ជីវិតកម្សាន្ដ

តាមពិតតារាស្រី គង់ ម៉ូនីកា មានជំងឺប្រចាំកាយ២នេះ មុនពេលស្លាប់

បានផុស

៣ years មុន

នៅ

ថ្ងៃចន្ទ ៦ មិថុនា ២០២២

ដោយ

ភ្នំពេញ ៖ នៅរសៀលថ្ងៃនេះមហាជននិងអ្នកគាំទ្រមានការភ្ញាក់ផ្អើលហើយសម្តែងនូវការសោកស្តាយគ្រប់គ្នា ក្រោយទទួលដំណឹងថា តារាសម្តែងសិចស៊ីក្នុងបទ«ជូនអូនឡើងផ្លូវហាយវេ»កញ្ញា គង់ ម៉ូនីកា បានទទួលមរណភាពទាំងវ័យក្មេងដោយសារជំងឺគាំងបេះដូង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅលើគណនីហ្វេសប៊ុករបស់តារាសម្តែងគឺលោក សាវិន ហ្វីលីព បានបង្ហោះរៀបរាប់ថា «តារាសម្ដែង គង់ ម៉ូនីកា បានស្លាប់ដោយសារជំងឺគាំងបេះដូងមុននេះបន្តិច។ កញ្ញាជាតួឯកស្រីក្នុង MV ដ៏ល្បីគឺបទ «ជូនអូនទ្បើងផ្លូវហាយវេ» របស់ផលិតកម្មG alaxy Navatra សូមប្អូនស្រីបានទៅដល់ទីស្ងប់សុខ RIP…»។

ដោយឡែកបើតាមការបញ្ជាក់ពីមិត្តភក្តិជិតដិតជា មួយកញ្ញា គង់ ម៉ូនីកា បានបង្ហោះនៅលើគណនីហ្វេសប៊ុកឈ្មោះLeak Newបានរៀបរាប់ឲ្យដឹងដូច្នេះថា «ក្នុងនាមខ្ញុំជាមិត្តរបស់ Kong Monika ចង់ប្រាប់ថាmonika នាងផុតទៅដោយជំងឺប្រចាំកាយបេះដូងនិងក្រពះ។ សូមចិត្តមនុស្សគិតអវិជ្ជាមានមួយចំនួនតូចឱ្យតែឮថាស្លាប់ដោយសារជំងឺ បេះដូងគឺតាំងថ្នាំលេងគ្រឿងញៀននោះ…នាងស្លាប់ទៅហើយកុំបង្កើតរឿងឱ្យឈ្មោះអាក្រក់ដល់នាងអី ឱ្យគ្នាទៅដោយស្រស់ស្អាតឈ្មោះល្អផងចុះ!

ចំណែកនៅលើគណនីហ្វេសប៊ុកឈ្មោះ Reno Kingក៏បានបង្ហោះសារដែរថា«សូមប្អូនគេងចុះគេង លក់ឱ្យបានស្កប់ស្កល់សូមប្រុងប្រយ័ត្នចំពោះជំងឺមេរោគក្នុងក្រពះដោយពិសាថ្នាំមិនបានញ៉ាំអាហារគ្រប់គ្រាន់ត្រឹមតែមួយវិនាទីចុកឆ្អល់ទាល់តែផុតដង្ហើម»។

បន្ទាប់ពីទទួលដំណឹងនៃមរណទុក្ខដ៏សោកសៅនិងក្រៀមក្រំនេះភ្លាមៗនោះ គេឃើញមានមហាជនអ្នកគាំទ្រលើបណ្ដាញសង្គមព្រមទាំងអ្នកសិល្បៈរួមអាជីពបង្ហាញការស្លុតចិត្តជាខ្លាំងនិងសោកស្ដាយជាពន់ពេកចំពោះការបាត់បង់ជីវិតរបស់តារាស្រីរូបនេះក្នុងនោះក៏មានការផ្ញើសារចូលរួមរំលែកទុក្ខដល់ក្រុមគ្រួសារនាងផងដែរ៕

ដោយ ៖ ចាន់រ៉ា