ព័ត៌មានអន្ដរជាតិ
លោក Zelensky ថា អ៊ុយក្រែន ចាំតែដោះដូរអ្នកទោសជាមួយ រុស្ស៊ី ប៉ុណ្ណោះ
ប្រធានាធិបតីអ៊ុយក្រែនលោក Volodymyr Zelensky បាននិយាយថា ទីក្រុងកៀវបានត្រៀមខ្លួនរួចជាស្រេច និងចាំតែដោះដូរអ្នកទោសជាមួយរុស្ស៊ីប៉ុណ្ណោះ ។
លោក Zelensky បាននិយាយតាមរយៈវីដេអូក្នុងកម្មវិធីសំណួរ-ចម្លើយជាមួយទស្សនិកជននៅឯវេទិកាសេដ្ឋកិច្ចពិភពលោកក្នុងទីក្រុង Davos ថា “ការដោះដូរមនុស្សគឺជាបញ្ហាមនុស្សធម៌នាពេលបច្ចុប្បន្ននេះ ហើយវាក៏ជាការសម្រេចចិត្តផ្នែកនយោបាយផងដែរ បន្ទាប់ពីមានការគាំទ្រពីបណ្ដារដ្ឋជាច្រើន” ។
លោកបាននិយាយទៀតថា សម្រាប់ការដោះដូរនេះ អ៊ុយក្រែនមានការចូលរួមគាំទ្រពីអង្គការសហប្រជាជាតិ ស្វីស អ៊ីស្រាអែល និងប្រទេសជាច្រើនផ្សេងគ្នា ប៉ុន្តែដំណើរការនេះក៏មានភាពស្មុគស្មាញណាស់ផងដែរ ។
ជាចុងក្រោយលោក Zelensky បាសង្កត់ធ្ងន់ថា “យើងមិនត្រូវការទាហានរុស្ស៊ីនោះទេ យើងត្រូវការតែអ្វីដែលជារបស់យើងប៉ុណ្ណោះ ហើយយើងត្រៀមខ្លួនរួចរាល់ហើយសម្រាប់ការដោះដូរមនុស្សជាមួយរុស្ស៊ី ។
គួរបញ្ជាក់ថា រហូតមកដល់ពេលនេះសង្គ្រាមលុកលុយរបស់រុស្ស៊ីលើអ៊ុយក្រែនដែលលោក ពូទីន ហៅថាជា “ប្រតិបត្តិការយោធាពិសេស” បានអូសបន្លាយពេល ៣ ខែមកហើយ បន្ទាប់ពីការវាយលុករបស់ក្រុងមូស្គូលើក្រុងកៀវផ្ទុះឡើងកាលពីថ្ងៃទី ២៤ ខែកុម្ភៈ ៕
ប្រែសម្រួលដោយ ៖ ជីវ័ន្ត
ប្រភព ៖ Al Jazeera
ចុចអាន ៖ អ្នកការទូត រុស្ស៊ី ប្រចាំ UN លាលែងពីតំណែង ជាការតវ៉ាប្រឆាំងសង្គ្រាមអ៊ុយក្រែន
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង