Connect with us

សុខភាព

ប្រទេស ហ្គាំប៊ី ផ្អាកលក់ថ្នាំសេរ៉ូ ប៉ារ៉ាសេតាម៉ុល បន្ទាប់ពីមានកុមាររាប់សិបនាក់ ស្លាប់

បានផុស

នៅ

កាលពីថ្ងៃអង្គារទី១៣ខែកញ្ញា ប្រទេស ហ្គាំប៊ី បានបញ្ជាឲ្យក្រុមហ៊ុននាំចូល និងហាងនានា ផ្អាកការលក់ថ្នាំសេរ៉ូ ប៉ារ៉ាសេតាម៉ុលគ្រប់ម៉ាក ខណៈរដ្ឋាភិបាលកំពុងស៊ើបអង្កេត លើការជាប់ពាក់ព័ន្ធរវាងថ្នាំនេះ និងការស្លាប់របស់កុមាររាប់សិបនាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃព្រហស្បតិ៍សប្តាហ៍មុន ប្រធានសេវាសុខភាពរបស់ប្រទេសអាហ្រ្វិកខាងលិចមួយនេះ បាននិយាយថា ខ្លួនចាប់ផ្តើមធ្វើការស៊ើបអង្កេត ចាប់តាំងពីករណីរបួសតម្រងនោមស្រួចស្រាវក្នុងចំណោមកុមារដែលមានអាយុក្រោម៥ឆ្នាំ ត្រូវបានរកឃើញកាន់តែច្រើនឡើងៗនៅចុងខែកក្កដា។

ទោះបីជាយ៉ាងណាក៏ដោយ និយតករឱសថហ្គាំប៊ី (MCA) បាននិយាយថា មិនទាន់មានទិន្នន័យគ្រប់គ្រាន់ដើម្បីធានាការហាមឃាត់ជាទូទៅលើថ្នាំសេរ៉ូ ប៉ារ៉ាសេតាម៉ុល ដែលគេតែងតែប្រើដើម្បីព្យាបាលគ្រុនក្តៅចំពោះកុមារនោះទេ។

កុមារដែលស្លាប់ មានចេញរោគសញ្ញាដូចជា ពិបាកនោម ក្តៅខ្លួន និងក្អួត ដែលនាំទៅដល់ការខ្សោយតម្រងនោមយ៉ាងឆាប់រហ័ស។

កាលពីសប្តាហ៍មុន មន្ត្រីអង្គការសុខភាពពិភពលោកបាននិយាយថា ភ័ស្តុតាងបង្ហាញថា បញ្ហានេះមិនមែនបណ្តាលមកពីថ្នាំសេរ៉ូ ប៉ារ៉ាសេតាម៉ុលទេ ប៉ុន្តែបានសំដៅទៅលើប្រភពនៃជំងឺឆ្លងដូចជាទឹកកខ្វក់ជាដើម៕

ប្រែសម្រួល៖ Vann Vann

ប្រភព៖ Reuters

ចុចអាន៖ លោកយាយ វៀតណាម ម្នាក់ ពុលថ្នាំ ប៉ារ៉ាសេតាម៉ុល

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម