ភាពយន្តសម្ដែងដោយ Lee Junho និង YoonA ទទួលការវាយតម្លៃខ្ពស់នៅវគ្គចុងក្រោយ

យោងតាមសារព័ត៌មាន Nelson Korea បញ្ចាក់ឲ្យដឹងថា រឿងភាគដែលទើបមកដល់របស់ JTBC គឺភាពយន្ត ”King The Land” ដែលសម្តែងដោយ Lee Joonho សមាជិកក្រុម 2pm និង YoonA សមាជិកក្រុម Girls’ Generation កំពុងដំណើរការទៅមុខហើយ។

ទោះបីជាការវាយតម្លៃសម្រាប់វគ្គពីរដំបូងមានការខកចិត្តក៏ដោយ វាបានគ្រប់គ្រងបានត្រឹមតែ ៧.៧ភាគរយនិងបានធ្លាក់ចុះមកត្រឹម ៥.១ភាគរយ ចំពេលមានការរិះគន់ចំពោះ​ស្គ្រីបគឺហួសសម័យ និងមិនទាន់សម័យ​ដូចដែលភាពយន្តនេះគួរតែមាន។ រហូតដល់ទីបំផុត​អាចឈានដល់កម្រិត​ខ្ពស់ថ្មីជាមួយនឹងការវាយតម្លៃ ៩ភាគរយ នៅក្នុង​វគ្គចុងក្រោយ។

ដោយឡែក​វគ្គ​ទី​៣ មាន​កម្រិត​ទស្សនិកជន​ជាតិ ៩.១ភាគរយ និង​កម្រិតអន្តរជាតិ ១០.៧ភាគរយ។ នេះ​គឺ​ជា​ការ​រីក​ចម្រើន​គួរឲ្យ​កត់​សម្គាល់​បើ​ធៀប​នឹង​លើក​ដំបូង​ដែល​មាន​ចំនួន​តិចបំផុត។

ជាមួយគ្នានេះដែរ រឿង ‘King The Land’ និយាយពីតួឯកប្រុសឈ្មោះ Goo Won សម្តែងដោយ Lee Joon Ho ដែលមើលងាយ​ស្នាមញញឹមក្លែងក្លាយរបស់មនុស្ស ហើយ Cheon Sarang សម្តែងដោយ Yoona ដែលតែងតែមានស្នាមញញឹម​នៅលើមុខជាមួយនឹងបុគ្គលិកលក្ខណៈរីករាយ។​ នៅក្នុងវគ្គទី៣និងទី៤ ទស្សនិកជនប្រាកដជាបានឃើញខ្សែបន្ទាត់​ស្នេហារវាងតួអង្គទាំងពីរនេះ​វិវត្តន៍​ទៅ​តាមពេលវេលា ជាមួយនឹងអារម្មណ៍របស់ Gu Won ចំពោះ Cheon Sarang បន្តិចម្តងៗ​ក្លាយជាស្នេហា​តែម្ខាង​ដោយ​ឥត​ព្រាងទុក៕

ប្រែសម្រួល៖ សាង ស្រីល័ក្ខ

ចុចអាន៖អ្នកលេងអ៊ីនធឺណិត ច្រានចោលពាក្យចចាមអារ៉ាមស្នេហាក្ដៅគគុក រវាង Lisa និង Taeyong