កូរ៉េ​ខាង​ត្បូង​បាញ់​សាក​ល្បង​មីស៊ីល​ប្លាស្ទិក​ដោយ​នាវា​​មុជ​​ទឹកបាន​ជោគជ័យ

ប្រទេស​កូរ៉េ​ខាង​ត្បូង​បាន​បាញ់​សាក​ល្បង​មីស៊ីល​ប្លាស្ទិកដែល​ដំណើរ​ការ​ដោយ​នាវា​មុជ​ទឹក​​បាន​ជោគជ័យ ស្រប​ពេល​ប្រទេស​នេះ​ស្វែង​រកការ​កសាង​​កម្លាំង​​ការពារ​ជាតិ​របស់​ខ្លួន​ទល់​នឹង​កូរ៉េ​ខាង​ជើង​ដែល​មាន​អាវុធ​នុយក្លេអ៊ែរ។

ទី​ក្រុង​ព្យុងយ៉ាង​បាន​​ប្រឹង​ប្រែង​ជា​យូរ​មក​ហើយ​ដើម្បី​ផលិតបច្ចេកវិទ្យា​​មីស៊ីល​ប៉ាស្លិកដែល​ដំណើរ​ការ​ដោយ​នាវាមុជ​ទឹក (SLBM) និង​បាន​បង្ហាញ​​អាវុធ​​​​បែប​នេះ​៤​​គ្រឿង​​​នៅ​ក្នុង​ពិធី​ព្យុះ​ហយាត្រាយោធា​ដោយ​មេ​ដឹក​នាំ​លោក គីម ជុងអ៊ុន កាល​ពី​ខែ​មករា​ដែល​ពេល​នោះទី​ភ្នាក់​ងារ​សារព័ត៌មាន​មជ្ឈិម​កូរ៉េ KCNA បាន​ហៅ​ថា​ជា​«អាវុធ​គ្រោះ​ដ៏​មាន​ឥទ្ធិពល​ខ្លាំង​បំផុត​​ក្នុង​ពិភព​លោក»។

ប៉ុន្តែ​នៅ​ខណៈ​ពេល​កូរ៉េ​ខាង​ជើង​បាន​បញ្ចេញ​រូ​ប​ភាព​នៃ​​ការ​ចាប់​ផ្តើមបាញ់​ក្រោម​ទឹក ដែល​ថ្មី​បំផុត​នៅ​ឆ្នាំ​២០១៩ អ្នក​វិភាគ​ជឿ​ថា នោះ​គឺ​ជា​​ទម្រង់​ ឬ​ជានាវា​ល្បាត ជាង​នាវា​មុជ​ទឹកទៅ​ទៀត​។

យោង​តាម​សារព័ត៌មាន Yonhap ដែល​ស្រង់​ប្រភព​ពី​យោធា​មិន​បញ្ចេញ​ឈ្មោះ​ថា ទី​ភ្នាក់​ងារ​កូរ៉េ​ខាង​ត្បូង​សម្រាប់​ការ​អភិវឌ្ឍកម្លាំង​ការពារ​ជាតិ​កាល​ពី​សប្តាហ៍​មុន​បាន​ចាប់​ផ្តើម​សាក​ល្បង​បញ្ចេញ​ទឹក​ក្រោម​សមុទ្ធ​នៃ SLBM ​ពី​នាវាដែល​ទើប​អភិវឌ្ឍ​ក្នុង​ស្រុក​ថ្មី​​ និង​ទម្ងន់​៣០០០​តោន​ដែល​អាចផ្ទុកបំពង​បាញ់បញ្ឈរ​ចំនួន​៦គ្រឿង។

​​មីស៊ីល​ប៉ាស្លិកដែល​ដំណើរ​ការ​ដោយ​នាវាមុជ​ទឹកត្រូវ​បាន​គេ​ជឿ​ថា​ជា​ទម្រង់​ក្លាយ​នៃ​មីស៊ីល​ប្លាស្ទិក Hyunmoo-2B របស់​ប្រទេស​ដែល​មាន​សមត្ថភាព​បាញ់​បាន​ចម្ងាយ​៥០០​គីឡូម៉ែត្រ ហើយ​នឹង​ត្រូវ​​ផលិត​​ជា​​ច្រើន​គ្រឿង​ដើម្បី​ដាក់​ពង្រាយ បន្ទាប់​ពី​ធ្វើ​តេស្ត​មួយ​ជុំ​ទៀត។

កូរ៉េ​ខាង​ត្បូង​រួម​ជា​មួយ​ប្រទេស​មួយ​ចំនួន​តូច​ប៉ុណ្ណោះ​ដែលបាន​អភិវឌ្ឍ SLBM ទទួល​បាន​ជោគជ័យ។

រដ្ឋាភិបាល​ក្រុង​សេអ៊ូលកាល​ពី​ថ្ងៃ​ចន្ទ​ម្សិល​មិញ​បានត្រៀម​កញ្ចប់​ថវិកា​ជិត​១.៣ប៊ីលាន​ដុល្លារ​អាមេរិក​សម្រាប់​ការ​សិក្សា​ស្រាវជ្រាវ និង​អភិវឌ្ឍ​កម្លាំង​ការពារ​ជាតិ​នៅ​ឆ្នាំ​ក្រោយ​ដែល​ថវិកា​នេះ​បាន​ដាក់​ស្នើ​ទៅ​រដ្ឋសភា​រួច​ហើយ៕

ប្រែ​សម្រួល៖ វីរបុត្រ
ប្រភព៖ news