើជាជំពាក់បំណុលគេទៀត ព្រោះនាងពិតជាមានបញ្ហារឿងនេះមែន។

អ្នកនាង ខ្ញុង លើកឡើងថា «រកអី្វបានរកទៅ ធើអី្វបានធើទៅ មនុស្សមានបញ្ហារៀងៗខ្លួនអាក្រក់ឬល្អមិនឋិតលើមាត់របស់អ្នកឡើយកុំមកដៀមដាមឌឺដងផ្លែផ្កាឱ្យខ្ញុំ។ មែនខ្ញុំធ្លាប់ឡាយនិយាយពីបញ្ហាបំណុលនិងសុំឱ្យបងប្អូនជួយព្រោះតែខ្ញុំមានហេតុផលរបស់ខ្ញុំ ព្រោះតែក្តីស្រឡាញ់ទើបមហាជនរាប់ម៉ឺនអ្នកជួយខ្ញុំ»។

តារាកំប្លែងសម្បូរវោហារស័ព្ទអ្នកនាង ខ្ញុង បន្ថែមទៀតថា នាងក៏គិតថាទោះបីនាងសុំគេក៏សុំដោយក្តីស្មោះត្រង់និយាយត្រង់ៗមិនបានលួចឆក់ប្លន់បោក ប្រាស់អ្នកណាទេចុះ ហេតុអី្វបានចាំបាច់ដើម្បីតែនិយាយយកល្អខ្លួនឯងផ្លែផ្កានាងម្ល៉េះ។

គួររម្លឹកថា អ្នក នាង ខ្ញុង កាលពីកន្លងទៅបានផ្ទុះរឿងរ៉ាវអាស្រូវផ្អើលអស់អ្នកគាំទ្រពេញមួយប្រទេសបន្ទាប់ពីនាងទម្លាយចំនួនទឹកប្រាក់ដែលជំពាក់បំណុលគេជាងកន្លះលានដុល្លារក្រោមហេតុផលរកស៊ីខាត៕

ដោយ ៖ ចាន់រ៉ា