KPT+
ពាក់អាវទ្រនាប់ខុសទំហំ នាំមកនូវផលប៉ះពាល់ ៨ ចំណុចនេះ
ការសិក្សាផ្នែកសរសៃនិងឆ្អឹងរកឃើញថា មនុស្សស្រី៨០ភាគរយពាក់អាវទ្រនាប់ខុសទំហំ ៧០ភាគរយពាក់អាវទ្រនាប់តូចពេក និង១០ភាគរយពាក់អាវទ្រនាប់ធំពេក។
យ៉ាងណាមិញ ស្ថិតិនេះមិនមែនជាអ្វីដែលគួរឲ្យភ្ញាក់ផ្អើលនោះទេដោយសារតែការស្វែងរកទំហំអាវទ្រនាប់ល្អឥតខ្ចោះពិតជាលំបាកណាស់សម្រាប់មនុស្សស្រី។ ករណីពាក់អាវទ្រនាប់តូចពេក ធំពេក ចាស់ពេក ឮយារពេកសុទ្ធសឹងតែបង្កផលប៉ះពាល់ដល់ផាសុកភាពរបស់អ្នកដូចខាងក្រោម៖
១. ឈឺដើមទ្រូង
អ្នកជួបបញ្ហានេះភាគច្រើនជាស្ត្រីដែលមានសុដន់ធំ ឧស្សាហ៍ហាត់ប្រាណ និងអស់រដូវ។ បើអាវទ្រនាប់នោះតូចពេក វានឹងរឹបសុដន់ពិបាកដកដង្ហើមឈឺចុកសុដន់ ប៉ុន្តែបើអាវទ្រនាប់នោះធំពេកសុដន់របស់អ្នកនឹងលោតដោយគ្មានការគ្រប់គ្រងនោះក៏ធ្វើឲ្យឈឺដែរ។
២. ឈឺខ្នង
អាវទ្រនាប់ដែលទ្រទ្រង់សុដន់មិនគ្រប់គ្រាន់នឹងបណ្ដាលឲ្យឈឺខ្នង។ ការស្រាវជ្រាវរកឃើញថាសុដន់ធំពេកជាកត្តាមួយនាំឲ្យមានបញ្ហាឈឺខ្នងផងដែរ ដូច្នេះការជ្រើសរើសអាវទ្រនាប់មិនងាយត្រូវនឹងទំហំល្អឥតខ្ចោះតែម្ដងនោះទេ។
៣. ឈឺស្មា និងឈឺក
ខ្សែអាវទ្រនាប់ខ្លះមានទំហំធំពេកដើម្បីស្ពាយសុដន់ធំក៏ធ្វើឲ្យឈឺស្មានិងករបស់មនុស្សស្រី ក្នុងចំណុចនេះអ្នកគួរតែពិភាក្សាជាមួយនឹងគ្រូពេទ្យដែលអ្នកទុកចិត្តក្នុងការវះកាត់បង្រួមសុដន់។
៤. ស្នាមសង្វារ និងរលាកស្បែក
នៅពេលអាវទ្រនាប់តឹងត្រដុសនឹងស្បែកពេក យូរៗទៅអ្នកនឹងឡើងស្នាមសង្វារឬរលាកស្បែកជាពិសេសខ្នង ស្មា និងក្រោមសុដន់។
៥. ឈឺឆ្អឹងជំនី
អាវទ្រនាប់គឺស្ថិតនៅលើឆ្អឹងជំនីរបស់យើងតែម្ដង ដូចនេះពេលអ្នកពាក់អាវទ្រនាប់តឹងពេកវានឹងធ្វើឲ្យចង្អៀតហើយឈឺចុករោយឆ្អឹង។
៦. សុដន់យារ
ចំណុចនេះគេសំដៅទៅលើអាវទ្រនាប់ធំជាងសុដន់ ដោយសារតែដើមទ្រូងរបស់អ្នកត្រូវការការទ្រទ្រង់ពីអាវទ្រនាប់ទើបវាមិនធ្វើចលនាផ្ដេសផ្ដាសដែលជាហេតុនាំឲ្យសុដន់យារ។
៧. កោងខ្នង
ការឈឺចាប់ខាងលើនេះហើយជាកត្តានាំឲ្យយើងមានបញ្ហាឥរិយាបថ ឬកោងខ្នងមិនត្រង់ដូចមនុស្សទូទៅ។
៨. ការមិនស្រួលខ្លួនប្រចាំថ្ងៃ និងខ្វះភាពជឿជាក់
នៅសុខៗស្រាប់តែធ្លាក់អាវ ឬហប់ដង្ហើមបង្កជាផលវិបាកដល់សកម្មភាពប្រចាំថ្ងៃ ឬនៅថ្ងៃពិសេសណាមួយ។
ទាំងអស់នេះហើយជាបញ្ហាបានមកពីការពាក់អាវទ្រនាប់មិនត្រឹមត្រូវ ប៉ុន្តែមិនមានការសិក្សាណាមួយដែលបញ្ជាក់ថាការពាក់អាវខុសទំហំបង្កគ្រោះថ្នាក់ដល់សុខភាពធ្ងន់ធ្ងរនោះទេ៕
ប្រែសម្រួលដោយ៖ វារី
ចុចអាន៖សញ្ញាមួយចំនួនបញ្ជាក់ថា ស្រីៗជ្រើសរើសអាវទ្រនាប់មិនត្រឹមត្រូវ
ចុចអាន៖វត្ថុ ៨ យ៉ាង ស្រីៗតែងមានក្នុងកាបូបគ្រប់ពេលវេលា មិនដែលខាន
-
សេចក្ដីជូនដំណឹង៤ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេដ្ឋកិច្ច១ សប្តាហ៍ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ១ សប្តាហ៍ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
សន្តិសុខសង្គម៣ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ១ សប្តាហ៍ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត