ថៃ ជួបព្យុះ វាយប្រហារ៣៥ខេត្ត ខណៈ បាងកក នឹងរងឥទ្ធិពលខ្លាំងជាងគេ

នាយកដ្ឋានឧតុនិយមថៃ (TMD) បានចេញការព្រមានអំពីព្យុះ សម្រាប់ខេត្តចំនួន៣៥ ខណៈទីក្រុងបាងកករំពឹងថា នឹងទទួលរងឥទ្ធិពលធ្ងន់ធ្ងរជាងគេ។ 

ស្របពេលជាមួយគ្នានោះ TMD បានអំពាវនាវ សូមឲ្យ​ប្រជាពលរដ្ឋ​ បន្ត​ប្រុង​ប្រយ័ត្ន​ខ្ពស់ ព្រោះ​ភ្លៀង​ធ្លាក់​ខ្លាំង ​អាច​នឹងបង្កជា​ទឹកជំនន់​ភ្លាមៗ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការព្យាករណ៍ ប្រព័ន្ធសម្ពាធខ្ពស់ឬម៉ាស់ខ្យល់ត្រជាក់ពីប្រទេសចិន នឹងចូលមកដល់តំបន់ភាគឦសានប្រទេសថៃ និងសមុទ្រចិនខាងត្បូង ដែលបណ្តាលឲ្យមានខ្យល់មូសុងបោកបក់លើឈូងសមុទ្រថៃ និងតំបន់ភាគខាងត្បូង ចាប់ពីថ្ងៃទី១២ខែតុលាទៅ។

គំរូអាកាសធាតុនេះ នឹងបណ្តាលឲ្យមានព្យុះផ្គររន្ទះ និងភ្លៀងធ្លាក់ខ្លាំងនៅតំបន់មួយចំនួន រួមទាំងទីក្រុងបាងកក និងតំបន់ជុំវិញផងដែរ។

ប្រជាពលរដ្ឋនៅតំបន់ទាំងនេះ ត្រូវមានការប្រុងប្រយ័ត្នចំពោះគ្រោះថ្នាក់ពីភ្លៀងធ្លាក់ខ្លាំង និងភ្លៀងធ្លាក់រាយប៉ាយ ដែលអាចនាំឲ្យជន់លិច និងទឹកហូរភ្លាមៗ ជាពិសេសនៅតំបន់ភ្នំក្បែរផ្លូវទឹក និងតំបន់ទំនាប។

អ្នកចេញទូកចូលសមុទ្រ ក៏ត្រូវបានព្រមានផងដែរ ខណៈសមុទ្រ Andaman និងឈូងសមុទ្រថៃ ត្រូវបានគេរំពឹងថា នឹងមានរលកកម្ពស់ប្រហែល១ម៉ែត្រ ឬឈានដល់លើសពី ២ម៉ែត្រ៕

ប្រែសម្រួល៖ Vann Vann

ប្រភព៖ Thaiger

ចុចអាន៖ ព្យុះ Khanun សម្លាប់មនុស្សនៅជប៉ុន រួចបន្តទៅវាយប្រហារ កោះតៃវ៉ាន់