តារាកំប្លែង គ្រត រៀបរាប់ទាំងអួលដើម ព្រោះអាណិតទាហានខ្មែរមួយរូប ដែលពលីក្នុងបុព្វហេតុបម្រើជាតិ

តារាកំប្លែងជើងចាស់ល្បីឈ្មោះអ្នកស្រី គ្រត បានរៀបរាប់ទាំងហូរទឹកសស្រាក់ក្តុកក្តួល ដោយនឹកអាណិតដល់ទាហានខ្មែរម្នាក់ ដែលបានពលីក្នុងហេតុការណ៍ផ្ទះអាវុធជាមួយទាហានថៃកាលពីព្រឹកថ្ងៃពុធ សប្តាហ៍នេះ។

តារាកំប្លែង គ្រត បាននិយាយទាំងហូរទឹកភ្នែកថា ខ្លួនគ្រាន់តែឮដំណឹងថាទាហានខ្មែរយើងម្នាក់បានពលីជីវិតនៅលើសមរភូមិ ដើម្បីការពារទឹកដីការពារជាតិមាតុភូមិ និងប្រជាជននោះគឺអ្នកនាងមានអារម្មណ៍ក្តុកក្តួលខ្លាំងណាស់។ ម្យ៉ាងទៀតក៏សូមសំណូមពរដល់បងប្អូនប្រជាពលរដ្ឋយើងឈប់បង្ហោះអ្វីដែលចល័តទ័ព កុំឱ្យខាងគេបានដឹងពីកងទ័ពយើង។

អ្នកស្រី គ្រត បានបន្តថា “នាងខ្ញុំក៏សូមចូលរួមរំលែកទុក្ខដ៏សែនក្រៀមក្រំចំពោះគ្រួសារសពដែលបានពាលី និងសូមកោតសរសើរចំពោះវីរៈភាពដ៏អង់អាចក្លាហានរបស់កងទ័ពកម្ពុជា ដែលបានពលីជីវិតការពាបូរណភាពទឹកដីការពារប្រជាជនរបស់យើង”។

ជាមួយគ្នានេះ ក៏មានការបញ្ចេញមតិ លើកឡើងថា ពិតមែនហើយក្តុកក្តួលណាស់នៅពេលបានដឹង និងឃើញរថយន្តកងទព័លើកដៃគ្រវីលាពួកយើងស្រុកយើងកំពុងទទួលបានសន្តិភាពដែលមិនអាចកាត់ថ្លៃបាន មិនចង់ឮមិនចង់ឃើញមិនចង់ជួបទេសង្គ្រាមឆ្លងកាត់ឆ្អែតឆ្អន់ហើយ។

សូមបញ្ជាក់ថា ការប៉ះទង្គិតគ្នារវាងទាហានខ្មែរ និងទាហានថៃបានបណ្តាលឱ្យនាយទាហានរបស់ខ្មែរម្នាក់ស្លាប់
ឈ្មោះ សួន រោន អាយុ៤៨ឆ្នាំ មានទីលំនៅក្នុងភូមិកំពេញឃុំយាង ស្រុកជាំក្សាន្ត ខេត្តព្រះវិហារ ក្រោយការផ្ទុះអាវុធជាមួយទាហានថៃកាលពីព្រឹកទី២៨ ឧសភា ឆ្នាំ២០២៥ កន្លងទៅ៕ អត្ថបទ៖ ចាន់រ៉ា