លោក Macron ពន្យល់មូលហេតុ មិនប្រើពាក្យ “ប្រល័យពូជសាសន៍” ដូចលោក Biden

មេដឹកនាំពិភពលោកនានា បានប្រកាន់យកវិធីសាស្រ្តផ្សេងៗគ្នាអំពីរបៀបថ្កោលទោសខ្លាំងៗ ចំពោះការលុកលុយរបស់រុស្ស៊ីលើ អ៊ុយក្រែន។

កាលពីដើមសប្តាហ៍នេះ ប្រធានាធិបតីសហរដ្ឋអាមេរិកលោក Joe Biden បានពណ៌នាសកម្មភាពរបស់រុស្ស៊ីថាជា “អំពើប្រល័យពូជសាសន៍”។

ប៉ុន្តែ​ប្រធានាធិបតី​បារាំងលោក Emmanuel Macron បាន​បដិសេធ​ ​ប្រើ​ពាក្យបែប​នេះ ដោយ​និយាយ​ថា ជនជាតិ​រុស្ស៊ី និង​អ៊ុយក្រែន​ជា “បងប្អូននឹងគ្នា”។

ពន្យល់ពីជំហររបស់លោកបន្ថែមទៀត, លោកបាននិយាយថា ការប្រើពាក្យ “ប្រល័យពូជសាសន៍” នឹងបង្កឲ្យមានសង្គ្រាមពាក្យសម្តីកាន់តែខ្លាំង ហើយធ្វើឲ្យមានភាពស្មុគស្មាញដល់កិច្ចខិតខំប្រឹងប្រែងដើម្បីបញ្ចប់សង្រ្គាម។

លោកបាននិយាយនៅក្នុងបទសម្ភាសន៍ជាមួយវិទ្យុ France Bleu ថា “ពាក្យនេះ មានអត្ថន័យហើយចាំបាច់ត្រូវប្រុងប្រយ័ត្ន ព្រោះតួនាទីរបស់ខ្ញុំគឺដើម្បីជួយនាំមកនូវសន្តិភាពឬយ៉ាងហោចណាស់ដើម្បីបញ្ឈប់សង្គ្រាមនេះ”៕

ប្រែសម្រួល៖ Vann Vann

ប្រភព៖ SKY

ចុចអាន៖ ពូទីន៖ រុស្ស៊ីនឹងបន្តសកម្មភាពយោធានៅ អ៊ុយក្រែន រហូតដល់គោលដៅបានសម្រេច ពេញលេញ