ជីវិតកម្សាន្ដ

ផលិតករខ្មែរ សន្យាផលិតរឿង”ខ្មោចដើមចេកជ្វា” ឡើងវិញ យកកិត្តិយសជូនជាតិ

បានផុស

២ years មុន

នៅ

ថ្ងៃពុធ ៦ មីនា ២០២៤

ដោយ

ផលិតករភាពយន្តខ្មែរ លោក ហ៊ុយ យ៉ាឡេង បានប្រកាសដោយសន្យាផលិតរឿង “ខ្មោចដើមចេកជ្វា” ឡើងវិញ ដើម្បីយកកិត្តិយសជូនជាតិ ខណៈប៉ុន្មានថ្ងៃនេះផ្ទុះការវែកញែកជុំវិញរឿងរ៉ាវប្រជាពលរដ្ឋថៃមួយចំនួនមិនគាំទ្រភាពយន្តខ្មែរ ដែលយកទៅចាក់បញ្ចាំងនៅទីនោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហ៊ុយ យ៉ាឡេង បានបញ្ជាក់ឲ្យដឹងថា «ជ្រុលគេនិយាយពីភាពយន្តខ្មែរ និង ថៃហើយ បញ្ចេញតែម្តងទៅ រឿង”ខ្មោចដើមចេកជ្វា” ផលិតក្នុងឆ្នាំ ២០០៥ ហើយពេលនោះថៃសុំសិទ្ធិបញ្ចូលសំឡេងថៃដាក់ផលិតកម្មថៃ ហើយគ្រានោះថៃគាំទ្រយ៉ាងខ្លាំង ហើយក្រោយមកទោះពួកគេដឹងថាខ្មែរជាអ្នកផលិតក៏ដោយ ក៏គ្មានប្រតិកម្មអ្វីដែរ ហើយថែមតាមដានខ្ញុំ ទន្ទឹងរង់ចាំខ្ញុំផលិតវាម្តងទៀត»។

ផលិតករលោក ហ៊ុយ យ៉ាឡេង បន្តទៀតថា «នេះហើយជាមូលហេតុដែលរហូតមកដល់ថ្ងៃនេះខ្ញុំមិនទាន់ផលិត ព្រោះថាបើយើងចាយថវិកាផលិតកម្រិតដូចមុន ប្រាកដណាស់គុណភាពមិនទាន់គេទេ ហើយគេនឹងចាំសើច ដូច្នោះហើយក៏ប្រឹងសន្សំចិត្ត សន្សំលុយ សុំទោសដែលឲ្យបងប្អូនចាំយូរ»។

ផលិតករភាពយន្តខ្មែររូបនេះ បានបញ្ជាក់បន្ថែមថា «ខ្ញុំសូមសន្យាថា មិនយូរទៀតទេ យ៉ាងយូរឆ្នាំក្រោយ ខ្ញុំនឹងបង្កើតស្នាដៃនេះម្តងទៀត និងយកកិត្តិយសជូនជាតិឲ្យបានរឿង”ខ្មោចដើមចេកជ្វា”»។ តាមរយៈដំណឹងនេះ គេឃើញមានមហាជន និងអ្នកគាំទ្រមួយចំនួនធំ បានសម្តែងការអបអរ និងចូលរួមជំរុញលើកទឹកចិត្តដល់លោក ហ៊ុយ យ៉ាឡេង ផងដែរ។

គួរបញ្ជាក់ដែរថា កន្លងមក ខ្សែភាពយន្តរឿង”ដើម្បីកូន” របស់លោក ហ៊ុយ យ៉ាឡេង ទទួលបានពានរង្វាន់ Special Jury Award 2023 នាមហោស្រពភាពយន្តអន្តរជាតិអាស៊ាន(2023 ASEAN International Film Festival Award) ក្នុងប្រទេសម៉ាឡេស៊ី។ ក្រៅពីទទួលបាននូវពានរង្វាន់ពិសេសរបស់គណៈមេប្រយោគ លោកក៏បានជាប់ឈ្មោះជាបេក្ខភាពឈានទៅដណ្ដើមពានរង្វាន់តារាសម្ដែងឆ្នើម Best Actor នៅក្នុងមហោស្រពនេះផងដែរ៕

អត្ថបទ ៖ ចាន់រ៉ា