KPT+

សម្រង់បំផុសគំនិត អំពីការរីកចម្រើននៃអាជីវកម្ម និងគន្លឹះជោគជ័យមិននៅទ្រឹង

បានផុស

១០ ខែ មុន

នៅ

ថ្ងៃចន្ទ ៤ តុលា ២០២១

ដោយ

អាជីវកម្មប្រឈមនឹងសម្ពាធ ដើម្បីរីកចម្រើន និងវិវត្តយ៉ាងឆាប់រហ័ស ហើយបន្តការប្រកួតប្រជែង។ ប៉ុន្តែការលូតលាស់អាចពិបាក សូម្បីតែអ្នកដែលពូកែបំផុត ក្នុងចំណោមយើង ពេលខ្លះក៏ត្រូវការការលើកទឹកចិត្តបន្ថែម។

សម្រង់ខាងក្រោមនេះ គឺជាប្រយោគបំផុសគំនិតថ្មីៗ និងធ្វើឲ្យជីវិតក្នុងអាជីវកម្មរីកចម្រើនទៅមុខ មិននៅទ្រឹងដូចមុន។

១ “ ការក្លាយជា មិនមែនសំដៅលើការទៅដល់កន្លែងណាមួយ ឬសម្រេចគោលដៅជាក់លាក់នោះទេ។ ខ្ញុំយល់ឃើញថា វាជាចលនាឆ្ពោះទៅមុខ ជាមធ្យោបាយវិវត្ត ជាវិធីឈានទៅមុខ ឆ្ពោះទៅរកខ្លួនឯង ដែលប្រសើរជាងមុន។ ដំណើរមិនចប់ទេ” Michelle Obama

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២ “ ភាពងាយរងគ្រោះរបស់អ្នក នឹងក្លាយជាកម្លាំងរបស់អ្នក ” ។ Sigmund Freud អ្នកជំនាញខាងសរសៃប្រសាទ

៣ “ ការជំរុញទឹកចិត្ត គឺជាធាតុផ្សំជំរុញឲ្យមានការបង្កើតថ្មីប្រកបដោយជោគជ័យ”។ Clayton Christensen សេដ្ឋវិទូនិងសាស្រ្តាចារ្យហាវ៉ាដ។

៤ ” គ្រប់បញ្ហាគឺជាអំណោយ បើគ្មានបញ្ហាយើងនឹងមិនរីកចម្រើនទេ” Anthony Robbins វាគ្មិននិងអ្នកនិពន្ធលើកទឹកចិត្ត។

៥ “ ការអនុលោមតាមច្បាប់ គឺជាអ្នកជាប់ឃុំឃាំងសេរីភាពនិងជាសត្រូវនៃការរីកចម្រើន” ។ John F. Kennedy ប្រធានាធិបតីទី ៣៥ នៃសហរដ្ឋអាមេរិក

៦ “ ភាពរឹងមាំនិងការរីកចម្រើន កើតចេញពីការខិតខំប្រឹងប្រែង និងការតស៊ូឥតឈប់ឈរ” ។ អ្នកនិពន្ធ Napoleon Hill

៧ ” មនុស្សគ្រប់គ្នាចង់រស់នៅលើកំពូលភ្នំ ប៉ុន្តែសុភមង្គលនិងការរីកចម្រើនទាំងអស់ កើតឡើងនៅពេលអ្នកកំពុងឡើងភ្នំ” ។ អ្នកកាសែត Andy Rooney

៨ “ មានតែអ្នកដែលប្រថុយនឹងការទៅឆ្ងាយទេ ទើបអាចដឹងថាមនុស្សម្នាក់អាចទៅបានឆ្ងាយប៉ុណ្ណា” ។ អ្នកនិពន្ធ T.S. Eliot

៩ “ បើអ្នកមិនសាងក្តីសុបិនអ្នកទេ អ្នកផ្សេងនឹងជួលអ្នកដើម្បីជួយពួកគេបង្កើតក្តីស្រមៃរបស់ពួកគេ” ។ Dhirubhai Ambani ស្ថាបនិកក្រុមហ៊ុនឧស្សាហកម្មពឹងផ្អែក។

១០ “ វិធីតែមួយគត់ដែលអ្នកនឹងទទួលបានជោគជ័យ គឺត្រូវជួបការបរាជ័យជាមុនសិន” ។ Sergey Brin សហស្ថាបនិកក្រុមហ៊ុន Google

១២ “ ដើម្បីជោគជ័យ អ្នកត្រូវមានបេះដូងក្នុងអាជីវកម្មរបស់អ្នក និងជំនួញរបស់អ្នក” ។ Thomas Watson អតីតនាយកប្រតិបត្តិក្រុមហ៊ុន IBM

១៣ ” ស្ទើរតែអ្វីៗទាំងអស់ដែលមានប្រយោជន៍ វានឹងមានហានិភ័យខ្លះ មិនថាការចាប់ផ្ដើមអាជីវកម្មថ្មី ការចាកចេញពីផ្ទះ ការរៀបការ ឬកំពុងហោះហើរក្នុងលំហនោះទេ” ។ Chris Hadfield អវកាសយានិក

១៤ “ បុគ្គលិករីករាយ នាំឲ្យអតិថិជនសប្បាយចិត្ត ដែលនាំឲ្យមានប្រាក់ចំណេញកាន់តែច្រើន” ។ Vaughn Aust, EVP អ្នកដំណោះស្រាយបញ្ហា

**William Durant សហស្ថាបនិកក្រុមហ៊ុន General Motors**

១៥ “ បំភ្លេចកំហុសអតីតកាល បំភ្លេចការបរាជ័យ បំភ្លេចអ្វីៗទាំងអស់ លើកលែងតែអ្វីដែលអ្នកនឹងធ្វើឥឡូវនេះ ហើយធ្វើវា” ។ William Durant សហស្ថាបនិកក្រុមហ៊ុន General Motors

ប្រែសម្រួល៖ សាង ស្រីល័ក្ខ

ចុចអាន៖សម្រង់សំដី ពីស្ដេចគ្រឿងអលង្ការ Johnny Dang លើកទឹកចិត្តដល់សហគ្រិន ទើបចាប់ផ្ដើមដំបូង

ចុចអាន៖សម្រង់សំដីដ៏មានអត្ថន័យរបស់ស្ត្រី ដាស់តឿនឲ្យមនុស្សគ្រប់រូបត្រូវយកឈ្នះចិត្តខ្លួនឯង

ចុចអាន៖សម្រង់សំដីដ៏មានអត្ថន័យរបស់អ្នកនិពន្ធ លោក jim rohn ដែលគួរតែអាន