Connect with us

ជីវិតកម្សាន្ដ

ទីបំផុត! ឧកញ៉ា ខេមរៈ សិរីមន្ត បានជួបបុរសសាក់រូប កញ្ញា ខេមរៈ ស្រីពៅ លើកំភួនដៃហើយ

បានផុស

នៅ

កាលពី​ថ្មីៗ​នេះ អ្នក​លេង​បណ្ដាញ​សង្គម និង​អ្នកគាំទ្រ ផ្ទុះ​ការ​ចាប់​អារម្មណ៍​គ្រប់គ្នា បន្ទាប់ពី​មាន​ការ​ចែករំលែក​រូបភាព និង​វីដេអូ Tik Tok បង្ហាញ​ពី​បុរស​អាថ៌កំបាំង​ម្នាក់ ដែល​បាន​សាក់​រូប​របស់​អតីត​តា រា​ចម្រៀង​កញ្ញា ខេមរៈ ស្រីពៅ នៅ​លើ​កំភួនដៃ​របស់​ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈ​វីដេអូ​ខ្លី​ត្រូវ​បាន​ចែករំលែក​នៅ​លើ​បណ្ដាញ​សង្គម​គេ​ឃើញ​បុរស​ម្នាក់​នោះ​សាក់​រូប​របស់​តារា​ចម្រៀង ខេមរៈ ស្រីពៅ នៅ​លើ​កំភួនដៃ ហើយ​បង្ហោះ​លើ​Tik Tok ភ្ជាប់​នឹង​ការ​បញ្ចូល​បទ​ចម្រៀង​របស់ ខេមរៈ ស្រីពៅ ដែល​មាន​ចំណង​ជើង​ថា “មិន​យក​ទោស​ព្រោះ​ស្នេហ៍” ធ្វើ​ឲ្យ​អ្នក​គាំទ្រ​ជាច្រើន​សម្ដែង​ក្ដី​នឹករលឹក​ខ្លាំង​ដល់​អតីត​តារា​ស្រី​រូប​នេះ​ដែល​បាន​ចែកឋាន​ទៅ​ហើយ​នោះ។

កាលណោះ​គឺ​មិន​ត្រូវ​បាន​មហាជន និង​អ្នកគាំទ្រ ព្រម​ទាំង​លោក​ឧកញ៉ា ខេមរៈ សិរីមន្ត ស្គាល់​នូវ​អត្តសញ្ញាណ​បុរស​អាថ៌កំបាំង​នេះ​ឡើយ។ ប៉ុន្តែ​ទើប​មុន​នេះ ឧកញ៉ា ខេមរៈ សិរីមន្ត បាន​ប្រកាស​ឲ្យ​ដឹង​ថា ខ្លួន​បាន​ជួប និង​ស្គាល់​បុរស​ម្នាក់​នេះ​ហើយ ខណៈ​បុរស​ម្នាក់​នោះ​គឺជា​អាណិកជន​ខ្មែរ​អាមេរិក។

លោក ខេមរៈ សិរីមន្ត បាន​បញ្ជាក់​ថា ទីបំផុត​បាន​ជួប​ប្អូនប្រុស​ដែល​សាក់​រូប​ប្អូនស្រី ខេមរៈ ស្រីពៅ ហើយ គាត់​ជា(ខ្មែរ​អាមេរិក) គាត់​ថា គាត់​មិន​ចង់​ល្បី​អ្វី​ទេ តែ​គាត់​សាក់​រូប ស្រី​ពៅ នេះ ព្រោះតែ​បេះដូង​ស្រលាញ់​គាំទ្រ​គោរព​ប្អូន ស្រីពៅ ណាស់។ ខ្ញុំ​ពិតជា​រំភើប​នឹង​ទឹកចិត្ត​ប្អូនប្រុស​ខ្លាំង​ណាស់ ពេលនោះ​ខ្ញុំ​ជួប​គាត់​បាន​មួយភ្លែត ព្រោះ​ខ្ញុំ​មាន​ភារកិច្ច​ត្រូវ​ចេញ​មក​សៀមរាប មិន​បាន​ទទួល​ប្អូន​ដិតដល់​ទេ។

ឧកញ៉ា ខេមរៈ សិរីមន្ត បាន​បន្ថែម​ទៀត​ថា យ៉ាងណា ក៏​បង​អរគុណ​ប្អូនប្រុស​ក្រៃលែង​ដែល​ខំ​ស្កាត់​មក​ជួប​បង សង្ឃឹម​ថ្ងៃក្រោយ​បាន​ជូន​គ្នា​ម្ដងទៀត ជូនពរ​ប្អូន​មាន​សុខភាព​ល្អ និង​ជោគជ័យ​គ្រប់​ភារកិច្ច។

គួរ​រម្លឹក​ថា តារា​ចម្រៀង​កញ្ញា ខេមរៈ ស្រីពៅ ដែល​ត្រូវ​ជា​ប្អូនស្រី​បង្កើត​លោក ខេមរៈ សិរីមន្ត បាន​ទទួល​មរណភាព​កាលពី​ថ្ងៃ​ទី ២៥ ខែ​មករា ឆ្នាំ ២០១៩ ដោយសារ​បញ្ហា​ជំងឺ​ក្រលៀន និង​សួត​ធ្ងន់ធ្ងរ បន្ទាប់ពី​បាន​បញ្ជូន​ទៅ​ព្យាបាល​នៅ​ក្នុង​ប្រទេស​ឥណ្ឌា​មួយរយៈ​ពេល។ ខណៈ​ការ​ស្លាប់​នេះ ក៏​នៅតែ​បន្សល់ទុក​ភាព​សោកស្ដាយ​ជា​ពន់ពេក​សម្រាប់​ក្រុម​គ្រួសារ​របស់​នាង​ទាំងមូល៕

អត្ថបទ ៖ ចាន់រ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ ម៉ោង មុន

រដ្ឋមន្ត្រីក្រសួងសាធារណការ​ចេញយន្តការ ៥ ចំណុច ទប់ស្កាត់សកម្មភាពអនាធិបតេយ្យតាម​ដងផ្លូវ

សន្តិសុខសង្គម១ ម៉ោង មុន

អាវុធហត្ថខេត្តបាត់ដំបង ឃាត់ខ្លួនជនសង្ស័យ​២នាក់ ករណីប្រើប្រាស់ឯកសណ្ឋាន និងក្លែងបន្លំឯកសារកងទ័ព

ព័ត៌មានជាតិ២ ម៉ោង មុន

តំណាងកម្ពុជានៅ UN ជំរុញក្រុមប្រឹក្សាសន្តិសុខ ធ្វើការជិតស្និទ្ធជាមួយគ្រប់ភាគីជម្លោះ ដើម្បីស្តារទំនុកចិត្ត

ជីវិតកម្សាន្ដ២ ម៉ោង មុន

ម្ចាស់បទ “Smoke” ខឹងខ្លាំងដល់ថ្នាក់ប្ដឹងប៉ូលិសជួយរកយុត្តិធម៌ ក្រោយធ្លាយរូបអាក្រាតកាយ

ជីវិតកម្សាន្ដ២ ម៉ោង មុន

ស្ងាត់ៗ កូនប្រុសពៅកំពូលតារាចម្រៀង ព្រាប សុវត្ថិ ចុះកុងត្រាចូលផលិតកម្ម Galaxy

Sokha Hotels

ព័ត៌មានពេញនិយម