ព័ត៌មានអន្ដរជាតិ
Breaking News! កូរ៉េខាងជើង បាញ់មីស៊ីលថ្មីឆ្ពោះទៅសមុទ្រ ជប៉ុន
សារព័ត៌មាន Yonhap បានរាយការណ៍ថា ប្រទេសកូរ៉េខាងជើងបានបាញ់មីស៊ីលផ្លោងនៅថ្ងៃសុក្រនេះឆ្ពោះទៅកាន់សមុទ្រជប៉ុន ខណៈរយៈចម្ងាយ កម្ពស់ និងល្បឿនរបស់វានៅមិនទាន់គេដឹងនៅឡើយទេ ពោលក្រុមមន្ត្រីកំពុងធ្វើការដើម្បីវិភាគការបាញ់បង្ហោះនេះ ។
ការបាញ់បង្ហោះនៅថ្ងៃសុក្រនេះកើតឡើងប៉ុន្មានថ្ងៃ បន្ទាប់ពីមីស៊ីលផ្លោងមួយគ្រាប់ទៀតត្រូវបានគបាញ់កាលពី ២ សប្តាហ៍មុន ។ នៅពេលនោះ ក្រុមមន្ត្រីបានបង្ហាញថា មីស៊ីលនេះអាចធ្វើដំណើរបានចម្ងាយប្រហែល ៦៥០ គីឡូម៉ែត្រក្នុងរយៈកម្ពស់ ៥០ គីឡូម៉ែត្រ ។
ទោះជាយ៉ាងណាក៏ដោយ ការបាញ់បង្ហោះចុងក្រោយនេះកើតឡើងនៅថ្ងៃតែមួយដែលសមយុទ្ធយោធា Hoguk ឆ្នាំ ២០២២ រវាងសហរដ្ឋអាមេរិក និងកូរ៉េខាងត្បូង គ្រោងនឹងបញ្ចប់ ។
មកទល់ពេលនេះ កូរ៉េខាងជើងបានបាញ់មីស៊ីលជាង ២០ ដងហើយ ចាប់តាំងពីដើមឆ្នាំមក ។ ទោះបីជាយ៉ាងណាក៏ដោយ ការបាញ់សាកល្បងនៅថ្ងៃសុក្រនេះ គឺជាលើកទី ៦ ដែលធ្វើឡើងក្រោមការដឹកនាំរបស់លោក Yun Seok Yeol ជាប្រធានាធិបតីរបស់ប្រទេសកូរ៉េខាងត្បូង ។
គួរបញ្ជាក់ថា កូរ៉េខាងជើងបានបាញ់សាកល្បងអាវុធនុយក្លេអ៊ែរដំបូងរបស់ខ្លួនក្នុងឆ្នាំ ២០០៦ ហើយមិនបានធ្វើតេស្តបែបនេះ ចាប់តាំងពីឆ្នាំ ២០១៧ បន្ទាប់ពីផ្អាកសកម្មភាពមួយរយៈ ។ ទោះយ៉ាងណាក្នុងខែកញ្ញា កូរ៉េខាងជើងបានអនុវត្តក្រឹត្យមួយ ដែលកំណត់ជាផ្លូវការនូវសិទ្ធិប្រើប្រាស់ការវាយប្រហារនុយក្លេអ៊ែរជាមុន ក្នុងគោលបំណងដើម្បីការពារខ្លួនពីសត្រូវ ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង