តើអ្នកដឹងទេជំងឺស្រឡទែនមានអាការៈបែបណាខ្លះ?

បើតាមរបាយការណ៍ពី Centers for Disease Control (CDC) ដែលជាគេហទំព័រផ្លូវការរបស់សហរដ្ឋអាមេរិក ចុះផ្សាយខែមិថុនា ឆ្នាំ២០២៤នេះ បានឱ្យដឹងថា ស្រឡទែន គឺជាមេរោគដែលកើតឡើងឆ្លងតាមវីរុសនៅក្រពេញទឹកមាត់ អាចបង្កទៅជាធ្ងន់ធ្ងរបាន ដែលមានរោគសញ្ញាទូទៅ ហើមថ្គាម ក្តៅខ្លួន អស់កម្លាំង ក្តៅខ្លួន បាត់បង់ចំណង់អាហារ និងឈឺក្បាល។

តាមប្រភពខាងលើ ជំងឺស្រឡទែន មានជាទូទៅក្នុងប្រទេសជាច្រើន ហើយអ្នកដែលឆ្លងជំងឺស្រឡទែន មិនឈឺភ្លាមៗទេ អាចចំណាយពេលពី ២ទៅ៤ សប្តាហ៍ទើបសញ្ញានៃមេរោគចាប់ផ្តើមបង្ហាញខ្លួន។ សញ្ញាទូទៅនៃស្រឡទែនគឺថ្ពាល់ហើម និងថ្គាមហើម។ នេះបណ្តាលមកពីក្រពេញទឹកមាត់ហើមនៅក្រោមត្រចៀកមួយចំហៀង ឬទាំងពីរ។ រោគសញ្ញាដំបូងអាចចាប់ផ្តើម ពីរ ឬបីថ្ងៃមុនពេលហើម។ ចំពោះអ្នកដែលកើតជំងឺនេះ ភាគច្រើនជាសះស្បើយក្នុងរយៈពេល២សប្តាហ៍។

ជាមួយគ្នានេះ ស្រឡទែនគឺជាជំងឺឆ្លងដែលបង្កឡើងដោយវីរុសស្រឡទែន។ វាឆ្លងតាមរយៈការប៉ះពាល់ផ្ទាល់ជាមួយទឹកមាត់ ឬដំណក់ទឹកផ្លូវដង្ហើមចេញពីមាត់ ច្រមុះ ឬបំពង់ក។ អ្នកអាចឆ្លងជំងឺស្រឡទែន និងចម្លងមេរោគដោយ ក្អក កណ្តាស់ ឬការនិយាយ។

ចំពោះការការពារខ្លួនេះពីជំងឺនេះ គឺការពារដោយចាក់វ៉ាក់សាំង។ ការទទួលថ្នាំបង្ការជំងឺស្រឡទែនចំនួនពីរដង គឺជាការការពារដ៏ល្អបំផុតប្រឆាំងនឹងជំងឺស្រឡទែន។ ជាធម្មតាវាត្រូវបានផ្តល់ជាវ៉ាក់សាំងរួមបញ្ចូលគ្នាហៅថា កញ្ជ្រឹល ស្រឡទែន និងវ៉ាក់សាំងស្អូច (MMR) ដែលការពារប្រឆាំងនឹងជំងឺទាំងបី។ ជំងឺនេះ ក៏អាច​ប៉ះពាល់​ដល់​ខួរ​ក្បាល​​ផងដែរ ព្រោះជំងឺនេះ​បាន​បង្ក​ការរលាក​នៅ​ខួរ​ក្បាល ដែលអាច​បង្ក​ឱ្យមាន​គ្រោះ​ថ្នាក់ដល់​ជីវិត​ដូចគ្នា៕​