Connect with us

ព័ត៌មានអន្ដរជាតិ

រុស្ស៊ី បញ្ជាក់គោលដៅចម្បង នៃប្រតិបត្តិការយោធារបស់ខ្លួននៅ អ៊ុយក្រែន

បានផុស

នៅ

ទីភ្នាក់ងារសារព័ត៌មានរដ្ឋរុស្ស៊ី RIA បានដកស្រង់សម្តីអ្នកនាំពាក្យវិមានក្រឹមឡាំង លោក Dmitry Peskov ដែលបាននិយាយកាលពីថ្ងៃចន្ទទី១៣ខែមិថុនាថា គោលដៅចម្បងរបស់រុស្ស៊ីនៃប្រតិបត្តិការយោធានៅក្នុងប្រទេសអ៊ុយក្រែន គឺដើម្បីការពារសាធារណរដ្ឋប្រជាមានិត Donetsk និង Luhansk។

អ្នកនាំពាក្យវិមានក្រឹមឡាំង លោក Dmitry Peskov

លោក Peskov និយាយថា “ជាទូទៅ ការការពារសាធារណរដ្ឋទាំងនេះ គឺជាគោលដៅចម្បងនៃប្រតិបត្តិការយោធាពិសេស”។

Donetsk និង Luhansk គឺជាផ្នែកបំបែកខ្លួនទាំងពីរ ដែលគាំទ្រដោយរុស្ស៊ីនៅក្នុងតំបន់ Donbas ភាគខាងកើតប្រទេសអ៊ុយក្រែន ដែលរុស្ស៊ីនិយាយថា ខ្លួនកំពុងប្រយុទ្ធដើម្បីដកពីការគ្រប់គ្រងរបស់ទីក្រុង កៀវ ទាំងស្រុង។

ទីក្រុងមូស្គូបានហៅសកម្មភាពរបស់ខ្លួនថាជា “ប្រតិបត្តិការយោធាពិសេស” ដើម្បីមិនឲ្យអ៊ុយក្រែនមានអាវុធ និងការពារពួកគេពីលទ្ធិហ្វាស៊ីសនិយម។

ទោះបីជាយ៉ាងណាក៏ដោយ អ៊ុយក្រែន និងសម្ព័ន្ធមិត្តរបស់ខ្លួននៅលោកខាងលិច បានអះអាងថា ការចោទប្រកាន់អំពីលទ្ធិហ្វាស៊ីសនិយមគឺគ្មានមូលដ្ឋានឡើយ ហើយសង្រ្គាមគឺជាទង្វើវាយលុកដែលមិនមានហេតុផល៕

ប្រែសម្រួល៖ Vann Vann

ប្រភព៖ Yahoo

ចុចអាន៖ គ្រប់ស្ពានដែលតភ្ជាប់ ចូលទៅទីក្រុងសំខាន់ Severodonetsk ត្រូវបានបំផ្លាញ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម