ជីវិតកម្សាន្ដ

ពិធីករ សុខ រ៉ាស៊ី អង្វរបុរសៗ សូមកុំមានជម្លោះជាមួយមនុស្សស្រី

បានផុស

៤ ខែ មុន

នៅ

ថ្ងៃអង្គារ ១៨ កុម្ភៈ ២០២៥

ដោយ

ពិធីករល្បីឈ្មោះ និងមានប្រជាប្រិយភាព លោក សុខ រ៉ាស៊ី សុខៗ ស្រាប់តែគេឃើញពិធីករសង្ហារូបនេះ បានចេញមក ដោយអង្វរបុរសៗ សូមកុំមានជម្លោះជាមួយមនុស្សស្រី មិនថាជាប្តីប្រពន្ធ ឬជាមួយអ្នកផ្សេងទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការលើកឡើងរបស់ពិធីករ លោក សុខ រ៉ាស៊ី នេះដែរ ក៏ស្របពេលនឹងគ្នាដែលតារាចម្រៀងស្រីវ័យក្មេង កញ្ញា វ៉ាន់ នីឡា បាននិងកំពុងជួបរឿងមិនសប្បាយចិត្ត ក្រោយរងការប្រមាថមាក់ងាយពីសំណាក់បុគ្គលមួយចំនួនជាមនុស្សប្រុសមកលើនាងដែលជាស្ត្រីទន់ខ្សោយ។

លោក សុខ រ៉ាស៊ី បានឲ្យដឹងថា «ខ្ញុំសូមអង្វរបងប្អូនប្រុសៗ បើអាច សូមកុំមានជម្លោះជាមួយមនុស្សស្រី អ្នកណាក៏មានរាសីឡើងរាសីចុះដែរ ម្តងគេម្តងយើង សូមកុំរុញគាត់ទៅរឿងចាស់ ផ្លូវចិត្តគាត់ជួសជុលបានប៉ុណ្ណេះវាមិនងាយទេ សូមអង្វរឈប់បានឈប់ទៅ»។

តាមរយៈខ្លឹមសារបំផុសរបស់ពិធីករ លោក សុខ រ៉ាស៊ី ខាងលើនេះពិតជាទទួលបានការគាំទ្រពីសំណាក់មហាជនអ្នកលេងបណ្តាញសង្គមហ្វេសប៊ុកជាច្រើន ទោះបីថាការលើកឡើងរបស់លោកមិនសំដៅចំលើបុគ្គលរូបណាក៏ដោយ តែនេះក៏ជាសារដាស់តឿនមួយដែលមានប្រយោជន៍ និងជាគំរូល្អសម្រាប់សង្គមផងដែរ។

ដោយឡែក កាលពីថ្មីៗ កន្លងមកនេះដែរ ឧកញ៉ា នឹម វណ្ណៈ ដែលជាកូនស្រីបង្កើតលោកជំទាវចិត្តធម៌ ហ៊ុន ស៊ីណាត បានបង្ហោះខ្លឹមសារខ្លីពាក់ព័ន្ធស្ត្រីដែរថា ស្ត្រី ជាមាតាពិភពលោក អ្នកជេរប្រមាថស្ត្រី គឺដូចជាប្រមាថដល់ស្ត្រីទូទាំងពិភពលោកដូច្នេះដែរ៕

អត្ថបទ ៖ ចាន់រ៉ា