ព័ត៌មានអន្ដរជាតិ
លោក Pita អាចនឹងរួចផុតពីបណ្ដឹងកាន់កាប់ភាគហ៊ុនប្រព័ន្ធផ្សព្វផ្សាយ
គណៈកម្មាធិការស៊ើបអង្កេតរបស់គណៈកម្មាធិការរៀបចំការបោះឆ្នោតថៃ (EC) កាលពីថ្ងៃចន្ទបានចេញសេចក្ដីសម្រេចថា ក្រុមអ្នកឃ្លាំមើលការបោះឆ្នោតគួរតែច្រានចោលបណ្ដឹងប្រឆាំងនឹងមេដឹកនាំគណបក្សចលនាឆ្ពោះទៅមុខ និងបេក្ខជននាយករដ្ឋមន្ត្រីលោក Pita Limjaroenrat ទាក់ទងនឹងការកាន់កាប់ភាគហ៊ុនប្រព័ន្ធផ្សព្វផ្សាយ ITV ។
កាលពីខែកក្កដា គណៈកម្មការរៀបចំការបោះឆ្នោតបានបញ្ជាឲ្យស៊ើបអង្កេតលើលោក Pita បន្ទាប់ពីសកម្មជននយោបាយលោក Ruangkrai Leekitwattana បានដាក់ពាក្យបណ្តឹងថា លោក Pita មិនមានលក្ខណៈសម្បត្តិគ្រប់គ្រាន់ក្នុងការឈរឈ្មោះបោះឆ្នោតឡើយ ដោយសារតែមេដឹកនាំបក្សចលនាឆ្ពោះទៅមុខរូបនេះ កាន់កាប់ភាគហ៊ុនចំនួន ៤២,០០០ នៅក្នុងក្រុមហ៊ុនប្រព័ន្ធផ្សព្វផ្សាយ ITV ដែលវាគឺជាការបំពានរដ្ឋធម្មនុញ្ញថៃ ។
ប៉ុន្តែទោះជាយ៉ាងណា គណៈកម្មាធិការស៊ើបអង្កេតរបស់គណៈកម្មការរៀបចំការបោះឆ្នោតបានរកឃើញថា ក្រុមហ៊ុនប្រព័ន្ធផ្សព្វផ្សាយ ITV គឺលែងដំណើរការហើយ ឬមិនមានប្រាក់ចំណូលពីអាជីវកម្មប្រព័ន្ធផ្សព្វផ្សាយទៀតនោះទេ ក្នុងអំឡុងពេលនៃការដាក់ពាក្យសុំធ្វើជាតំណាងរាស្ត្រពីថ្ងៃទី៤ ដល់ថ្ងៃទី៧ ខែមេសា ដូច្នេះបណ្តឹងនេះគួរតែត្រូវបានច្រានចោល ។
ទន្ទឹមនោះ គណៈកម្មាធិការក៏នឹងបញ្ជូនសេចក្តីសម្រេចរបស់ខ្លួនទៅអនុគណៈកម្មាធិការរបស់គណៈកម្មការរៀបចំការបោះឆ្នោតដើម្បីពិចារណាលើបណ្តឹងនេះផងដែរ ហើយបន្ទាប់ពីនោះ គណៈកម្មាធិការស៊ើបអង្កេត ក៏នឹងស្នើសេចក្ដីសម្រេចទៅគណៈកម្មការរៀបចំការបោះឆ្នោត ដើម្បីធ្វើការអនុម័តលើកចុងក្រោយ ។
ស្របពេលជាមួយគ្នានេះ អនុគណៈកម្មាធិការស៊ើបអង្កេតអាចនឹងអញ្ជើញលោក Pita មកបំភ្លឺជុំវិញការចោទប្រកាន់នេះផងដែរ មុនពេលពួកគេធ្វើការសេចក្ដីសម្រេច ដែលអាចផ្ទុយពីគណៈកម្មាធិការស៊ើបអង្កេត ដោយសារតែលោក Pita បានប្រឈមមុខនឹងបញ្ហាផ្លូវច្បាប់ជាច្រើន បន្ទាប់ពីលោកបានបរាជ័យក្នុងការទទួលបានសំឡេងគាំទ្រភាគច្រើនពីសមាជិកសភា ដើម្បីក្លាយជានាយករដ្ឋមន្ត្រីទី ៣០ របស់ប្រទេសថៃ ។
គួរបញ្ជាក់ថា ក្រៅពីរឿងក្ដីក្ដាំកាន់កាប់ភាគហ៊ុនប្រព័ន្ធផ្សព្វផ្សាយ ITV នេះដែរ លោក Pita ដែលបាត់បង់ឱកាសមាសក្នុងការក្លាយជានាយករដ្ឋមន្ត្រីថៃ ក៏កំពុងរងបណ្ដឹងពីតុលាការធម្មនុញ្ញពាក់ព័ន្ធទៅនឹងគោលបំណងធ្វើវិសោធនកម្មមាត្រា ១១២ នៃក្រមព្រហ្មទណ្ឌ ឬច្បាប់ប្រមាថព្រះមហាក្សត្រ ៕
ប្រែសម្រួលដោយ ៖ ជីវ័ន្ត
ប្រភព ៖ The Nation Thailand
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង