អ៊ីងហ្វា ស្លៀកឈុតសិចស៊ីខ្លាំង ដល់ថ្នាក់លោក ណាវ៉ាត់ ក៏លូកដៃទាញសំពត់មកបិទបាំងសាច់ឱ្យ

ក្នុងកម្មវិធីប្រកាសអ្នកគ្រងមកុដថ្មីសម្រាប់ Miss Grand Thailand 2023 កាលពីល្ងាចថ្ងៃទី៦ ខែមេសា កន្លងទៅ បវរកញ្ញា អ៊ីងហ្វា វ៉ារ៉ាហា បានបង្ហាញវត្តមានយ៉ាងជឿជាក់ជាមួយនឹងឈុតសិចស៊ីហួសក្រលៀន ធ្វើឱ្យទស្សនិកជនប្រហោងពោះព្រាត សូម្បីលោក ណាវ៉ាត់ ក៏យល់ថាសិចស៊ីខ្លាំង ហើយបានទាញសំពត់ដើម្បីបិទបាំងសាច់ឱ្យនាង។

ព្រឹត្តិការណ៍​សម្ពោធ​មកុដ​ Miss Grand Thailand 2023 ចំពោះបវរកញ្ញាកំពូលទាំង ១០រូប​ បាន​ទាក់ទាញ​ការ​ចាប់​អារម្មណ៍​យ៉ាង​ខ្លាំង​ពី​អ្នក​គាំទ្រ​សម្រស់។ ស្របពេលជាមួយគ្នាដែរ​ ម្ចាស់មកុដ Miss Grand Thailand 2022 បានបង្ហាញខ្លួនយ៉ាងលេចធ្លោ ​ជាមួយនឹងមកុដ និងឈុតស្រមោលសរដ៏ប្រណីត។

បន្ថែម​ពី​លើការ​សរសើរ​ចំពោះមកុដ​ ទស្សនិកបាន​ចាប់អារម្មណ៍​លើឈុតស្រមោលសររបស់ អ៊ីងហ្វា ជាពិសេសពេលនាង​កំពុងបង្ហាញខ្លួនលើឆាក អ្នក​ទស្សនា​ពិតជាប្រហោងពោះមិនស្ទើរ ព្រោះឈុតនេះឆែកហួសក្រលៀនឯណោះ។ ក្រោយពេលដើរចប់ ពោលគឺអំឡុងពេលឈរថតរូបជុំគ្នា ស្ថាបនិក និងប្រធាន Miss Grand ថៃ លោក ណាវ៉ាត់ បានលូកដៃរបស់គាត់ទៅទាញសំពត់មកបិទបាំងសាច់កុំឱ្យកាំមេរ៉ាចាប់យក សូម្បី Miss Grand Thailand 2016 ក៏បានសុំជំនួយការឱ្យយកម្ជុលមកដេរភ្ជិតរ៉ូបផងដែរ។ យ៉ាងណាមិញ នេះគ្រាន់តែជាពាក្យលេងសើចប៉ុណ្ណោះ ប៉ុន្តែគ្រប់គ្នាបានទទួលស្គាល់ថា ឈុតរបស់ អ៊ីងហ្វា ពិតជាសិចស៊ីខ្លាំងមែន៕

ប្រែសម្រួល៖ សន្យា

ចុចអាន៖ គ្រងតំណែង Miss Grand ថៃ មិនទាន់គ្រប់អាណត្តិផង អ៊ីងហ្វា រកចំណូលបានដល់ខ្ទង់លាន

ចុចអាន៖ Kratae ថា មិនខ្វល់អ្នករិះគន់នោះទេ នាងខ្វល់តែរកលុយចិញ្ចឹមខ្លួនឯង និងគ្រួសារ