សុខភាព
ផ្សព្វផ្សាយការផ្លាស់ប្ដូរនៃអនាម័យ ដែលទាក់ទងស្ត្រីផ្នែកសម្ភព
គោលបំណងនៃការផ្សព្វផ្សាយដល់ដៃគូពាក់ព័ន្ធដើម្បីចូលរួមក្នុងការគាំទ្រទៅលើអទិភាពផ្នែកសម្ភពដែលធ្វើនៅពេលរសៀលថ្ងៃទី២៤ ខែមករា ឆ្នាំ២០២២ នៃសណ្ឋាគារអិល ប៊ី អិន អេស៊ាន ខេត្តកំពង់ចាម។
ការផ្សព្វផ្សាយនេះ មានការស្វាគមន៍ដោយលោកនាយកប្រចាំប្រទេសនៃអង្គការ វ៉ត.ធឺ អេត លោក ឆាត់ សុភាព មានប្រសាសន៍ថា បើសិនជាគេនិយាយអំពីអនាម័យវិញ គឺសំដៅទៅលើមន្ត្រីរបស់យើងដែលត្រូវតែអនុវត្តមុនគេ ក្នុងការរក្សានៅសុវត្ថិភាពអនាម័យ ទឹក និងអនាម័យបង្គន់ ជាពិសេស គឺអនាម័យទូទៅតែម្ដង។ ដែលបញ្ហាទាំងអស់នេះជាប្រភពនៃការចម្លងមេរោគដល់ស្ត្រីដែលមានផ្ទៃពោះ ឬសម្រាលកូន ក្នុងពេលសម្រាលក៏ដូចជាក្រោយការសម្រាលជាដើម។
លោកបន្តថា ប្រការនេះ គឺចាំបាច់បំផុតរបស់មន្ត្រីសុខាភិបាល ធ្វើយ៉ាងណាត្រូវតែផ្តល់សេវាឲ្យគាត់ទៅទទួលកន្លែងដែលមានសុវត្ថិភាពល្អ។ លោកថ្លែងទៀតថា លោកធ្លាប់បានចូលរួមវគ្គមួយដែលនិយាយអំពីរោគស្ត្រីនៅខេត្តកំពង់ចាម។ ដែលកាលពីមុនមានការខ្វះខាត ទឹកស្អាតបង្គន់ប្រើប្រាស់ ពេលដែលស្ត្រីមកទទួលសេវានៅមន្ទីរពេទ្យនាំឲ្យគាត់នាំជំងឺយកទៅវិញ។ ដូច្នេះយើងបានផ្លាស់ប្ដូរឥរិយាបថនៅមន្ទីរពេទ្យខេត្តយើងនេះដោយកែប្រែពីការអត់បង្គន់មកមានបង្គន់អនាម័យ ដែលជាហេតុនាំឲ្យកាត់បន្ថយនូវជំងឺឆ្លងផ្សេងៗ ក្រោយពេលសម្រាលហើយក៏លែងឃើញពួកគាត់ ចូលមកមើលជំងឺដូចមុនៗទៀតហើយ។
ដោយឡែកលោកសាស្ត្រាចារ្យ អ៊ា ប៉ អនុប្រធានវិទ្យាស្ថានជាតិ សុខភាពសាធារណៈ មានប្រសាសន៍ថា ការងារនេះត្រូវបានផ្ដោតទៅលើស្ត្រី កាលណាគាត់មកសម្រាលកូន តែងតែមានឪពុកម្ដាយបងប្អូនមកសួរសុខទុក្ខដែលជាហេតុនាំឲ្យប៉ះពាល់ដល់ទារកដោយដៃ ដែលទាក់ទងទៅលើអនាម័យដល់ទារក។ ដូច្នេះមានតែការបណ្ដុះបណ្ដាលចំពោះអ្នកដែលប៉ះពាល់ផ្ទាល់ជាមួយស្ត្រីដែលសម្រាលកូន។ ចំពោះបុគ្គលទាំងនោះហើយ ដែលមានសកម្មភាពប៉ះពាល់ជាមួយស្ត្រីដែលសម្រាកកូន ជាហេតុនាំឲ្យបង្កគ្រោះថ្នាក់ដល់ស្ត្រីដែលសម្រាល។
ដុកទ័រ រ៉ូ បឺត អ្នកដឹកនាំគម្រោងស្រាវជ្រាវពីសាលាវេជ្ជសាស្ត្រត្រូពិចទីក្រុងឡុងដ៍ បានបង្ហាញតាមវីដេអូzoom ថា ការធ្វើអនាម័យ គឺមានសារៈសំខាន់ណាស់មិនមែនយើងអប់រំតែបុគ្គលិកទេ សំខាន់អ្នកដែលមកមើលមានដូចជា ម្ដាយ ឪពុករបស់គាត់ និងអ្នកដែលមកប៉ះពាល់ទារកផ្ទាល់ដោយដៃមិនស្អាត។ ដូច្នេះយើងត្រូវតែយកចិត្តទុកដាក់ ជុំវិញបញ្ហានេះដែលជាកត្តាសំខាន់បំផុត។
ក្នុងការបង្ហាញនេះ ដែលមានការចូលរួមដើម្បីទទួលយកចំណេះដឹងផ្នែកសម្ភព ប្រធានមន្ទីរបង្អែកដែលពួកគាត់និយាយថា ក្រោយបានទទួលយកនូវចំណេះដឹង ផ្នែកសម្ភព និងយកទៅផ្សព្វផ្សាយបន្តទៅបន្តទៅដល់បុគ្គលិក មន្ទីរពេទ្យនីមួយៗមានដូចជា ទទួលបាននូវចំណេះដឹងហើយ និងបន្តផ្សព្វផ្សាយទៅដល់បុគ្គលិកបន្ថែមទៀត ហើយការចូលរួមនេះ មានប្រធានមន្ទីរពេទ្យបង្អែកស្រីសន្ធរ. ក្រាំងមាស កោះសូទិន ចំការលើ.ស្ទឹងត្រង់.ព្រៃឈរ បាធាយ.និងមន្ទីរពេទ្យបង្អែកជើងព្រៃ ផងដែរ៕
អត្ថបទ៖ រុងរឿង
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)