Connect with us

សុខភាព

វ៉ាក់សាំងកូវីដ ៣ប្រភេទកំពុងមានវត្តមាននៅកម្ពុជា អាចចាក់ជូនអ្នកជំងឺថ្លើមបានដោយសុវត្ថិភាពនិងប្រសិទ្ធភាព

បានផុស

នៅ

វ៉ាក់សាំង ៣ ប្រភេទដែលកំពុងមានវត្តមានក្នុងប្រទេសកម្ពុជាបច្ចុប្បន្ន ត្រូវបានអ្នកជំនាញអះអាងថា អាចចាក់ជូនអ្នកកើតជំងឺថ្លើមបានដោយសុវត្ថិភាពនិងប្រសិទ្ធភាព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើយោងតាមការចុះផ្សាយពីគេហទំព័រ NSH របស់អង់គ្លេស ការចាក់វ៉ាក់សាំង AstraZeneca វ៉ាក់សាំង Moderna និងវ៉ាក់សាំង Pfizer ត្រូវបានអនុញ្ញាត្តឱ្យប្រើប្រាស់ចំពោះប្រជាជនទូទៅ បូករួមទាំងអ្នកដែលប្រឈមហានិភ័យខ្ពស់រួមមាន មនុស្សចាស់ និងអ្នកដែលមានជំងឺរ៉ាំរ៉ៃមួយចំនួនផងដែរ។ ក្នុងនោះអ្នកជំងឺថ្លើម ក៏មានឱកាសទទួលវ៉ាក់សាំងទាំង ៣នេះដូចគ្នា។

តាមការសិក្សាបង្ហាញថា ក្រុមអ្នកជំងឺរលាកថ្លើមប្រភេទB ប្រភេទC ពុំមានផលប៉ះពាល់ឬគ្រោះថ្នាក់ដល់អាយុជីវិតឡើយ។

ដោយឡែកអ្នកជំងឺមហារីកថ្លើម អ្នកប្តូរសរីរាង្គថ្លើម អ្នកជំងឺក្រិនថ្លើម អ្នកជំងឺរលាកថ្លើម ដែលមានប្រព័ន្ធការពារចុះខ្សោយ ក៏ត្រូវបានអនុញ្ញាតឱ្យទទួលការចាក់វ៉ាក់សាំងបានដែរ  ដោយសារក្រុមអ្នកជំងឺទាំងនេះ អាចវិវត្តកាន់តែធ្ងន់ធ្ងរ ប្រសិនពួកគេឆ្លងកូវីដ-១៩។

ថ្វីត្បិតប្រសិទ្ធភាព និងសុវត្ថិភាពសម្រាប់អ្នកជំងឺថ្លើម ក្រោយចាក់ថ្នាំបង្ការទាំង ៣ខាងលើ នៅពុំទាន់មានការបញ្ជាក់ច្បាស់អំពីកម្រិតការពារក៏ដោយ ប៉ុន្តែប្រសិទ្ធភាពប្រឆាំងនឹងការចម្លងវីរុសកូវីដ-១៩ នៅតែមានចំពោះអ្នកជំងឺថ្លើមដែលចាក់ពីរដូសរួចរាល់។

ទោះយ៉ាងណា មុនទទួលការចាក់វ៉ាក់សាំងសម្រាប់ក្រុមអ្នកជំងឺថ្លើម តម្រូវឱ្យមានការពិនិត្យ និងពិភាក្សាជាមួយវេជ្ជបណ្ឌិតសិន ដើម្បីឱ្យច្បាស់ពីស្ថានភាពសុខភាពជាក់ស្ដែង។​

គួរបញ្ជាក់ថា វ៉ាក់សាំងទាំង ៣ខាងលើ មានវត្តមាននៅកម្ពុជាហើយ ដែលវ៉ាក់សាំង Moderna និងវ៉ាក់សាំង Pfizer ត្រូវបានអនុញ្ញាតឱ្យនាំចូលដោយមន្ទីរពេទ្យឯកជនសម្រាប់ពលរដ្ឋដែលមានលទ្ធភាពចំណាយដោយខ្លួនឯង។ ​រីឯវ៉ាក់សាំង AstraZeneca របស់អង់គ្លេស កំពុងប្រើជាវ៉ាក់សាំងដូសទី៣ ឬដូសជំរុញ សម្រាប់អ្នកដែលប្រឈមហានិភ័យខ្ពស់៕

ប្រែសម្រួល៖ សន្យា

ចុចអាន៖ អ្នកមានជំងឺរ៉ាំរ៉ៃប៉ុន្មានមុខនេះ អាចចាក់វ៉ាក់សាំង Johnson & Johnson បានដោយសុវត្ថិភាព

ចុចអាន៖ អ្នកជំងឺមហារីកដែលចាក់វ៉ាក់សាំង Pfizer ពេញ ២ ដូស ដុះអង់ទីគ័រប្រឆាំងកូវីដមិនគួរឲ្យជឿ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម