“កុលាបមានបន្លា” កំពុង Trending ច្រៀងនិងរាំលេងពេញ Facebook និង TikTok

បទល្បី “កុលាបមានបន្លា” កំពុង Trending គេយកទៅរាំត្រាប់តាមពេញបណ្តាញទំនាក់ទំនងសង្គម Facebook និង​ TikTok ខណៈខ្លះទៀត បានយកចម្រៀងមួយបទនេះ ទៅច្រៀង Cover ថែមទៀត។

ជាមួយនឹងចង្វាក់ mix បែបប្រជាប្រិយលាយសម័យ “កុលាបមានបន្លា” ដែលច្រៀងដោយឧកញ៉ា ព្រាប សុវត្ថិ ហាក់មានការចាប់អារម្មណ៍ខ្លាំង ខណៈមួយសប្តាហ៍បន្ទាប់ពីផលិតកម្ម Galaxy Navatra បញ្ចេញវីដេអូចម្រៀងបទនេះជាផ្លូវការ សាធារណជនជាច្រើន បាននាំគ្នាច្រៀងត្រាប់តាមនិងរាំលេង ចែករំលែកពេញបណ្តាញទំនាក់ទំនងសង្គម។ ក្នុងនោះ មានទាំងយុវវ័យ និងមនុស្សចាស់ថែមទៀតផង។

តាមរយៈវីដេអូខ្លីៗដែលម្ចាស់គណនីជាច្រើន បានចែករំលែកលើ Facebook និង Tik Tok មានខ្លះយកចម្រៀងដើមទៅច្រៀងត្រាប់លេង ខណៈខ្លះទៀតក៏យកចម្រៀងដែលបាន remix សាច់ភ្លេងរួចហើយ ទៅរាំកម្សាន្តលេង។

គួរជម្រាបថា បទល្បីដែលកំពុងផ្ទុះការចាប់អារម្មណ៍នេះ ជាការនិពន្ធទំនុកច្រៀងដោយ អ្នកឧកញ៉ា ឡេង ណាវ៉ាត់ត្រា ដែលផលិតកម្ម Galaxy Navatra ទើបតែបញ្ចេញ Full MV ចម្រៀងមួយបទនេះជាផ្លូវការ កាលពីថ្ងៃ១៩ ខែធ្នូ ឆ្នាំ២០២៤ ហើយមានដល់ទៅពីរ version ដោយបទប្រុស ច្រៀងដោយ ឧកញ៉ា ព្រាប សុវត្ថិ ខណៈបទស្រី ចៀងដោយ កញ្ញា តន់ ចន្ទសីម៉ា ហើយសុទ្ធតែទទួលការចាប់អារម្មណ៍ខ្លាំងមិនចាញ់គ្នានោះឡើយ៕