សុខភាព
ការបរិភោគសាច់ឆ្កែអាចធ្វើឱ្យប៉ះពាល់ដល់សុខភាពមនុស្ស រហូតឈានដល់បាត់បង់ជីវិត
នៅក្នុងតំបន់អាស៊ីភាគច្រើនសម្បួរទៅដោយការបរិភោគសាច់ឆ្កែ ព្រោះគេតែងជឿថា សាច់ឆ្កែជួយព្យាបាលជំងឺ និងជាថ្នាំដ៏ពិសេសមួយសម្រាប់ប៉ូវកម្លាំង។ ប៉ុន្តែ គេមិនបានដឹងឡើយថា សាច់ឆ្កែសម្បូរទៅដោយមេរោគ ព្រោះ ឆ្កែអនាថា និងឆ្កែមិនបានមើលថែដិតដល់ អាចបង្កឱ្យមនុស្សកើតជំងឺឆ្កែឆ្គួត និងជំងឺឆ្លងផ្សេងៗទៀត ជួនកាលឈានដល់ការបាត់បង់ជីវិតទៀតផង។ ការបរិភោគសាច់ឆ្កែ ធ្វើឱ្យមនុស្សអាចកើតនូវជំងឺឆ្កែឆ្គួត ជំងឺអាសន្នរោគ ជំងឺTrichinellosis ជំងឺថ្លើម និងជំងឺឆ្លងផ្សេងៗទៀត។
១.ជំងឺឆ្កែឆ្គួត៖ ជំងឺនេះ តែងមានគេភាន់ច្រឡំថា ទាល់តែឆ្កែឆ្គួតខាំទើបអាចឆ្លងជំងឺនេះបាន ប៉ុន្តែ ប្រសិនបើមនុស្សបរិភោគសាច់ឆ្កែដែលផ្ទុកនូវជំងឺនេះ ក៏អាចឆ្លងទៅកាន់មនុស្សបានផងដែរ។ ដូច្នេះ មនុស្សមិនគួរនាំគ្នាបរិភោគសាច់ឆ្កែទៀតឡើយ ព្រោះសាច់ឆ្កែដែលគេជ្រើសយកមកធ្វើអាជីវកម្មសុទ្ធសឹងតែជាឆ្កែអនាថា គ្មានការថែទាំបានត្រឹមត្រូវ និងមិនស្របច្បាប់ ជាហេតុធ្វើឱ្យគ្មានការពិនិត្យបានច្បាស់លាស់មុននឹងយកមកធ្វើជាអាហារឡើយ។ ជំងឺឆ្កែឆ្គួត អាចមានហានិភ័យខ្ពស់ក្នុងការឆ្លងមកមនុស្ស។
២.ជំងឺអាសន្នរោគ៖ មេរោគដែលមាននៅក្នុងខ្លួនឆ្កែ បានបង្កឱ្យកើតមាននូវជំងឺអាសន្នរោគដល់អ្នកបរិភោគ ដែលបង្កជាជំងឺរាគ ក្អួត ចុកពោះ ក្នុងកម្រិតធ្ងន់ធ្ងរ។ ទាំងនេះ បណ្តាលមកពីឆ្កែដែលគេយកមកធ្វើម្ហូបនោះ ជាឆ្កែអនាថា ឬមិនបានមើលថែត្រឹមត្រូវ។
៣. ជំងឺ Trichinellosis៖ ជំងឺនេះ វាមានភាពរីករាលដាលពីឆ្កែទៅមនុស្សបណ្តាលឱ្យរលាកក្នុងសរសៃឈាម វាត្រូវការពេលយូរក្នុងការបង្ហាញនូវរោគសញ្ញាទាំងនោះ។ នៅពេលមនុស្សមានជំងឺនេះ នឹងមានការហូរឈាមតាមក្រចកដៃ និងភ្នែក ហើយឈានដល់ស្លាប់តែម្តងក្នុងករណីធ្ងន់ធ្ងរ។ ក៏ប៉ុន្តែ មិនសូវមាននរណាបានជួបនូវជំងឺនេះឡើយ។ ម្យ៉ាងទៀត ជំងឺនេះមិនបានឆ្លងពីមនុស្សម្នាក់ទៅមនុស្សម្នាក់ដូចផ្តាសាយទេ តែវាឆ្លងចំពោះអ្នកដែលបានបរិភោគឆ្កែមានផ្ទុកមេរោគនេះប៉ុណ្ណោះ។
សូមបញ្ជាក់ឲ្យដឹងថា សត្វឆ្កែប្រហែល ៣០លានក្បាល និងឆ្មា១០លានក្បាល ត្រូវបានសម្លាប់នៅទូទាំងអាស៊ីសម្រាប់បម្រើតម្រូវការរបស់មនុស្សជារៀងរាល់ឆ្នាំ ប៉ុន្តែនៅមិនទាន់មានច្បាប់ការពារច្បាស់លាស់នៅឡើយទេ។ អាជីវកម្មសាច់ឆ្កែនេះ មានការរីករាលដាលច្រើនបំផុតក្នុងប្រទេសចិន កូរ៉េខាងត្បូង ឥណ្ឌូនេស៊ី កម្ពុជា ឡាវ វៀតណាម និងផ្នែកមួយចំនួននៃភាគខាងជើងប្រទេសឥណ្ឌា។ ទោះយ៉ាងណាក៏ដោយ នៅទីក្រុងហុងកុង ហ្វីលីពីន តៃវ៉ាន់ ថៃ និងសិង្ហបុរី បានហាមឃាត់ការជួញដូរ និងបរិភោគសាច់ឆ្កែ។ ការអនុវត្តនេះ ក៏មានជាទូទៅនៅកន្លែងខ្លះ នៅអឺរ៉ុប រុស្ស៊ី អាហ្វ្រិក និងអាមេរិកឡាទីនផងដែរ៕
ដោយ៖ អុន ស្រីមាន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ