ព័ត៌មានអន្ដរជាតិ

ប្រមុខដឹកនាំណាតូថា អ៊ុយក្រែន អាចឈ្នះសង្គ្រាមជាមួយរុស្ស៊ី

បានផុស

៤ years មុន

នៅ

ថ្ងៃចន្ទ ១៦ ឧសភា ២០២២

ដោយ

អគ្គលេខាធិការរបស់អង្គការសន្ធិសញ្ញាអាត្លង់ទិកខាងជើង (ណាតូ) លោក Jens Stoltenberg កាលពីថ្ងៃអាទិត្យម្សិលមិញបានអះអាងថា ប្រទេសអ៊ុយក្រែនអាចទទួលបានជ័យជម្នះនៅក្នុងសង្គ្រាមជាមួយរុស្ស៊ី ដោយសារស្ថានភាពនៅសមរភូមិមិនមានការវិវត្តទៅតាមផែនការរបស់រដ្ឋាភិបាលទីក្រុងមូស្គូឡើយ។

និយាយទៅកាន់អ្នកកាសែត បន្ទាប់ពីកិច្ចប្រជុំថ្នាក់រដ្ឋមន្ត្រីការបរទេសក្រៅផ្លូវការរបស់ប្លុកយោធា លោក Stoltenberg បានបង្ហាញថា ប្រធានបទសំខាន់នៃកិច្ចពិភាក្សាគឺ«ការផ្តល់គាំទ្រខ្លាំងដល់អ៊ុយក្រែន ពង្រឹងសមត្ថភាពរារាំង និងការពាររបស់ណាតូ ព្រមទាំងផលប៉ះពាល់រយៈពេលវែងនៃសង្គ្រាម»ក្នុងនោះរាប់ទាំងគោលជំហរអនាគតរបស់អង្គការចំពោះប្រទេសរុស្ស៊ី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

«សង្គ្រាមរបស់រុស្ស៊ីនៅអ៊ុយក្រែនមិនដំណើរការតាមផែនការរបស់ទីក្រុងមូស្គូឡើយ។ ពួកគេបានបរាជ័យដណ្តើមយកទីក្រុងកៀវ។ ពួកគេដកកងទ័ពចេញពីតំបន់ជុំវិញ Kharkiv ដែលជាតំបន់វាយប្រហារខ្លាំងរបស់ពួកគេនៅ Donbass ដែលជាប់គាំទ្រ។ រុស្ស៊ីមិនទទួលបានជោគជ័យតាមគោលដៅយុទ្ធសាស្ត្ររបស់ខ្លួនឡើយ»។ លោក Stoltenberg បាននិយាយ។

លោកបន្តថា ផ្ទុយពីការចង់បានរបស់ប្រធានាធិបតីរុស្ស៊ី វ្លាឌីមៀរ ពូទីន ប្រទេសអ៊ុយក្រែននៅតែបន្តការប្រយុទ្ធរបស់ខ្លួន។ ណាតូកាន់តឺខ្លាំងជាងមុន ហើយអាមេរិក និងអឺរ៉ុបកាន់តែរួបរួមគ្នាទេ្វឡើង។

លោកលើកឡើងទៀតថា ៖««អ៊ុយក្រែនអាចឈ្នះសង្គ្រាមនេះ។ ប្រជាជនអ៊ុយក្រែនក្លាហានក្នុងការការពារទឹកដីរបស់ពួកគ»។ លោកបញ្ជាក់ថា ការផ្គត់ផ្គង់អាវុធ និងការគាំទ្រផ្សេងៗទៀតពីអ្នកគាំទ្រផ្សេងបានធ្វើឲ្យមានភាពខុសប្លែកពិតប្រាកដនៅលើសមរភូមិ។

អគ្គលេខាធិការបានបង្ហាញទៀតថា កិច្ចប្រជុំកំពូលរបស់ ណាតូ នាខែមិថុនាខាងមុខនៅទីក្រុង Madrid ប្រទេសអេស្ប៉ាញនឹងឃើញសមាជិកធ្វើការសម្រេចចិត្តដ៏សំខាន់រាប់បញ្ចូលទាំងវិធានការដែលមានគោលបំណងពង្រឹងជំហររារាំងរបស់ប្លួកផងដែរ៕

ប្រែសម្រួល៖ វីរបុត្រ
ប្រភព៖ RT

Related Topics: