សុខភាព
ក្រសួងបរិស្ថានបង្ហាញសន្ទស្សន៍កាំរស្មី យូវី ពីកម្រិតហានិភ័យទាបដល់កម្រិតខ្ពស់ខ្លាំងណាស់
ភ្នំពេញ៖ ក្រសួងបរិស្ថានបានបង្ហាញសន្ទស្សន៍កាំរស្មី UV (យូវី) ពីកម្រិតហានិភ័យទាបដល់កម្រិតខ្ពស់ខ្លាំងណាស់ដើម្បីឱ្យប្រជាពលរដ្ឋចេះការពារសុខភាព ខណៈកម្ពុជាកំពុងមានសន្ទស្សន៍កាំរស្មី យូវីកម្រិត១០ ដែលជាកម្រិតខ្ពស់ខ្លាំងណាស់។
បើតាមក្រសួងបរិស្ថានបានឱ្យដឹងថា សន្ទស្សន៍កាំរស្មី យូវី បែងចែកជា៥ពណ៌តាមកម្រិតនីមួយៗ ក្នុងនោះពណ៌បៃតង ជាពណ៌ដែលមានហានិភ័យទាបដែលមានសន្ទស្សន៍កាំរស្មីយូវី ពី០ទៅដល់២។ វាមានគ្រោះថ្នាក់ទាបសម្រាប់មនុស្សទូទៅដោយតម្រូវឱ្យពាក់វ៉ែនតាការពារពន្លឺព្រះអាទិត្យ។ ប្រសិនបើលោកអ្នកងាយរងឥទ្ធិពលដោយសារពន្លឺព្រះអាទិត្យ និងប្រើឡេការពារកំដៅថ្ងៃ។
សន្ទស្សន៍កាំរស្មីយូវី ពី៣ទៅ៥ មានពណ៌លឿង កម្រិតហានិភ័យមធ្យម ពីកាំរស្មីពន្លឺព្រះអាទិត្យ។ ត្រូវស្ថិតនៅក្នុងម្លប់នៅពេលថ្ងៃត្រង់ជាពេលដែលព្រះអាទិត្យមានពន្លឺខ្លាំងបំផុត ប្រសិនបើនៅខាងក្រៅចូរស្លៀកសំលៀកបំពាក់វែងពាក់ស្រោមដៃដែលការពារកំដៅថ្ងៃ ពាក់មួកដែលមានហាម និងពាក់វ៉ែនតាការពារ និងលាបឡេការពារកម្ដៅថ្ងៃ។
សន្ទស្សន៍កាំរស្មីយូវី ពី៦ទៅ៧ ជាពណ៌ លឿងទុំកម្រិតហានិភ័យខ្ពស់ នៅពេលស្ថិតនៅក្រោមពន្លឺព្រះអាទិត្យយូរ។ ត្រូវប្រើប្រាស់ឧបករណ៍ និងផលិតផលការពារការរលាកស្បែក គឺជាការចាំបាច់។ ត្រូវកាត់បន្ថយពេលវេលាស្ថិតក្រោមពន្លឺព្រះអាទិត្យចន្លោះ ពីម៉ោង១០ទៅ៤ រសៀល ប្រសិនបើនៅខាងក្រៅ ស្វែងរកម្លប់ជ្រកស្លៀកសំលៀកបំពាក់វែង ពាក់ស្រោមដៃការពារកំដៅថ្ងៃ ពាក់មួកដែលមានហាមធំ និងពាក់វ៉ែនតាការពារកាំរស្មីយូវី។
សន្ទស្សន៍កាំរស្មីយូវី ពី៧ទៅ១០ ពណ៌ក្រហម កម្រិតហានិភ័យខ្ពស់ខ្លាំង មានន័យថាមានហានិភ័យខ្ពស់ពេលដែលស្ថិតនៅក្រោមពន្លឺព្រះអាទិត្យយូរ។ ត្រូវប្រុងប្រយ័ត្នខ្ពស់ និងការពារបន្ថែមចំពោះស្បែក និងភ្នែក។កាត់បន្ថយពេលវេលាស្ថិតក្រោមពន្លឺព្រះអាទិត្យ ពីចន្លោះម៉ោង១០ព្រឹកដល់ម៉ោង៤រសៀល។ ប្រសិនបើនៅខាងក្រៅត្រូវស្វែងរកម្លប់ជ្រក ស្លៀកសំលៀកបំពាក់វែង ពាក់ស្រោមដៃការពារកំដៅថ្ងៃ ពាក់មួកដែលមានហាមធំ និងពាក់វ៉ែនតាការពារកាំរស្មីយូវី។
សន្ទស្សន៍កាំរស្មីយូវីចាប់ពី១១ឡើងទៅ ពណ៌ស្វាយកម្រិតហានិភ័យខ្ពស់ខ្លាំងណាស់ សន្ទស្សន៍នេះមានន័យថាមានគ្រោះថ្នាក់ខ្លាំងណាស់នៅពេលស្ថិតនៅក្រោមពន្លឺព្រះអាទិត្យយូរ។ សូមប្រយ័ត្នទាំងអស់គ្នាចំពោះស្បែក និងភ្នែកជៀសវាងការប៉ះពាល់នឹងកម្ដៅថ្ងៃចន្លោះម៉ោង១០ ដល់ម៉ោង៤រសៀល។ ប្រសិនបើនៅខាងក្រៅ ស្វែងរកសំលៀកបំពាក់វែង ពាក់ស្រោមដៃការពារកំដៅថ្ងៃ ពាក់មួកដែលមានហាមធំ និងពាក់វ៉ែនតាការពារកាំរស្មីយូវី។
លោក វេជ្ជបណ្ឌិត លី សុវណ្ណ ប្រធាននាយកដ្ឋានប្រយុទ្ធនឹងជំងឺឆ្លងនៃក្រសួងសុខាភិបាល បានមានប្រសាសន៍នៅព្រឹកថ្ងៃទី១៨ សីហានេះថា ការកើនឡើងសន្ទស្សន៍កាំរស្មី UV ចាប់ពី១០ឡើងទៅនេះ ធ្វើឱ្យប៉ះពាល់ដល់សុខភាពរបស់មនុស្ស ពិសេសប៉ះពាល់ដល់ស្បែក អាចឱ្យងាយរលាកស្បែក សម្លាប់កោសិកាស្បែក ធ្វើឱ្យភ្នែកខូចគុណភាព ឬរលាកភ្នែកជាដើម។
លោកវេជ្ជបណ្ឌិត បានបន្តថា ករណីមួយទៀតនៅប្រទេសកម្ពុជាមិនមានទេ តែវាកើតឡើងនៅប្រទេសនៅជាប់ប៉ូលខាងជើង និងប៉ូលខាងត្បូង ដែលមានស្រទាប់អូហ្សូនស្តើង ហើយមានមនុស្សខ្លះឧស្សាហ៍ដេកហាលថ្ងៃអាចបង្កឱ្យមានជំងឺមហារីកស្បែក។
ក្រសួងធនធានទឹក និងឧត្តុនិយមបានប្រកាស កាលពីថ្ងៃទី១៧ ខែសីហាថា ដោយយោងតាមការស្រាវជ្រាវរបស់អង្គការឧតុនិយមពិភពលោក WMO បានបង្ហាញឱ្យឃើញនៅតំបន់ឥណ្ឌូចិន ចាប់ពីថ្ងៃទី១៨ ដល់ថ្ងៃទី ២៤ ខែសីហា ឆ្នាំ២០២១នេះ នឹងទទួលរងឥទ្ធិពលកាំរស្មីព្រះអាទិត្យ UV ដែលមានសន្ទស្សន៍កើនឡើងដល់កម្រិត ១០ ដែលជាកម្រិតត្រូវមានការប្រុងប្រយ័ត្ននៅចន្លោះពីម៉ោង ១០ព្រឹក ដល់ម៉ោង ០២រសៀល ដែលនឹងបង្កឱ្យមានហានិភ័យ និងប៉ះពាល់ដល់សុខភាពរបស់មនុស្ស សត្វ និងរុក្ខជាតិជាខ្លាំង៕
អត្ថបទ៖ សំអឿន
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?