ព័ត៌មានអន្ដរជាតិ

លោក ពូទីន ថា ជម្លោះនៅភាគខាងកើត អ៊ុយក្រែន ហាក់ដូចជា អំពើប្រល័យពូជសាសន៍

បានផុស

៤ years មុន

នៅ

ថ្ងៃសុក្រ ១០ ធ្នូ ២០២១

ដោយ

ប្រធានាធិបតីរុស្ស៊ីលោក វ្ល៉ាឌីមៀ ពូទីន កាលពីថ្ងៃព្រហស្បតិ៍បាននិយាយថា ជម្លោះនៅ ភាគខាងកើតអ៊ុយក្រែនរវាងកងទ័ពរបស់ទីក្រុង Kiev និងអ្នកបំបែកខ្លួនដែលគាំទ្ររុស្ស៊ី “មើលទៅ ហាក់ដូចជាអំពើប្រល័យពូជសាសន៍” នៅ ពេលដែលមានភាពតានតឹងកាន់តែខ្លាំងឡើងជាមួយលោកខាងលិច ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការអត្ថាធិប្បាយរបស់លោក ពូទីន បានធ្វើឡើង នៅ ពេលដែលប្រធានាធិបតីសហរដ្ឋអាមេរិកលោក ចូ បៃដិន គ្រោងនឹងនិយាយជាមួយមេដឹកនាំអ៊ុយក្រែនលោក Volodymyr Zelensky និងប្រមុខប្រទេសផ្សេងទៀតនៅ តាមព្រំដែនរបស់រុស្ស៊ីដែលពាក់ព័ន្ធនឹងការឈ្លានពានរបស់វិមានក្រឹមឡាំង ។

មេដឹកនាំរុស្ស៊ីរូបនេះបាននិយាយថា “ខ្ញុំត្រូវតែនិយាយថា ក្រុមអ្នកបំបែកខ្លួន Russophobia គឺជាជំហានដំបូងឆ្ពោះទៅ រកអំពើប្រល័យពូជសាសន៍ ។ អ្នក និងខ្ញុំដឹងពីអ្វីដែលកំពុងកើតឡើងនៅ ក្នុងតំបន់ Donbass ដែលជាតំបន់ជម្លោះនៅ ភាគខាងកើតនៃប្រទេស ។

ពាក់ព័ន្ធនឹងតំបន់ជម្លោះនេះ សហរដ្ឋអាមេរិក និងសម្ព័ន្ធមិត្ត ជាច្រើនសប្តាហ៍កន្លងមកនេះបានចោទប្រកាន់រុស្ស៊ីពីបទរៀបចំផែនការឈ្លានពានអ៊ុយក្រែន និងការប្រមូលផ្តុំកងទ័ពយ៉ាងច្រើនតាមបណ្តោយព្រំដែនក្រុង Kiev ។

ទន្ទឹមនោះលោក បៃដិន កាលពីដើមសប្តាហ៍នេះបាននិយាយជាមួយលោក ពូទីន តាមរយៈវីដេអូខលផងដែរ ហើយបានព្រមានរុស្ស៊ីពីការដាក់ទណ្ឌកម្ម ប្រសិនបើខ្លួនចាត់វិធានការយោធាប្រឆាំងនឹងអ៊ុយក្រែន ៕