ជីវិតកម្សាន្ដ

តារាកំប្លែង គ្រត ទម្លាយទាំងទឹកភ្នែក ខណៈមិនសូវមានគេឲ្យតម្លៃអ្នកសិល្បៈចាស់ៗ!

បានផុស

២ ខែ មុន

នៅ

ថ្ងៃចន្ទ ៥ ធ្នូ ២០២២

ដោយ

តារាកំប្លែងជើងចាស់ល្បីឈ្មោះអ្នកនាង គ្រត បានបង្ហាញអារម្មណ៍ឈឺចាប់ ក្រោយពេលបច្ចុប្បន្នហាក់មិនសូវមានគេឲ្យតម្លៃលើអ្នកសិល្បៈចាស់ៗឡើយ។ ក្នុងនោះអ្នកនាង គ្រត បាននិយាយទាំងទឹកភ្នែកដែរថា អ្នកសិល្បៈជំនាន់ក្រោយៗក៏ដូចគ្នាផងដែរ ពោលគឺមិនសូវឲ្យតម្លៃអ្នកសិល្បៈចាស់ៗទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការទម្លាយអារម្មណ៍ពិតចេញពីចិត្តរបស់តារាកំប្លែងជើងចាស់រូបនេះ បានធ្វើឡើងតាមរយៈកិច្ចសម្ភាសន៍នៅក្នុងកម្មវិធីមួយកាលពីថ្មីៗកន្លងទៅ ខណៈមានការចែករំលែកជាបន្តបន្ទាប់នៅលើបណ្ដាញសង្គមផងដែរ។ ជាក់ស្ដែងតារាចម្រៀងចាស់វស្សាអ្នកនាង ម៉ៅ ស៊ីណាត ក៏បានបង្ហោះភ្ជាប់វីដេអូខ្លីនោះថា កុំតូចចិត្ត កុំឈឺចាប់ណាបង សំខាន់បងមានតម្លៃបំផុតសម្រាប់អ្នកដែលគេចូលចិត្តយើង។

នៅក្នុងវីដេអូខ្លីនោះអ្នកនាង គ្រត បាននិយាយទាំងទឹកភ្នែកថា អ្នកសិល្បៈដូចគ្នា ពេលខ្លះបានផ្កើនបន្តិច អត់ឲ្យតម្លៃយើងទេ យើងជាមនុស្សចាស់ ឃើញសិល្បៈស្រុកខ្មែរចាស់ៗឥឡូវទេមានការងារធ្វើទេ គឺអត់សូវមានទេ (ខ្ញុំអត់មានបន្ទោសអ្នកណាមួយទេ)។ តាមរយៈនេះ ក៏មានការលើកទឹកចិត្តពីអ្នកគាំទ្រមួយចំនួនផងដែរ។

សូមជម្រាបដែរថា នេះមិនមែនមានតែតារាកំប្លែងអ្នកនាង គ្រត ម្នាក់ទេដែលចេញមកនិយាយត្អូញត្អែរចំពោះរឿងនេះ កន្លងមកក៏មានសិល្បៈចាស់ៗមួយចំនួនមកហើយដែលលើកឡើងពីបញ្ហានេះ។ តួយ៉ាងដូចជាតារាចម្រៀងជើងចាស់មានឈ្មោះល្បីល្បាញជាមួយនឹងទឹកដមសំឡេងពីរោះក្រអួនក្រអៅអង្រួនបេះដូងអ្នកស្តាប់លោកគ្រូ ណយ វ៉ាន់ណេត ជាដើម ក៏ធ្លាប់លើករឿងនេះមកនិយាយដែរ៕

អត្ថបទ ៖ ចាន់រ៉ា