សុខភាព

ហេតុផលធំៗត្រូវដឹង មុនសម្រេចចិត្តទៅគ្លីនិក ព្យួរសេរ៉ូមសាច់ស

បានផុស

៨ ខែ មុន

នៅ

ថ្ងៃសៅរ៍ ៥ សីហា ២០២៣

ដោយ

ប្រជាជនអាស៊ីជាទូទៅ ចាត់ទុកពណ៌ស្បែកសគឺជាស្បែកស្អាត ប្រសិនបើកានតែសនិងរលោងនិងមានសុខភាពល្អរឹតតែវិសេស។ សព្វថ្ងៃនេះការចាក់ឬព្យួរសេរ៉ូមសាច់សកាន់តែទូលំទូលាយ និងងាយស្រួលក្នុងការស្វែងរក ក្នុងករណីខ្លះ នៅគ្លីនិកគឺមានតម្លៃសមរម្យ និងមានការពិភាក្សាសេវាកម្មមួយចប់ក៏ចប់ស្រេច។

ទន្ទឹមគ្នានោះទៀតសោត ការព្យាបាលស្បែកសត្រូវបញ្ចូលដោយសារធាតុមានឈ្មោះថា Glutathione ដែលវាមានប្រជាប្រិយភាពយ៉ាងខ្លាំង នៅក្នុងបណ្តាប្រទេសអាស៊ីអាគ្នេយ៍ដូចជា ជប៉ុន ហ្វីលីពីន ម៉ាឡេស៊ី និងសិង្ហបុរី និងថៃ ខណៈដែល Glutathione មានតាំងពីយូរយារណាស់មកហើយ។

ជាក់ស្ដែង អត្ថបទនេះត្រូវបានសរសេរដោយវេជ្ជបណ្ឌិត Niketa Sovane ដែលជាគ្រូពេទ្យជំនាញខាងសើស្បែក និងជាអ្នកឯកទេសធ្វើឲ្យស្បែកភ្លឺល្អបំផុតនៅទីក្រុងបុមបៃ។ នាងគឺជាគ្រូពេទ្យជំនាញខាងសើស្បែកដែលមានវិញ្ញាបនបត្រ មានជំនាញក្នុងការធ្វើឲ្យស្បែកភ្លឺថ្លា ជាមួយនឹងការចាក់បញ្ចូលថ្នាំ glutathione ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១ តើ Glutathione ជាអ្វី?

Glutathione ឬ GSH គឺជាសារធាតុប្រឆាំងអុកស៊ីតកម្ម។ វាមានអាស៊ីតអាមីណូ ៣ ឬប្រូតេអ៊ីនសាមញ្ញ។ រាងកាយរបស់អ្នកត្រូវការប្រូតេអ៊ីនទាំងនេះសម្រាប់ការជួសជុលដែលមានសុខភាពល្អ។ ដូច្នេះ គ្រប់កោសិកាទាំងអស់ក្នុងរាងកាយ រួមទាំងស្បែក ផលិត Glutathione។ រាងកាយរបស់យើងក៏ទទួលបាន Glutathione ពីអាហារដូចជា ប្រូខូលី ឪឡឹក ផ្លែបឺរ និងបន្លែ។

២ តើ Glutathione ប្រើសម្រាប់អ្វី?

វេជ្ជបណ្ឌិតនៃផ្នែកវេជ្ជសាស្រ្តផ្សេងៗគ្នាជាច្រើនប្រើ Glutathione ដូចជា គ្រូពេទ្យសរសៃប្រសាទប្រើការចាក់ Glutathione ដើម្បីបង្កើនមុខងារខួរក្បាលក្នុងជំងឺ Alzehmier និង Parkinson ។ វាក៏ត្រូវបានគេប្រើផងដែរក្នុងការពុល មហារីក មេរោគអេដស៍ និងអាឡ័កស៊ី។ ក្រៅពីនេះ វាត្រូវបានគេប្រើក្នុងជំងឺសរសៃឈាម ទឹកនោមផ្អែម រលាកថ្លើម និងខូចមុខងារថ្លើម។ គ្រូពេទ្យជំនាញខាងសើស្បែកប្រើការចាក់ Glutathione ដើម្បីធ្វើឲ្យស្បែកភ្លឺថ្លា និងភ្លឺរលោង។

៣ តើការព្យាបាលស្បែកស Glutathione ដំណើរការយ៉ាងដូចម្តេច?

នៅពេលអ្នកលេបថ្នាំ Glutathione ឬចាក់ថ្នាំ វាមានប្រសិទ្ធភាពធ្វើឲ្យស្បែកភ្លឺថ្លា។ វាក៏បានបន្សាបជាតិពុលក្នុងរាងកាយទាំងមូលរបស់អ្នក និងផ្តល់ឲ្យស្បែកភ្លឺថ្លាផងដែរ។ Glutathione បញ្ឈប់សកម្មភាពនៃអង់ស៊ីមមួយហៅថា tyrosinase នៅក្នុងស្បែក។ អង់ស៊ីមនេះផលិតមេឡានីន ដែលជាសារធាតុពណ៌ដែលផ្តល់ឲ្យស្បែកនូវពណ៌របស់វា។ នៅពេលដែលអ្នកមានជាតិមេឡានីនច្រើននៅក្នុងស្បែក ស្បែកនឹងប្រែជាងងឹត។ សកម្មភាព tyrosinase តិចមានន័យថាការសំយោគមេឡានីនតិច និងពណ៌ស្បែកស្រាលឬសជាងមុន។

៤ តើការចាក់ថ្នាំធ្វើឲ្យស្បែកត្រូវចំណាយពេលប៉ុន្មាន?

ពេលវេលាដែលត្រូវការសម្រាប់ជួយឲ្យស្បែកស វាអាស្រ័យលើកត្តាជាច្រើនដូចជា៖

-សុខភាព និងភាពស៊ាំរបស់អ្នក។

-របៀបរស់នៅទូទៅ

-កម្រិតនៃការជក់បារី និងការប្រើប្រាស់គ្រឿងស្រវឹង

-ថ្លើមមានសុខភាពល្អ និងសារពាង្គកាយសម្របសម្រួលផ្សេងទៀត។

-ពណ៌កំណើតរបស់អ្នកខ្មៅខ្លាំងឬសម្បុរស្រអែម។

៥ ផលប៉ះពាល់នៃការចាក់ Glutathione

ត្បិតថាវាមានប្រសិទ្ធភាពក៏ពិតមែន តែក្នុងនោះមានផលរំខានសំខាន់ៗដូចជាការខ្សោយតម្រងនោម ឬការពុលឈាមអាចកើតមានឡើង ប្រសិនបើអ្នកជំងឺត្រូវបានផ្តល់កម្រិតថ្នាំដែលលើសពីការណែនាំ។ លើសពីនេះ ផលប៉ះពាល់មួយចំនួនទៀតដែលអាចកើតមានឡើង ប្រសិនបើកម្រិតដែលបានផ្គត់ផ្គង់លើសពី៥ ក្រាមរួមមាន៖

-ចង្អោរ

-កន្ទួលក្រហម ឬប្រតិកម្មអាឡ័កស៊ីលើស្បែក

-រាគ

-បង្កើនឥទ្ធិពលពុលលើថ្លើម តម្រងនោម និងប្រព័ន្ធសរសៃប្រសាទ។

ដូចគ្នានេះផងដែរ Glutathione ជាធម្មតាមានផ្ទុកវីតាមីន C ហើយការប្រើពួកវាអាចនាំឲ្យមានក្រួសក្នុងតម្រងនោម។ តាមពិត ការព្យាបាលការធ្វើឲ្យស្បែកភ្លឺដែលទាក់ទងនឹង Glutathione ក៏អាចនាំឲ្យកើតជំងឺ Stevens-Johnson Syndrome ដែរ។

៦ តើការធ្វើឲ្យស្បែកសដោយការចាក់ថ្នាំ Glutathione មានសុវត្ថិភាពកម្រិតណា?

ការចាក់ថ្នាំ Glutathione មានសុវត្ថិភាព ប្រសិនបើការព្យាបាលត្រូវបានគ្រប់គ្រងដោយគ្រូពេទ្យជំនាញខាងសើស្បែក ដែលដឹងពីពិធីការនៃការព្យាបាល។ ហើយវាក៏ដូចជានីតិវិធីកែសម្ផស្សផ្សេងទៀត អាចមានផលប៉ះពាល់មួយចំនួន អាស្រ័យលើកម្រិតថ្នាំ ផលប៉ះពាល់ដែលមិនចង់បាន អាចមានចាប់ពីកម្រិតមធ្យមទៅធ្ងន់ធ្ងរ។

ចំណែកការព្យាបាលជាមួយវេជ្ជបណ្ឌិត និងបុគ្គលិកដែលមិនបានបណ្តុះបណ្តាល នឹងមិនមានប្រសិទ្ធភាព អាចមានគ្រោះថ្នាក់ដល់ជីវិត ប្រសិនបើជួយមិនទាន់ពេលវេលា។ ក្នុងនោះគេបានណែនាំផងដែរថា អ្នកត្រូវតែចាក់ថ្នាំឬព្យួរសេរ៉ូមសាចសក្រោមការត្រួតពិនិត្យរបស់វេជ្ជបណ្ឌិតតែប៉ុណ្ណោះ។ សូមចំណាំថា ផលិតផល Glutathione ជាចម្បងសម្រាប់ការប្រើប្រាស់ផ្នែកវេជ្ជសាស្រ្ត និងមិនមែនសម្រាប់គោលបំណងគ្រឿងសម្អាងទេ៕