ព័ត៌មានអន្ដរជាតិ
ថៃ គ្រោងចេញច្បាប់ ហាមជក់កញ្ឆា សម្រាប់ការកម្សាន្ត
តាមការចុះផ្សាយរបស់ Bangkok Post, ក្រសួងសុខាភិបាលថៃ បានឲ្យដឹងនៅថ្ងៃអង្គារទី៦ខែកុម្ភៈថា រាជរដ្ឋាភិបាល នឹងចាត់វិធានការជាបន្ទាន់ ចំពោះច្បាប់មួយដែលនឹងហាមប្រាមការជក់កញ្ឆាជាលក្ខណៈកម្សាន្ត បន្ទាប់ពីប្រទេសនេះ ប្រើប្រាស់កញ្ឆា និងដកចេញពីបញ្ជីគ្រឿងញៀនក្នុងឆ្នាំ២០២២។
![](https://www.kampucheathmey.com/wp-content/uploads/2024/02/image-362-1024x575.png)
ក្រោយចាត់ទុកកញ្ឆាជារឿងស្របច្បាប់ មានហាងលក់កញ្ឆារាប់រយកន្លែង បានរីកដុះដាលពាសពេញប្រទេស ជាពិសេសក្នុងទីក្រុងបាងកកតែម្តង ដែលជាហេតុបង្កឲ្យមានក្តីព្រួយបារម្ភ ហើយជំរុញឲ្យអនុវត្តច្បាប់តឹងរ៉ឹងជាងមុន។
បញ្ហាក៏កើតមានផងដែរកាលពីចុងសប្តាហ៍មុន បន្ទាប់ពីភ្ញៀវចូលរួមកម្មវិធីរបស់ក្រុមតន្ត្រីរ៉ុកអង់គ្លេស Coldplay នៅទីក្រុងបាងកក បានត្អូញត្អែរនៅលើប្រព័ន្ធផ្សព្វផ្សាយសង្គមថា “ការប្រគំតន្ត្រីទាំងមូលមានក្លិនដូចកញ្ឆា”។
![](https://www.kampucheathmey.com/wp-content/uploads/2024/02/image-364-1024x682.png)
ឆ្លើយតបចំពោះបញ្ហានេះ រដ្ឋមន្ត្រីក្រសួងសុខាភិបាលថៃ គូសបញ្ជាក់ថា ច្បាប់ថ្មី ដែលហាមជក់កញ្ឆាសម្រាប់ការកម្សាន្ត នឹងត្រូវដាក់ស្នើទៅកិច្ចប្រជុំគណៈរដ្ឋមន្ត្រីនៅសប្តាហ៍ក្រោយ។
ស្របពេលជាមួយគ្នានោះ លោក Chonlanan Srikaew បានប្រាប់អ្នកយកព័ត៌មានថា “ច្បាប់ថ្មីនេះ នឹងត្រូវកែប្រែពីច្បាប់ដែលមានស្រាប់ ដើម្បីអនុញ្ញាតឲ្យប្រើកញ្ឆាតែសម្រាប់គោលបំណងសុខភាព និងឱសថប៉ុណ្ណោះ ខណៈការប្រើដើម្បីសប្បាយ គឺត្រូវបានចាត់ទុកថាខុស”។
![](https://www.kampucheathmey.com/wp-content/uploads/2024/02/image-366-1024x576.png)
ពាក់ព័ន្ធរឿងនេះ លោកនាយករដ្ឋមន្ត្រី សេដ្ឋា ថាវីស៊ីន បានចេញមុខប្រឆាំងជារឿយៗចំពោះការប្រើប្រាស់កញ្ឆាសម្រាប់ការកម្សាន្ត ហើយសង្កត់ធ្ងន់ថា កញ្ឆាគួរតែអនុញ្ញាតឲ្យប្រើសម្រាប់តែឱសថបានហើយ។
សូមជម្រាបជាថ្មី ថៃបានក្លាយជាប្រទេសអាស៊ីដំបូងគេ ដែលបើកផ្លូវអនុញ្ញាតឲ្យដាំនិងប្រើប្រាស់កញ្ឆាក្នុងចំណីអាហារ។ វិធានការនេះចូលជាធរមាន នៅថ្ងៃព្រហស្បតិ៍ទី៩មិថុនាឆ្នាំ២០២២៕
អត្ថបទ៖ សុខ សុវណ្ណ
-
សន្តិសុខសង្គម១ សប្តាហ៍ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម១ សប្តាហ៍ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម១ សប្តាហ៍ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៧ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ១ សប្តាហ៍ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៥ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៤ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ២ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ