ព័ត៌មានអន្ដរជាតិ
ព្យុះ Lionrock កំពុងហោះសំដៅទៅ វៀតណាម
ប្រព័ន្ធសម្ពាធទាបនៅលើដែនទឹកវៀតណាម បានបង្កើនកម្លាំងទៅជាព្យុះ Lionrock ហើយត្រូវបានគេរំពឹងថា នឹងវាយប្រហារឆ្នេរសមុទ្រភាគកណ្តាលឆៀងខាងជើងប្រទេសនេះ នៅថ្ងៃចន្ទខាងមុខ។
យោងតាមមជ្ឈមណ្ឌលជាតិ ព្យាករណ៍ឧតុនិយម បានឲ្យដឹងថា ព្យុះនេះ កំពុងស្ថិតនៅភាគពាយ័ព្យនៃប្រជុំកោះ Paracel ក្នុងសមុទ្រខាងកើត ឬត្រូវបានគេស្គាល់ជាអន្តរជាតិថា សមុទ្រចិនខាងត្បូងនៅវេលាម៉ោង ៤ ទៀបភ្លឺថ្ងៃសុក្រ ដោយមានខ្យល់បក់ពី ៦០ ទៅ ៧៥ គីឡូម៉ែត្រក្នុងមួយម៉ោង។
វាទំនងជាកាន់តែមានកម្លាំងខ្លាំងនៅថ្ងៃនេះ ហើយធ្វើដំណើរទៅភាគខាងជើង ក្នុងល្បឿន១០គីឡូម៉ែត្រក្នុងមួយម៉ោង។
ត្រឹមម៉ោង ៤ ទៀបភ្លឺថ្ងៃសៅរ៍ វានឹងទៅដល់ភាគអាគ្នេយ៍នៃកោះ Hainan ប្រទេសចិន ដោយមានខ្យល់បក់រហូតដល់ ៨៨ គីឡូម៉ែត្រក្នុងមួយម៉ោង។
មួយថ្ងៃក្រោយមក ព្យុះ Lionrock នឹងស្ថិតនៅចម្ងាយ ៥០ គីឡូម៉ែត្រ ពីភាគខាងកើតកោះ Bach Long Vi នៃទីក្រុង Hai Phong ហើយបង្កឲ្យមានការបាក់ដីនៅតំបន់ភាគខាងជើង និងភាគកណ្តាល។
ការិយាល័យអាកាសធាតុបាននិយាយថា ក្រោមឥទ្ធិពលរបស់ព្យុះនេះ តំបន់ភាគខាងជើងនិងកណ្តាល នឹងជួបប្រទះខ្យល់បក់ក្នុងល្បឿនរហូតដល់ទៅ ៧៥ គីឡូម៉ែត្រក្នុងមួយម៉ោង ហើយរលកសមុទ្រមានកម្ពស់ដល់ទៅ ៤ម៉ែត្រ។
គួរបញ្ជាក់ថា Lionrock គឺជាព្យុះទី ៧ នៅសមុទ្រខាងកើតក្នុងឆ្នាំនេះ ហើយគេរំពឹងថា នឹងមានព្យុះពី ៦ទៅ៧ទៀត៕
ប្រែសម្រួល៖ Vann Vann
ប្រភព៖ VN Express
ចុចអាន៖ ព្យុះ Ida សម្លាប់មនុស្ស ៦០នាក់នៅអាមេរិក
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ