ជីវិតកម្សាន្ដ

ខ្ញុង ចេញមកបញ្ជាក់ថា មិនដែលមានគំនិតអាក្រក់លើម្ចាស់បំណុល ឬបោកប្រាស់អ្នកណាទេ

បានផុស

២ years មុន

នៅ

ថ្ងៃអង្គារ ២៣ មករា ២០២៤

ដោយ

បន្ទាប់ពីមានម្ចាស់បំណុលមួយចំនួនបានចេញមកទម្លាយពាក់ព័ន្ធរឿងបំណុលដែលតារាកំប្លែងអ្នកនាង ខ្ញុង ជំពាក់មិនទាន់សងរហូតមានខ្លះទៀតព្រមានប្តឹងនាងផងនោះ ស្រាប់តែសាមីខ្លួន ខ្ញុង បានចេញមកបញ្ជាក់ថានាងមិនដែលមានគំនិតអាក្រក់បោកប្រាស់អ្នកណាទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាកំប្លែងអ្នកនាង ស្រេង សុកាន់ដា ហៅ ខ្ញុង បាននិយាយថា រាល់ថ្ងៃនេះគឺនាងខំប្រឹងតស៊ូណាស់ដើម្បីរកលុយដោះបំណុលដែលនៅជំពាក់គេ។ អ្នកនាង ខ្ញុង បានលើកឡើងថា អ្នកខ្លះមិនដឹងរឿងទេ តែតែស្ករណាស់ ខំបុករុក ឆ្កៀល ខំប្រឹងជាន់បន្ថែមគង់មានថ្ងៃទេ កម្មពៀរមានពិតគង់ជួបលើខ្លួនឯង អ្នកមិនមែនជាខ្ញុំអ្នកគ្មានថ្ងៃយល់ឡើយ។

ខ្ញុង និយាយទៀតថា “មនុស្សខ្ញុំតស៊ូណាស់ហើយក៏មិនដែលមានគំនិតអាក្រក់បោកប្រាស់អ្នកណាដែរ ហើយខ្ញុំក៏មិនតបតវែកញែកអ្វីច្រើនយ៉ាងហោចណស់ ក៏មានទេវតាមើលឃើញអំពើល្អកន្លងមក ហើយក៏តែងតែចងចាំ និងដាស់តឿនខ្លួនឯងថាយើងជាកូនបំណុលគ្មានសិទ្ធិតបតបកស្រាយអ្វីទាំងអស់”។

តារាកំប្លែង ខ្ញុង បានបន្ថែមថា នាងមានត្រឹមតែសមត្ថភាពបន្តិចបន្តូចគ្រាន់នឹងបានរកដោះគេតាមលទ្ធភាព និងដើម្បីអាហារបីពេលតែប៉ុណ្ណោះ។ សូមអរគុណទឹកចិត្តបងប្អូនមហាជនដែលតែងតែស្រឡាញ់ និងលើកទឹកចិត្តខ្ញុំកន្លងមក។ ខ្ញុំមិនដែលបោះបង់ចោលការតស៊ូខ្ញុំឡើយហើយក៏មិនដែលមានគំនិតអាក្រក់លើម្ចាស់បំណុលណាឡើយ។

តារាកំប្លែងស្រីរូបនេះបាននិយាយដែរថា “តើអ្វីដែលខ្ញុំតូចចិត្តគឺអ្នកដែលមិនដឹងរឿងអ្នកដែលមិនមែនជាម្ចាស់បំណុលខ្ញុំព្យាយាមជាន់បុករុកល្ងាចគេដៀលខ្លាំងជាងម្ចាស់បំណុល ពិតជាឈឺចាប់ណាស់ហើយក៏វាអយុត្តិធម៌សម្រាប់ខ្ញុំ“៕

អត្ថបទ៖ ចាន់រ៉ា