Connect with us

សុខភាព

ចាក់វ៉ាក់សាំង Pfizer និង Moderna អាចជួបផលរំខានកម្រ “ហើមកូនកណ្ដុរ”

បានផុស

នៅ

គ្នា​យើង​ភាគ​ច្រើន​ដែល​បាន​ចាក់​វ៉ាក់សាំង​កូវីដ-១៩ ទាំង​ពីរ​ដូស និង​ដូស​ជំរុញ​លើក​ទី៣ ច្បាស់​ជា​បាន​យល់​ច្រើន​ពី​ផល​រំខាន ​កើត​ឡើង​ក្រោយ​ចាក់​ហើយ។ ធម្មតាផល​រំខាន​របស់​វ៉ាក់សាំង ​មិន​មាន​អ្វី​ច្រើន​ក្រៅ​ពី​ក្ដៅ​ខ្លួន ចុក​ដៃ ឬ​អស់​កម្លាំង​ទេ ប៉ុន្តែ​វ៉ាក់សាំង​ក៏​អាច​បង្ក​ផល​រំខាន​កម្រ​មួយ​ចំនួន​បាន​ដែរ ជាក់ស្ដែង​ដូច​ជា វ៉ាក់សាំង Pfizer និង Moderna ជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោង​តាម​របាយការណ៍​សុវត្ថិភាព​វ៉ាក់សាំង​កូវីដ-១៩របស់ Therapeutic Goods Administration (TGA) នៃ​ក្រសួង​សុខាភិបាល​ប្រទេស​អូស្ត្រាលី​​ចេញ​លើក​ដំបូង​ក្នុង​ឆ្នាំ ២០២២​នេះ ការ​ហើម​កូន​កណ្ដុរ គឺ​ជា​ផល​រំខាន​មិន​ល្អ​មួយ​ដែល​ត្រូវ​បាន​រាយការណ៍​ញឹក​ញាប់​បំផុត ​បន្ទាប់​ពី​ចាក់​វ៉ាក់សាំង​ដូសជំរុញ។

ការ​ធ្វើ​តេស្ដ​សាកល្បង​គ្លីនិក​បង្ហាញ​ឲ្យ​ឃើញ​ថា មនុស្ស​ម្នាក់​ក្នុង​ចំណោម ២០​នាក់​ដែល​ចាក់​វ៉ាក់សាំង Pfizer ហើយ​មនុស្ស​ម្នាក់​ក្នុង​ចំណោម ១០​នាក់​ដែល​ចាក់​វ៉ាក់សាំង Moderna ជួប​បញ្ហា​ហើម ឬ​ឈឺ​កូន​កណ្ដុរ​ត្រង់​តំបន់​ក្លៀក បន្ទាប់​ពី​ចាក់​ដូស​ជំរុញរួច។

ស្រប​គ្នា​នេះ របាយការណ៍ TGA បញ្ជាក់​ថា ការ​ហើម ឬ​ឈឺ​កូន​កណ្ដុរ​ក្រោយ​ចាក់​វ៉ាក់សាំង​ដូស​ជំរុញ ជា​ផល​រំខាន​កម្រ តែ​មិន​មែន​ជា​បញ្ហា​គួរ​ឲ្យ​ព្រួយ​បារម្ភ​នោះ​ទេ ហើយ​ក៏​ជា​សញ្ញា​មួយ​បញ្ជាក់​ថា​រាងកាយ​កំពុង​បង្កើត​អង់ទីគ័រ​ប្រឆាំង​នឹង​វីរុស។ នេះ​មិន​មាន​ន័យ​ថា ទាល់​តែ​ហើម​កូន​កណ្ដុរ ឬ​មាន​សញ្ញា​ផល​រំខាន​ដទៃ​ទើប​វ៉ាក់សាំង​មាន​ប្រសិទ្ធភាព និង​ក្នុង​ខ្លួន​យើង​មាន​អង់ទីករ​នោះ​ទេ។ ពោល​គឺ​ ឲ្យ​តែ​យើង​បាន​ចាក់​វ៉ាក់សាំង ក្នុង​រាងកាយ​យើង​នឹង​មាន​រនាំង​ការពារ​ខ្លួន​ពី​វីរុស​ជានិច្ច។

យ៉ាង​ណា​មិញ បើ​គ្នា​យើង​ជា​មនុស្ស​ម្នាក់​ក្នុង​ចំណោម ១០-២០​នាក់​ទៀត​ដែល​ហើម​កូន​កណ្ដុរ​ ក្រោយ​ចាក់​វ៉ាក់សាំង​ជំរុញ មិន​បាច់​បារម្ភ​ពេក​ទេ ប៉ុន្តែ​បើ​កូន​កណ្ដុរ​ឡើង​ហើម​ធំ គួរ​តែ​ទៅ​ពិនិត្យ​ជាមួយ​គ្រូពេទ្យ ហើយ​បើ​កូន​កណ្ដុរ​មាន​ការ​ឈឺ​ចាប់ អាច​ញ៉ាំ​ថ្នាំ​បំបាត់​ការ​ឈឺ​ចាប់ និង​រង់ចាំ​រហូត​ធូរ​ស្រាល​ដោយ​ឯក​ឯង៕

អត្ថបទផ្ដល់ដោយ៖ Hello Krupet

ចុចអាន៖ក្រោយចាក់ដូសជំរុញ ហេតុអ្វីអ្នកខ្លះអត់ស្រួលខ្លួន តែខ្លះស្រស់ស្រាយធម្មតា?

ចុចអាន៖ដូសទី៤ ដុះអង់ទីគ័រមែន តែមិនទាន់ខ្លាំង ដល់កម្រិតការពារ អូមីក្រុង បានទេ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៧ នាទី មុន

មណ្ឌលព្យាបាលជំងឺកូវីដ-១៩ តេជោសន្តិភាព រាជធានី​ភ្នំពេញ​ សម្រេចការសាងសង់​បានជាង​៣០%

កីឡា២៧ នាទី មុន

ព្រះខ័នរាជស្វាយរៀង បន្តកាន់កាប់កំពូលតារាង ក្រោយយកឈ្នះគីរីវង់ ក្នុងជំនួបសប្ដាហ៍ទី៨

ជីវិតកម្សាន្ដ៤៣ នាទី មុន

Khaby Lame វ៉ាដាច់ Charli D’Amelio ក្លាយជាតារា TikTok មានអ្នកតាមដានច្រើនជាងគេលើលោក

សេដ្ឋកិច្ច១ ម៉ោង មុន

ចរន្តសាច់ប្រាក់ ២៤លានដុល្លាររាល់ខែ​ពីវិស័យឯកជន ជួយពលរដ្ឋជាង ១០ម៉ឺននាក់ ក្នុងខេត្តស្វាយរៀង

ព័ត៌មានជាតិ១៤ ម៉ោង មុន

ឧកញ៉ា ឡេង ប្រុស ឧបត្ថម្ភ​ថវិកា ១០​លាន​រៀល​ភ្លាម​ដល់​កីឡាករ ឡុង ជិន សង់ផ្ទះ​ក្រោយ​ខ្យល់​ខ្លាំង​បាក់​រំលំ​ខ្ទិច​អស់

Sokha Hotels

ព័ត៌មានពេញនិយម